|
做咗就11个月喇~攞到手嘅钱唔够4000几,加上头两个月嘅饭钱而已...... 钱其次啊,我都系旧同学叫我过去,而且喺退学后喺屋企咁耐咪谂住学吓嘢,出嚟工作又好,当学徒又好,反正见识吓~~~~二话没说,我马上应承,钱都冇讲住嘅... 开始当然做啲简单嘢先啦,跟住5月份,开始有写软件写游戏嘢,两个程序员加我呢条傻佬成日陪佢哋捱夜,越嚟越夜,唔知道点解嗰时候硬系钟意喺度揿电脑,好热心噉想帮吓手 呢段时间真系忙到死,做嘢最多嘅时候,而且唔系好识,慢慢上手. 之后越嚟越衰了,老板唔知道系咪逃避屋企啲压力,老婆怀孕可能屋企好冇意思,成日畀屋企烦住晒,噉就经常喺公司拖,夜夜都唔走......久而久之,我哋上班时间从以前我初嚟嘅10点推到午后....(而家打死唔理,我瞓到下午1点几两点先起身慢慢吃饭再返去) 睇得出老世都未定性,后生仔廿六岁,公司有ps2,nds,ndsl,ngc,死未,模拟器大把游戏,捽碟机控制台都买埋,系咪好恐怖呢!!!? 经常隔篱两个嘢喺度打机,你喺度做嘢,你心理几唔平衡啊!!!心散到死啊~~~吃饭睇动画片,几乎必备,唔系就栋笃笑,电影,游戏杂志光盘 公司啲客又系,好钟意拖~虽然我哋系唔系做得几快手,但系冇理由咁耐都唔主动联系我哋0架~~有一间嘢话做网站,其实揾我哋过桥,水人哋落沓,呃人钱;有一单,我都做晒中文,跟住话整英文,退咗话第个畀翻译,翻译又系拖,跟住后来又话放上去了,放住英文先,再最后拖到老世直接上佢哋度,联系开嗰个话"我哋公司结业,我听日都离开公司嘞~~"我辛勤劳动就冇晒结果,钱都冇得收,顶佢个肺啊!!!再有单,好赶噉同佢一个月就做好晒,放晒上去了,用紧了,10月头交,写明合同12月收尾数,我顶佢,唔收钱唔催你都唔话改,改嚟改去,重新改咗次图片资料,搞到我死死吓,以为掂啦收钱,发工资,跟住话成个前台后台程序改,小喇叭,边度有啲噉嘅公司0架! 合同于我哋于客户我谂,喺呢间公司系冇乜效力可言....................... 有人通过我介绍咗单嘢畀我哋公司做,页面都出咗喇,但系搞之前啲手尾就冇时间搞呢边,接嗰时候都好乱,我又未熟悉业务上嘅嘢,未对个客讲解我哋嘅编排啊嗰啲嘢,开始讲当然讲得唔好啦,有次倾电话佢哋都未返嚟,电话到了我都唔知道点讲~~~~折抵肯定有啲,不过都签咗,今日上嚟交域名空间租用费用啊,除咗我扫地拖地之外乜都冇准备吓,人哋上到嚟,"你哋重要等咩啫,写张收据我走0架喇,今日我"奶奶~"生日啊"几唔好呢!~~~找钱都系我再出咗廿文找咋,阴功~~~~好难堪无奈无聊黐线白痴愚蠢XXX啊~~~ 当你喜欢上你上司/老世嘅时候你就出事喇~千祈唔好啊~~~虽然我哋倾偈讲嘢好似朋友噉,公司出去好似乜都讲,但我唔系好识得抱怨人哋,有咩怨言都收埋收埋,当睇到我行动行为异常其实我可能就系喺度表达我嘅不满~~~ 我系一个好思考型嘅人,而家做嘅工作主要系电脑美工,网页网站版式设计,外加电脑打杂民工.但我唔习惯/适合做艺术工作,我钟意用脑,虽然揿电脑上网系我好钟意嘅爱好甚至系上瘾症,好依赖,但都要实际讲句,我都要揾食......我学嘢唔够专心,老世都早讲过话"呢度畀钱唔多,叫我如果学嘢嘅话你好好地学,我都唔系啲有好嘢都收埋嗰种人.细公司就系好适合学嘢". 总结:
好嘅方面:增长见识,提高技术,累积工作经验,学习处事对人
坏嘅方面:待遇差,工作环境氛围差,员工心散,办公时间不正常,办公办私杂乱无章. 曾经对自己讲,后生仔出嚟做嘢,唔好咁计较得失,努力做好自己本分,见识多啲,学到啲有用嘅嘢累积多啲社会、工作经验,为将来揾食打好基础......但世界系现实嘅,我以前对钱都系唔敏感,因为屋企太温暖喇~ 奉劝各位初出嚟/就出嚟工作嘅朋友:做好你嘅思想准备,接受社会嘅现实! 老世,以后公司掂当,请到好员工,唔好要人开口你先出粮啊! 如果唔系人哋唔会做得长久0架! |
發表於 2007-1-13 11:56:57
發表於 2007-1-13 13:57:09
發表於 2007-1-13 22:26:02
發表於 2007-1-14 02:09:28