忽然间明白为乜将街头斗殴 叫「开片」

fjk

先解释
片：切削成薄的形状
开片：用刀把人片(切)开


　　中港街头斗殴常见武器多是刀和棍。试想实景，两伙刀客手持利刀，或步行或乘车飞临现场，菜刀、水果刀、开山刀齐齐上阵。人挡杀人，佛挡杀佛，刀锋所到之处，血肉之躯就像水果一样被「片」开, 血溅街头，场面惨烈。「开片」正好形象地反映出斗殴时 的血腥场景。



　　有日睇《七十二间房客》,西洋菜话只「老兄」抓把菜刀「片」嚟「片」去。 忽然间想到「开片」应该同刀有关. 由此领悟到「开片」的来由。

        香港人造词往往从形象化入手，将用刀「片人」比如成「片水果」一样，血腥淋漓表达，务求字字到喉到肺。

各位点睇？

xxkai

「開片」只系普通嘅打架。你講嗰尐黑社會仇殺打鬥系叫「劈友」。
  
重有幾個差不多意思嘅詞：「㨆友」、「隻揍：揍音秋」、「埋牙」、「開拖」都系同「開片」、「劈友」有關。

xxkai

接上文話說「開片」系指普通打跤。。。。。。

我恁「開片」個「片」字唔系指「片人片到好似片生果噉」。因為逢親有跤打，尐人都鍾意圍住邌睇，好似睇戲噉，於是乎一有打跤，尐人就會話「有人開片吖！」， 指「開戲拍片」， 即系「有戲睇」噉解。而且「開片」唔系一定要用刀嘅。拳頭跤都一樣系「開片」。到後來有尐人索性將「開片」個「片」字代替「打」。例句；「佢哋兩個片邌片去」、「夠唔夠膽同我片過」等等。

fjk

回覆 2# xxkai


    呢个唔系重点, 问题要解释到只「片」字. 如果讲「开片」只系规规矩矩用普通嘅拳头对垒打交未免太武断喇. 「劈友」固然系深一层嘅械斗, 但边个规定「开片」时冇畀揸刀揸棍? 擸起架撑有一件算一件, 只要队冧对方保护自己, 唔理乜都做到武器.

fjk

回覆 3# xxkai


          照文中讲「开戏拍片」都叫到「开片」，噉，拍出纯文戏、纯情戏都系「开片」？
「围住嚟睇」嘅事仲有好多: 交通事故、 醉酒倒地、街头杂耍，都系「有戏睇」。甚至乎—中国人「倒泻屎」都有份睇。噉系咪又可叫「开片」呢？显然同「开片」呢个意思差天共地。

wongkm33

講打鬥「開pin2」，有字典是用呢個字「揙」

xxkai

回覆  fjk

「開片」包括所有形式嘅打跤，唔系淨系拳頭跤，抯刀當然算數。

「開片」已經成為咗「打跤事故」嘅專有名詞，所有其他事故唔會叫「開片」。