原帖由 HKCantonese 於 2008-9-16 14:37 發表 
有沒有南寧粵語聲母表,韻母表,聲調表? 有沒有南寧粵語拼音方案? 南宁白话，声母文读就系广州音.至于白读法，就部分字嘅保留系广州音中已经「腭化」咗嘅音原来嘅舌根音，如「钦」广州音发jam，南宁话发ham，还有「鑫」广州音jam，南宁话发ham,「欣」广州音jan，南宁音ham.当然，如「熊」呢个字又有少少特殊，广州音保留咗舌根音嘅发音，但呢个字系南宁话就已经「腭化」成jiong，呢个现象系南宁话中比较少有嘅。 而韵母，南宁话系文读白读混合。如跑，有人钟意发pau，可以，有人钟意发peu，亦可以，系交流上冇任何嘅唔便。呢种情况还有「八」，「眼」，「觉」，「包」等。但比较特殊嘅系「包」，虽然话可以发bau,亦都可以发为「高化音」beu系南宁，但一般情况，bau系通用读法，而beu只能用系表示袋子呢类物品上时可以跟bau换用，如果系如「面包」「豆沙包」呢类食品类嘅「包」就唔可以发成beu，就只能发成bau. 再如「觉」，一般南宁话多用geu,不过系睡觉呢个意思里头，一般发成gau，当然有人亦都发成geu.不过系氹细路仔时会讲「睡觉觉」，呢处嘅「觉」都发为gau，第二个字音调较高点。但同样系氹细路仔时用嘅「觉觉觉」，分两种发法，一种三字都发为gau，只是音调略有变化，第二种系前两个字发为gau,而第三个字发为geu. 我也不知道为什么，可能咁发比较好玩而且有点俏皮吧，就如有人钟意把「耳朵」嘅「朵」唔发为do2,而发为doe2一样。 还有「眼」，可以发ngan,亦都可以发ngen.按个人喜好。不过「拜眼恨」（打瞌睡，个眼皮总系向下合又勉强撑开，同埋个头垂落嚟又死硬抬起身，就好似拜山咁。「恨」呢个音应该类似广州话中嘅「瞓」一样。）中嘅「眼」就一定要发成ngen，因为系俗词短语固定发音，唔可以用文读白读去分析。如果夹硬发ngan，听起身怪怪嘅，而且系周围人听嚟你个人有D扮嘢。 而声调上，实际发音比广州音要少。如阳平调21调和阳去调22就混咗。总体调比较平，虽然韵母上有受南番顺口音影响，但声调上就冇南番顺声调咁音调变化那么大。还有南宁话唔钟意变调，广州音中变调地方，南宁话基本上唔变调。总体上南宁话音调上系好平庸个种，甚至乎有D沉。当然南宁人98%人来自广东，咁过嚟人又嚟自广东唔同地方，咁口音上自然有所差异，如我屋企，年卅晚返屋食饭，我仔细观察下，就发现我老窦嘅口音就跟我四伯嘅口音唔同，我老窦口音就系传统南宁音（南番顺影响），咁我四伯就类似广州音多D（元音冇高化现象，且变调更多）。我怀疑比较老嘅人钟意文读，亦系广州音多D，而后尾人，可能系所谓嘅「本土意识」，更加强调本土音，所以白读法多D。广西，80年代百色地区就钟意发文读法，而南宁80年代后就更多系白读。可能跟城市级别有关。南宁作为广西首府，系意识上广东过嚟商人嘅后裔们所谓嘅「本土意识」比非政治中心城市要强。当然个人猜测跟当时过嚟南宁嘅广东商人嘅心态都可能有关。原本个班商人系广东，做生意多数情况为咗交流方便用嘅系广州音，咁过嚟广西，就想自己做大佬，以自己嘅口音作标准，呢个我怀疑就系南宁「本土意识」嘅基础。由于本土意识增强，南宁从来都系「重白轻文」，一般讲话都用白读法，如果你用文读，周围人就会觉得你好另类，觉得你系D扮嘢。 以上纯属个人观点，只做参考用。 （「佛山话重有一部分习惯用於唔同于正宗广州话，例如：
嗰—>佬：嗰个—>佬个，嗰便—>佬便，嗰日—>佬日
喺度—>喺盖：阿哥喺唔喺度呀？—>阿哥喺唔喺盖呀？
返屋企—>去归：返屋企食饭—>去归食饭
未—>命：佛山话「未曾」讲得快，就变成[命]音，因此，「食饭未」就变成「食饭命」
叫—>el：叫你你又唔应—>el你又唔应
咗—>hel：做咗功课未？做咗。—>做hel功课命？做hel。」 「 佛山话嘅发音同广州话相比，除咗呢个显著分别，另外重有个别字嘅声母有变化，不过好难总结成规律。例如[佢]keoy5字，佛山话大多将其读成heoy5；[瞓]fan3字读成han3。」 系网上发现有篇文章，发现佛山话跟南宁话都有渊源。上面中嘅，佬，命---其实真正发音系mang，还有那个el也是南宁话常用的词。 佢字在南宁确实有相当一部分人会发成heoy，我原先以为系佢D发错音，依家只识原来系佢本身嘅口音。 系咁睇嚟佛山顺德等地区对南宁影响都几大啵。
）
[ 本帖最後由 csywashing 於 2008-9-21 21:07 編輯 ] | 
發表於 2008-9-16 14:27:26
發表於 2008-9-21 09:12:10
.
