[討論]老鄉的定義

barryshawn

以我所知老鄉的定義是大家祖籍在同一市縣,在同一袓籍市縣長大,說著同一種祖籍市縣的同一方言的人

請問大家祖籍不同,在同一市縣長大,說著同一種(所長大的市縣)的方言算不算老鄉呢?

Wai

好似係講“同鄉”，“同村”多啲喎。睇字面就知解釋喇。

barryshawn

睇湖南電視主持人叫路人做長沙老鄉,就算佢講長沙話,長沙咁多個鄉,咁佢又會知果個長沙人係長沙老鄉

咁國內朋友口中的"老鄉"的定義是什麼?

[此帖子已經被作者於2006-12-25 12:34:15編輯過]

余OK

　　其實係睇返所處嘅範圍，我嘅理解係：若果你喺大陸嘅家鄉，噉老鄉嘅定義就應該係本鎮甚至本鄉嘅人；若果你出到省城，噉你撞見同縣嘅人都可以叫做老鄉；若果出到省，特別係一啲偏遠嘅省，噉嚟自同一個市、地區甚至同一個省都可以叫做老鄉；出到國，若果你所處嘅環境唔係好多華人嘅話，甚至可以稱嚟自中國嘅人為老鄉，但喺唐人街，大家都係嚟自廣東噉先可以稱為老鄉喇。

Wai

我聽鄉下啲人講都係話“同鄉”，“同村”。

“老鄉”係唔係普通話嘅詞呀？

粵語會講“鄉里鬼鬼”hoeng1 lei5 gwai2 gwai2

barryshawn

咁我係香港長大,係外國唐人街見到一個說流利粵語的香港人(但佢祖籍江蘇),大家祖籍唔同,咁可唔可以叫老鄉

Wai

我覺得大城市一般冇“老鄉”噉嘅稱呼。

barryshawn

上海人在海外叫上海人也是老鄉了

Wai

我覺得“老鄉”真係幾leung囉。

“同鄉”，“同村”有親切感啲。

Wai

“鄉里”呢個詞都好過“老鄉”。

highyun

“老鄉”呢個詞一般只係喺書面語出現，粵語嘅口語極少噉講，我哋都係講“同鄉”或者“鄉里”。或者——“老鄉”帶有“喺家鄉嗰陣時已經係老相識”嘅意思啩。

barryshawn

其實我問呢個問題係同粵語無關既,只係想問外省人口中老鄉的定義． 如果同粵語有關我都會post係初級書院，所以發生左好多答非所問的情況

[此帖子已經被作者於2006-12-26 13:53:48編輯過]

Wai

QUOTE:

以下是引用barryshawn在2006-12-24 23:52:17的發言：

以我所知老鄉的定義是大家祖籍在同一市縣,在同一袓籍市縣長大,說著同一種祖籍市縣的同一方言的人

請問大家祖籍不同,在同一市縣長大,說著同一種(所長大的市縣)的方言算不算老鄉呢?

原來係噉，你想問普通話嘅“老鄉”。

搞到搞錯晒添。唔怪得咁leung喇。

Well

老乡绝对系国语讲法啦，粤语唔会咁讲既～～

shengwenlu

一般系同一個縣市，講同一種方言咯都可以甘稱呼啦，唔使論祖籍咯。