覺唔覺粵語好中意加「水」字同「老」字？

cantonese_yau

加「水」字

正所謂「水爲財」，好多粵語俗語都有「水」字，比如「抽水」、「食水」「掠水」「磅水」等。
除開呢啲同錢銀有關嘅詞，其實粵語有好多俗語都係後邊加個「水」字，比如：

名詞後加：「色水」「命水」「心水」「力水」「眼水」
形容詞後加：「醒水」「威水」「乜水」（原先可能寫成「乜誰」，粵謳上邊都見過）
動詞後加：「散水」「睇水」「吹水」「縮水」「通水」「反水」「提水」「放水」「笠水」「瀕（man3）水」

請click入 xsden.info/topic/1060 瞭解更多

-----------------------------

大家好，歡迎來自由匿名粵語論壇 xsden.info 暢所欲言！
天南地北，講乜都得，無需真實資料即可注冊！
等我哋一齊來講粵語，寫粵文，重振南粵文化！

cantonese_yau

加「老」字

喺粵語入邊，「老」字除咗表示年紀大同尊稱（比如老倌、老頂、老世、老總）之外，
有好多粵語俗語都會喺前面加「老」字，而且加咗之後會帶歪埋後邊嘅讀音（一般都係變成陰上）：

動詞前加：老奉（fung6→2，take it for granted，理所當然，應分；「奉」可能係「奉旨」嘅簡寫），老笠（rob，打劫），老翻（翻版），老點（整蠱），老作、老吹（編造）、老謀（謀殺）、老屈（冤枉）
名詞前加：老親（水魚、冤大頭），老例（lai6→2，規矩），老西（西裝），老脾（pei4→2，脾氣），老銀（ngan4→2，原指舊首飾，而家泛指積蓄），老火（多用於「老火湯」，指煲煮時間長）
形容詞前加：老死（死黨），老利（lai6→2，吉利），老定（鎮定），老臨（lam4→2，臨時演員），老同（同性戀），老廉（lim4→2，廉政公署），老散（散工），老軟（軟飯），老千、老正（兩者皆指行旁門歪道嘅騙子；不過點解出術叫出千？）、老左（左派）

有無發覺上邊嘅詞基本上都唔老利？欲知詳情，請移步 xsden.info/topic/1102/