喺廣視網發咗帖“希望新聞日日睇嘅各主持可以用更地道嘅廣州話（廣府話）做節目”

Lucciora

希望新聞日日睇嘅各主持可以用更地道嘅廣州話（廣府話）做節目

作 者: lucciora(Lucciora) 2007-02-14 14:16:28 [编辑] [短信] [回复] 唔記得係咪前日，有個新聞日日睇嘅記者姐姐，將“跳虱(sat)市場”講成“跳蚤(zou)市場”，“跳蚤市場”呢個詞係普通話嘅詞，用廣州話（廣府話）講嗰陣請講爲“跳虱(sat)市場”，因爲呢種情况就好似Beckham翻譯成“貝克漢姆”，然後再攞廣州話（廣府話）嚟讀噉樣咁哽耳，用“碧咸”嘅話咪幾好～～ 另外陳SIR喺前幾日嘅新聞日日睇嘅節目入邊，話唔識報紙入邊嘅“沒戲”喺乜意思（眞係廣州人都睇唔明嘅廣州報紙，重叫乜鬼廣州報紙啫！），其實喺廣州話（廣府話）入邊係“冇行”或者“咪使旨意”噉解，另外字幕嗰度打“無（mou4）嘢到”，但陳SIR係講“冇（mou5）嘢到”，既然都打咗個“嘢”字出嚟，重乜要打“無（mou4）”而唔打“冇（mou5）”呢？ 其實呢一切一切，都係因爲係用普通話文法寫稿有關，如果係用粵語嚟寫稿嘅話，執執字粒再出街，即時就靚仔好多喇，希望新聞日日睇嘅各位大俠同女俠注意注意啊～～ PS:如果需要技術支持，粵語協會會第一時間提供幫助

[此帖子已經被作者於2007-2-14 15:20:57編輯過]

Wai

我諗佢哋改唔到喇。

反正都冇乜人睇。

亂棍歐死越南仔

LG都算得係力推粵協喇!!

G持

卢总

建议Lucciora去[U]广州怒人专插地带[/U]揾啲文章转贴去广视网，睇过陈扬有啲咩讲！

最好你一转完帖或者有人回复就马上保留证据，如果佢哋删帖嘅话，足见呢个节目，包括呢个电视台都系伪善嘅！

我绝对唔介意你哋指埋原文嘅出处，有咩问题我一力承担！

neo

我有次發貼要求陳揚講好啲廣州話，咪讀錯音，冇幾耐張貼就畀人刪咗！

kmark

咪讀錯音，冇幾耐張貼就畀人刪咗！

monfan

虱(sat)蚤(zou)根本就系两种唔同嘅生物啊～

首先你有冇搞错呢个词

我揾返某集 《最紧要正字》就清楚晒，有讲过呢个词语

一种系跳嘅，一种系吸血嘅，唔识得跳

[此帖子已經被作者於2007-3-9 5:48:31編輯過]