[原創]一隻鷄仔嘅故仔

manilau

其實我都有少少問題想問吓，個“俾”同“畀”有啲咩分別，同埋幾時用邊個啊？

同埋“仲有”“重有”係啲咩唔同啊？

“黐????”我睇唔到后面兩個字啊～

manilau

從前有一隻鷄仔，一出世就係啞嘅，本來佢有好好嘅羊仔，豬仔等朋友，但係因爲包租婆火鶏加價，租金竟然加咗，佢被逼要搬遷。
之後佢搬咗去市中心海因身成嘅降價柴房度，真係好平，不過真係好殘···
好好彩，佢都揾到朋友。佢哋係孔雀，蟒蛇，仲有好kawaii嘅鴨仔。
但係有一晚，條蟒蛇忽然用好凶狠嘅目光啤實隻鷄，然後説時遲那時快，用佢黐笠笠嘅身，翹住條鷄頸，然後慢慢用力，想整死佢。鬼叫隻鷄係啞嘅咩，根本冇人覺得果個時候有嘢發生。最後，隻鷄俾條可惡嘅蟒蛇生out out勒死咗。
然後條乞人憎嘅蟒蛇仲要用佢好抵死嘅嘴，一啖吞咗隻死鷄，連洗都唔洗，衛生意識極度差。之後住喺柴房入面嘅人都好奇怪，已經兩日見唔到隻鷄喇，打佢電話又冇鷄听。之後佢哋報咗警，阿sir嚟咗落口供。（待續）

余OK

　　我執咗吓樓主嘅字粒：

　　從前有一隻鷄仔，一出世就係啞嘅，本來佢有好好嘅羊仔、豬仔等朋友，但係因為包租婆火鶏加價，租金竟然加咗，佢被逼要搬遷。之後佢搬咗去市中心海因身成嘅降價柴房度，真係好平，不過真係好殘……
　　好好彩，佢都搵到朋友。佢哋係孔雀，蟒蛇，重有好kawaii嘅鴨仔。但係有一晚，條蟒蛇忽然用好凶狠嘅目光睥實隻鷄，然後説時遲那時快，用佢黐????嘅身，翹住條鷄頸，然後慢慢用力，想整死佢。鬼叫隻鷄係啞嘅咩，根本冇人覺得嗰個時候有嘢發生。最後，隻鷄畀條可惡嘅蟒蛇生out out勒死咗。
然後條乞人憎嘅蟒蛇重要用佢好抵死嘅嘴，一啖吞咗隻死鷄，連洗都唔洗，衛生意識極度差。之後住喺柴房入面嘅人都好奇怪，已經兩日見唔到隻鷄喇，打佢電話又冇鷄听。之後佢哋報咗警，阿sir嚟咗落口供。（待續）

Wai

呢個原創故仔幾得意喎。幾好睇喎。

?“畀”同“俾”，“仲有”同“重有”嘅分別喺粵語協會主頁應該有講。

黐nap6 nap6個nap6係寫成“”噉嘅。

參考：http://www.unicode.org/cgi-bin/GetUnihanData.pl?codepoint=25E49&useutf8=true

外外星人

学嘢

思覺失調

幾搞喎～～

 

 

但係待續待咁耐. 冇下文嘅？

 

外外星人

居然打唔出个「睥」字。

睥睨
[look askance at;look at sb. disdainfully out of the corner of one's eye] 斜着眼看,侧目而视,有厌恶或高傲之意

[look sideways]∶眼睛斜着看,形容高傲的样子
睥睨众史如庸奴。――王安石《虎图》
睥睨故久立,与其客语。――《史记·信陵君列传》
[spy]∶窥伺
睥睨宫闱

思覺失調

樓主失踪咁耐~~待續到幾時架?

由于個故仔好得意..

我嚟"代"續喇... 希望樓主唔好介意~~

 

 

 

 

嚟錄口供嘅阿sir叫馬SIR.呢位馬SIR做嘢嘅態度真係好麻麻.
佢幫鴨仔錄口供嗰時成日都漫不經心噉.成日都諗住嗱嗱聲搞掂單嘢,唔好煩住晒~.
突然間,佢見到靚雀孔雀行過嚟又想錄口供.
馬SIR即刻扮晒正經咁,笑騎騎咁問孔雀啲細節問題..雞仔幾時唔見咗啊 之類.
孔雀梗係好認真噉答佢喇,佢錄完口供,做完嘢,要走嘞.
但係佢又想見多孔雀幾面喎.所以佢决定全力幫孔雀呢個忙.
噉樣除咗可以見多孔雀幾麵之外,重可以令孔雀對佢産生好感呀嘛~
於是符,佢搵咗另一位破案好叻嘅阿SIR---老鼠頭嚟視察環境,搜集證據,睇吓有咩嘢綫索...~
馬SIR自己叫老鼠頭去耖吓有冇料到,自己就掛住喺度媾孔雀..
呢個老鼠頭好醒目嘅,就連啲"窿窿旯旯"佢都可以耖得一清二楚.
卒之,佢喺雞仔個竇度發現咗幾片蛇鱗!
佢突然間醒起,佢個"老死"---蟒蛇都係住呢度架噃!
唔通呢件事同蟒蛇有關~?
老鼠頭决定將啲蛇鱗自己收埋先,噉樣就可以幫蟒蛇洗脫罪名喇!
由于老鼠頭係做緊虧心事,所以諗住鬼鬼祟祟噉樣行出間房,然後就話畀馬SIR知佢乜都搵唔到!
點知,佢鬼祟得滯,又或者係雞仔顯靈.老鼠頭臨出門口僕咗喺度.
鴨仔見佢僕街,好心過去扶一扶佢.
好衰唔衰,老鼠頭啱先袋住啲蛇磷跌咗片出嚟,拮親鴨仔隻腳.
鴨仔feel到痛,但係又唔好意思叫出聲.因爲鴨仔好識大體嘅.有客喺度,費事失禮.
阿老鼠頭就噉攞咗啲證據走咗.
鴨仔見客人走咗喇,即刻反轉個脚板底嚟睇吓究竟係乜嘢"摻"親佢.
竟然發現係一片蛇磷!鴨仔發覺事有蹺蹊...

外外星人

抢位，坐住先！

外外星人

原帖由 思覺失調 於 2008-5-3 21:26 發表 樓主失踪咁耐~~待續到幾時架? 由于個故仔好得意.. 我嚟"代"續喇... 希望樓主唔好介意~~         嚟錄口供嘅阿sir叫馬SIR.呢位馬SIR做嘢嘅態度真係好麻麻.佢幫鴨仔錄口供嗰時成日都漫不經心噉.成 ...

 

现代版嘅柯南·道尔或者系希稚阁都得！

 

噉樣除咗可以見多孔雀幾麵之外——唔系想食妳啲麵，系想见多妳几面。

 

於是符——于是乎。

 

窿窿旯旯——罅？

 

耖吓有冇料到——用耖弄细土块 [level land with such an implement]
                                耖,重耕田也。――《行韵》