[討論]推普的原來目的是為了反地方主義?

barryshawn

其實係咪廣東人自己衰先玩得太串,得罪晒d外省人,引起政府要調幾千個北方官去廣東,然後又強行推普?

[此帖子已經被作者於2007-4-11 14:27:18編輯過]

卢总

你咩意思啊？点先为之“玩得太串”先？

重有，推普系全国性嘅，并唔系单单喺广东。

只不过北方嘅诸多地方方言同普通话比较相近而冇乜太大嘅反应，但广东嘅地方方言同普通话系大相径庭（呢个词可能用得唔系好恰当），而好多北方人嚟到广东唔识／肯入乡随俗，系要坚守自己嗰套，甚至摆出一副“上大人”嘅臭架子，肆意批评、攻击广东本土文化……所以先至造成咗目前嘅呢种局面！

羊城惜花人

非常贊成盧總嘅見解，真係諗極都唔明，啲北人嚟到廣州點可以完全一啲粵語都唔識嘅呢？我尊重你，同你講普通話，你就重得戚，學唔識係一回事，唔想學又係另一回事，粵語畀人排斥，重要背負排外嘅罪名~

大陆灿

好讨厌個啲講5咸5淡嘅广东话嘅人。

有谁共鸣

啲北人正式係恶人先告状，嚟到广东唔尊重我哋嘅语言，自己唔学习粤语方言也作罢，但点解一定要强迫我哋讲普语？！

大陆灿

北人嚟广东都係稳餐饭食姐！我相信佢地无敢嘅意图亦无敢嘅能改变广东人嘅语言习惯。要怪就怪啲有权力推普嘅人。