[討論]對廣州嘅新力軍有感而發

廣州人喺圖盧茲

呢幾日因公事同埋探一下啲老友去咗Paris一次.結果冇咩好消息,一大堆關與廣州唔好嘅嘢就聽度唔少.本身搭幾個鐘頭TGV想抖吓喇,不過都係上嚟討論區「訷」吓.

嗰日,做完曬公事後就約咗兩個嚟探親嘅朋友去吃飯啦,點知佢哋同埋一大班大學嘅小朋友(所有人都係廣州嘅廣外嚟嘎)一起嚟吃飯,都冇乜所謂喇,大家難得喺呢度見面又同聲同氣,開開心心!!

不過,接住講嗰啲話題,絕對令我對呢班「廢柴」「刮目相看」啊.

本身嚟到呢度你哋畀心機讀書喇,佢哋唔係,一昧就係講去邊度玩,邊度買嘢.完全傾唔埋,如果廣州指依呢班「廢柴」返去做廣州新力軍啊,我都唔敢諗.......

我問佢哋畢業之後嘅打算,佢哋大多數都話返大陸或者去香港發展.點解唔留喺度,因為啲公司唔請亞洲人.噉我又可以喺touluse揾到工?我諗因為班「廢柴」係冇能力,人哋唔請!!

難怪啲鬼佬嚟廣州賺我哋錢喇,記得嗰年我返廣州同個姪仔去報讀英文課程.點知個先生係波蘭人,既冇英文教育學學士學位,又冇喺英美國家留過學.佢憑咩我哋啊,就憑你係鬼佬??連我講"be all you can be"都唔明係咩意思,你憑乜教我姪仔啊??點解廣州就唔同香港,大家都講廣東話.人哋啲教書先生就要有英文教育學學士學位,我哋求其揾個鬼佬就算.唔通大陸就係唔同香港,就算要學英文都要揾個專業啲個人喇,點解要求自己人就鬼咁高.鬼佬就冇要求!!大陸就係咁??

我諗班「廢柴」就清楚呢一點,所以先返嚟.話曬都飲過「咸水」返嚟啊,係咪??

我自問從01年畢業後就再冇靠過屋企,可能班「廢柴」家底厚,同佢哋比我真係冇得比.寫到呢度我能夠講我可能激啲啦!!!!

[此帖子已經被作者於2007-6-3 15:12:09編輯過]

Wai

又唔使用到“廢柴”呢個詞。

唔同階段嘅人有唔同嘅諗法。

余OK

　　而家咁鬼多所謂「海歸」，究竟有幾多個係眞材實學，我都經常抱住懷疑嘅態度。

廣州人喺圖盧茲

以下是引用Wai在2007-6-3 15:27:44的發言：

又唔使用到“廢柴”呢個詞。

唔同階段嘅人有唔同嘅諗法。

佢哋到畢業就二十六喇,我好似佢哋噉大嗰陣時我已經離開大陸到外面做緊嘢同寄錢返屋企喇.但佢哋仲洗緊屋企錢,而且好'心安理得'咁洗.既唔係勞動者,又體現唔到佢哋嘅社會價值,就連性工作者(我哋俗稱佢哋做'雞')都不如.噉我用'廢柴'嚟形容佢哋係咪好過態啊?

Wai

當佢哋到咗廿六歲或者會有你呢種心情，之但係及時行樂亦未為不妥。玩到凌晨就會攰。

大陆灿

Wai整好个头像喇!

廣州人喺圖盧茲

以下是引用Wai在2007-6-4 9:27:00的發言：

當佢哋到咗廿六歲或者會有你呢種心情，之但係及時行樂亦未為不妥。玩到凌晨就會攰。

希望喇!!!!!!

殺人王

而家出國嘅後生仔愈來愈多,得益於改革開放後嘅經濟繁榮,同一孩政策形成嘅父母寵愛.fficeffice" />

據我觀察,大部分留學生都係自費嘅,一般留學生嘅經濟能力,都唔再好似以前咁必須打PART-TIME工凑學費喇.

社會經濟富裕,教育普及化而非精英制,難免將平均水準拉低.唔好講海外,就算係近年頂尖嘅國內(省內)大學都慨嘆高水準,自動波,有堅實基礎同正確學習態度嘅學生愈來愈少! 再加上外國大學好多都係商業掛帥,同我地想像中嘅人材自然有出入.2005年,我喺墨爾本偶然參加一個開學典禮,校長同市長都有致詞.內容大談大學教育如何為澳洲掙外匯同創造職位…….對於一個聽慣國內開學典禮“十年樹本,百年樹人”呢類門面話嘅我來講,嗰次我聽到嘅演講絶對“學到嘢”.

自此,我充分咁感受到海外大學嘅“務實”.佢地“務實”到以金錢引吸學生上課、讀書，實在同我心中教育嘅理念本末倒置，更勿論國內學校嘅空口白話十年樹木，百年樹人.

不過話時話,如果可以嘅話都係畀下一代出去好.因為我始終認為學嘢係靠自己嘅.嗰D能夠堅持自學，有清晰嘅人生目標同理念嘅人,更值得欣賞,更容易成功.如果自己個心都唔係學嘢,留喺國內嘅大學抑或出國,兩者分別不大.係無用嘅,留喺國內都無真材實料.

“廢柴”呢個詞確實係過喇,我去過幾個國家,發覺無時無刻都有大量華人學生，百無聊賴咁喺市中心留連，好多中餐館要靠佢地光顧先可以做落去,呢方面,佢地一D都唔廢.再加上,十有八九嘅留學生都係學“管理”呢門科目(我所知嘅好多都係讀MANAGERMENT SCHOOL),讀管理,如果無工作經驗又叫人如何放心請你?喺海外,華人要做到管理阶層係要負出好大嘅,更何況係一個剛出來工作,無居留嘅留學生?我係共産黨都唔會請一個外國人來管理國企喇,更何況係發達國家?要佢地請一個外國人來管理,除非佢真係好POP喇……所以佢地搵唔到工唔一定係佢地不濟.

所以“廣州人喺圖盧茲”君都係消消氣,等呢班孩子成長喇.琴日我先睇新聞話中國留學生回國率得30%,咁即係話有70%係攞咗居留或海外工作嘅.如此一來,廣州嘅新力軍未必係佢地……

[此帖子已經被作者於2007-6-4 21:53:26編輯過]

廣州人喺圖盧茲

以下是引用殺人王在2007-6-4 21:35:51的發言：

而家出國嘅後生仔愈來愈多,得益於改革開放後嘅經濟繁榮,同一孩政策形成嘅父母寵愛.fficeffice" />

據我觀察,大部分留學生都係自費嘅,一般留學生嘅經濟能力,都唔再好似以前咁必須打PART-TIME工凑學費喇.

社會經濟富裕,教育普及化而非精英制,難免將平均水準拉低.唔好講海外,就算係近年頂尖嘅國內(省內)大學都慨嘆高水準,自動波,有堅實基礎同正確學習態度嘅學生愈來愈少! 再加上外國大學好多都係商業掛帥,同我地想像中嘅人材自然有出入.2005年,我喺墨爾本偶然參加一個開學典禮,校長同市長都有致詞.內容大談大學教育如何為澳洲掙外匯同創造職位…….對於一個聽慣國內開學典禮“十年樹本,百年樹人”呢類門面話嘅我來講,嗰次我聽到嘅演講絶對“學到嘢”.

自此,我充分咁感受到海外大學嘅“務實”.佢地“務實”到以金錢引吸學生上課、讀書，實在同我心中教育嘅理念本末倒置，更勿論國內學校嘅空口白話十年樹木，百年樹人.

不過話時話,如果可以嘅話都係畀下一代出去好.因為我始終認為學嘢係靠自己嘅.嗰D能夠堅持自學，有清晰嘅人生目標同理念嘅人,更值得欣賞,更容易成功.如果自己個心都唔係學嘢,留喺國內嘅大學抑或出國,兩者分別不大.係無用嘅,留喺國內都無真材實料.

“廢柴”呢個詞確實係過喇,我去過幾個國家,發覺無時無刻都有大量華人學生，百無聊賴咁喺市中心留連，好多中餐館要靠佢地光顧先可以做落去,呢方面,佢地一D都唔廢.再加上,十有八九嘅留學生都係學“管理”呢門科目(我所知嘅好多都係讀MANAGERMENT SCHOOL),讀管理,如果無工作經驗又叫人如何放心請你?喺海外,華人要做到管理阶層係要負出好大嘅,更何況係一個剛出來工作,無居留嘅留學生?我係共産黨都唔會請一個外國人來管理國企喇,更何況係發達國家?要佢地請一個外國人來管理,除非佢真係好POP喇……所以佢地搵唔到工唔一定係佢地不濟.

所以“廣州人喺圖盧茲”君都係消消氣,等呢班孩子成長喇.琴日我先睇新聞話中國留學生回國率得30%,咁即係話有70%係攞咗居留或海外工作嘅.如此一來,廣州嘅新力軍未必係佢地……

或者你講得都啱,不過有時我諗點解我哋留學同移民,唔就係想自己同埋屋企人以後生活過得好啲.但佢哋冇珍惜呢個機會,而係.......有時真係有啲講唔出嘅感受.

我哋呢啲新移民個個為實現自己喺當地嘅社會價值而打拼,但有啲留學生就...............唉!!!!!!!!!

算啦,都係顧掂自己喇.至於佢哋有人會幫佢哋諗掂嘎啦!!!!

噹噹

都唔係個個咁o架!噹噹細細個出o黎就幫大哥哥佢地睇舖喔!宜家讀緊書(返下午學)，早上同晚上係舖頭都邊做功課邊幫手睇舖o架!大哥哥問噹噹大個仔想做乜野，噹噹就話宜家讀好書，等大個仔就返中國(廣州)讀大學喔!然後......噹噹係咪好乖呢？嘻嘻!

[此帖子已經被作者於2007-6-4 23:06:42編輯過]

barryshawn

美國呢邊的留學生一樣，無論外省還是廣東

噹噹

“要瀨貼屎地”(美國)d學風垃圾嗟!又咁多校園暴力!......呢度d就唔會丫!呵呵!