[原創]G肉佬之日常：Dog

gboss

　　做只貓做隻狗不做凡人，做隻寵物至少可愛迷人。——G肉佬

　　從前中國人養狗，唔係看門口，就係供奉五臟廟。用洗頭水幫狗沖涼；用風筒幫狗吹毛；買靚衫畀狗着；買塑膠玩具畀狗玩；甚至買新鮮排骨畀狗食……真係奢侈到冇人有。

　　今日一個富婆噉樣嘅女人嚟市場買餸。好心著到咁光鮮就唔好嚟啲咁邋遢嘅市場啦，你睇下佢，行得既樣衰又掗拃，屎窟鬼吖，重挪住個CD手袋，名牌嚟喔！都唔驚人槍嘅。埋到嚟重聲大口臭噉講：「豬肉佬，斬兩斤排骨來吖，我要嚟喂我屋企隻Bobo。」我問：「Bobo係？」「我隻狗囉，哎呀，人地當佢自己仔噉惜（錫）價！」

　　我眉頭一皺，心諗：死囉，我都係餐餐豆豉鯪魚，你只衰狗食得重好過我，有沒搞錯！我一邊諗一邊已經斬好，遞畀佢嗰陣重怕我啲豬血整烏糟佢件衫，要多我幾個膠袋，重話幾千蚊嘅名牌衫我賠唔起，比錢嗰陣又唔係疏爽過人喔。正一狗乸，走遲啲我就用刀斬你個仆街！

　　睇返衣家啲人，一得閒就拖住隻靚狗出街散步，成個二世祖噉樣，有啲重抱住行，又買雪糕畀隻狗食添，拌曬魚蝦蟹噉。連我老媽子都沒對我咁好啊，你話做人幾辛苦呢！

[ 本帖最後由 gboss 於 2008-11-13 17:03 編輯 ]

卢总

?

做只貓做只狗不做凡人，做只寵物至少可愛迷人。——G肉佬

從前中國人養狗，唔係看門口，就係供奉五臟廟。用洗頭水幫狗沖涼；用風筒幫狗吹毛；買靚衫畀狗著；買塑膠玩具畀狗玩；甚至買新鮮排骨畀狗食……真係奢侈到冇人有。

今日一個富婆噉樣嘅女人嚟市場買餸。好心著到咁光鮮就唔好嚟啲咁邋遢嘅市場啦！你睇下佢，行得既樣衰又掗拃，屎窟鬼啊，重攞住個CD手袋，名牌嚟喔！都唔驚人抢嘅。埋到嚟重聲大口臭噉講：「豬肉佬，斬兩斤排骨嚟吖，我要嚟喂我屋企只Bobo。」我問：「Bobo係？」「我只狗囉，哎呀，人哋當佢自己仔噉錫咖！」

我眉頭一皺，心諗：死囉，我都係餐餐豆豉鯪魚，你只衰狗食得重好過我，有冇搞錯！我一邊諗一邊已經斬好，遞畀佢嗰陣重怕我啲豬血整污糟佢件衫，要多我幾個膠袋，重話幾千蚊嘅名牌衫我賠唔起，畀錢嗰陣又唔係疏爽過人喔。正一狗乸，走遲啲我就用刀斬你個仆街！

睇返而家啲人，一得閒就拖住只靚狗出街散步，成個二世祖噉樣，有啲重抱住行，又買雪糕畀只狗食添，扮曬魚蝦蟹噉。連我老媽子都冇對我咁好啊，你話做人幾辛苦呢！

gboss

QUOTE:

以下是引用卢总在2007-5-11 2:19:39的發言：……

繼續多謝卢总幫我改錯字，但希望你下次修改嘅時候直接將錯字抽出嚟，噉一嚟方便我自己修改，二嚟都方便大家討論。

dada

支持G肉佬系列。

簡體淨用「只」﹐但繁體分開「隻」同「只」。

《國語辭典》﹕「隻，量詞：(1) 計算飛禽走獸等動物的單位。如：『一隻雞』、『兩隻兔子』。(2) 計算物體件數的單位。通『只』。如：『一隻箱子』、『兩隻耳環』。」

Kathy

G肉佬系列寫得好盞鬼~

支持支持~希望gboss繼續創作多d 通俗既故仔～

gboss

以下是引用dada在2007-5-13 3:34:06的發言：

支持G肉佬系列。

簡體淨用「只」﹐但繁體分開「隻」同「只」。

《國語辭典》﹕「隻，量詞：(1) 計算飛禽走獸等動物的單位。如：『一隻雞』、『兩隻兔子』。(2)
    計算物體件數的單位。通『只』。如：『一隻箱子』、『兩隻耳環』。」

我知道，以前没用过word嘅繁体转换功能，所以一转就全部转晒，自己都知道係個低级错误

[此帖子已經被作者於2007-6-8 15:40:09編輯過]

gboss

多谢你哋嘅意见！