「颭」下隻手

xxkai

見個論壇咁靜，即管寫尐嘢討論下。

大家都應該聽過人講：「你咪掂我吖，掂親我就嗌非禮㗎！」。

噉你覺得爾個「掂」字怎樣？
請大家畀尐意見。好唔好都講下喇。

광동왕국-08

呢個字有正字，就係【玷】字："玉"字邊在個"占"字。
【玷污】：以前啲女子比較守身如玉，不能輕易有肌膚接觸，
                     如有男子想搏懵揩吓油，佢哋會講"唔好玷污我阿"我白碧無瑕咖！
呢次又勞煩老兄査吓字典搵出來，因我自己嗰本已失踪。

xxkai

我恁大家都同意「掂」系借字。字形方面，「剔手邊」示意系手部動作，「店」旁提示讀音系「dim3」。可惜字書話爾個字只有「dim1 」「dim6」兩音。是為美中不足之處。作為借字，已經唔錯。其實「掂」又唔系一定用手嘅。用腳或者用身體嘅任何一部分都得，甚至用物件都可以。

爾個「掂」字重有另一美中不足之處，就系而家畀好多人借咗邌用寫「掂過轆蔗」個「掂」：音「dim6」。借字都可以破音，真系攞命。
  
版主話「玷」系正字，請問可有依據。因我覺得「掂」只系「輕拂而不留痕跡」，而「玷」系形容「佔有而留下污點」，程度上有區別。

wongkm33

我恁大家都同意「掂」系借字。字形方面，「剔手邊」示意系手部動作，「店」旁提示讀音系「dim3」。可惜字書 ...
xxkai 發表於 2012-11-23 03:19

這裡有 dim3 發音

可到這裡下載
http://tts.cantonsoft.net/?outer=System.Deployment.Application.DeploymentDownloadException&&inner=System.IO.DirectoryNotFoundException&&msg=Could

xxkai

回覆 4# wongkm33
  

我所講嘅字書系：黃錫凌編嘅《粵音韻彙》、李卓敏編纂嘅《李氏中文字典》、周無忌同饒秉才編嘅《廣州話標準音字彙》。

  

黃兄爾本系屬於「CantoDict」一類比較新嘅網上字庫，系匸報紙上出現咗個借字「掂」之後先至將「dim3」爾個音收入去嘅。之前嘅「掂」字系冇爾個音嘅。

xxkai

冇人發言，又等我再講下。
大家覺得爾個「颭」字如何？
  
「颭」從「風占」，「風」如微風之輕拂，「占」提示其音為「dim3」。用邌形容「touch」就好有意思嘞。
  
作為借字，大家認為如何？
又、爾個有冇可能系本字哩？
   
即系「你咪颭我吖，颭親我就嗌非禮㗎！」。

xxkai

查實「颭」系1933年重用緊嘅本字。
  
見「廣東俗語考」釋動作篇（上）錄得「拂曰颭」，
註：「颭」音玷。輕拂之曰颭。如颭親。颭著。颭一颭之類。『說文』「颭」風吹浪動也。前人詩有風颭荷珠難暫圓句。即輕拂意。
  
以後大家可以放心用爾個字。
  
例句：
1）你咪颭我吖。
2）颭親我就嗌非禮㗎！
3）人哋嘅嘢最好颭都唔好颭。
4）爾尐生意颭唔過。
5）颭下個屏幕就有嘢睇。
6）頭先邊個颭過我尐嘢邌？

贏旺生

唐·杜甫《曲江》詩：「穿花蛺蝶深深見，點水蜻蜓款款飛。」

「蜻蜓點水」都有，應該係「點」字嚟喎﹗

xxkai

唐·杜甫《曲江》詩：「穿花蛺蝶深深見，點水蜻蜓款款飛。」

「蜻蜓點水」都有，應該係「點」字嚟喎﹗ ...
贏旺生 發表於 2012-11-30 17:55

兄台講得有道理。爾個字有音有義，我認為有可能系本字，就算唔系，用邌做借字都夠靚，唔知㤐解未見有人用哩？真可惜。