请教几个广东人都答唔到嘅问题～求助～

细路

形容D嘢，比如“芋头”未熟，有D“神伸哋”，普通话系点讲呢？

余OK

　　我查實都唔知前兩字正字係點寫。順德音係讀「can5 can5地」嘅。

细路

系哩？正字唔识写唔紧要喇，普通话点讲我好想知。。。

jakan

芋头未熟食咗，嚡颈、痕颈。普通话一般讲“喉咙发麻”“发痒”有人重会讲“涩涩地”。

细路

无其它更好嘅答案喇咩

朱利安

普通话直接说：生的，还没熟．

不是每句方言都可以翻译的，要看当地的使用习惯的．

细路

楼上讲得唔啱，我问过一圈人，虽然人哋都答唔到，不过人哋都有讲过，此处翻译成生、未熟感觉上依然系好唔掂嘅，如果如你所解释。。。甘我何必多此一举，有此一问哩？

huang

QUOTE:

以下是引用细路在2007-3-9 22:18:02的發言：
楼上讲得唔啱，我问过一圈人，虽然人哋都答唔到，不过人哋都有讲过，此处翻译成生、未熟感觉上依然系好唔掂嘅，如果如你所解释。。。甘我何必多此一举，有此一问哩？

講得地道啲應該講?? 噉我點解要脫褲痾屁

朱利安

QUOTE:

以下是引用细路在2007-3-9 22:18:02的發言：
楼上讲得唔啱，我问过一圈人，虽然人哋都答唔到，不过人哋都有讲过，此处翻译成生、未熟感觉上依然系好唔掂嘅，如果如你所解释。。。甘我何必多此一举，有此一问哩？

你的而且确系除裤放屁，多此一举！哈哈．

夢星羽

食物未煮熟，普通話叫做“夾生”。
至於粵語的“神神哋”的本字是“脤”，
脤，《廣韻》時忍切，本指生的祭肉，引申指生的食物。
《穀梁傳》：“脤者何也，俎實也，祭肉也。生曰脤，熟曰膰。”
在古代，祭神要用生的食物（脤），而祭祖則用熟的食物（膰）。
因爲神仙是不吃人間煙火的，所以祭祀神靈要用生的食物，至於神仙怎麼處理這些生的食物，那是神仙的自由（我估計神仙會用三昧真火來烹飪這些生的食物，當然，這純屬我無知亂猜，神仙有怪莫怪，細路仔唔識世界）；
而祖宗是鬼，鬼生前是人，飲食習慣也自然和人一樣，所以祭祀祖先要用熟的食物。
現在常看到有人燒豬還神，我就在想，你到底想不想讓神仙他老人家吃這隻豬呢？
你自打自爲，越庖代俎，完全不考慮神仙的飲食習慣，居然還想神仙保佑你，這不也太過分了點嗎？
大家下次拜神不妨用生肉試試，保證神仙會格外關照你。呵呵——

monfan

梦前辈嘅解释寓教于乐，哈哈！善哉善哉，好在我唔系亲手拜神（仙）嘅啫。

顺便提及一个，方言，语言都一个特性，如果完全可以用另外种语言完全表达出嚟，噉呢种语言就应该系冇用嘅，唔存在嘅，事实上系冇呢个可能。现实就系，一个语言有佢嘅特点，而呢个特点好跟佢哋嘅文化走，如果话有种语言可以完全匹配地表达到嘅话，其实佢就系佢自身呢种语言了，啫系两个语言嘅文化系一样嘅。

我大概笼统噉卖弄咗啲我所知仅有嘅“语言学”知识，大家见笑喇～有不当之处，还望不吝赐教！欢迎良性嘅讨论！

梦前辈所讲“夹生”，就好似未煮熟嘅半生半熟嘅米饭“夹生饭”，未煮熟嘅食物用“夹生XXX”

后面如果要表达点样“夹生”法，噉就多姿多彩咯～

[此帖子已經被作者於2007-3-21 9:15:18編輯過]