[轉貼]《我喺长堤做登场—“劈酒部”的日子》 (11)

superjill

原著：欺霜傲雪（Tiffanyho）

PART?11?

过咗几日之后，态度变得好快。有日我落班重未瞓着，到咗早上6点几嘅时候,我同佢喺QQ度倾紧：?

ANDREW：”?啊哈哈,去瞓先啦你,唔讲住啦,我个朋友过咗嚟!?“

我：”边个啊？我见过未？”?

ANDREW：”上次嗰个啰。”?

“第一个唱K嗰个？”?我以为系我第一次见到嘅佢嘅男仔朋友，因为喺电话度,我都同嗰个男仔倾过电话。?

点知道佢讲：”住我附近嗰个女。”?

我回复：”啲女都几喜欢去你屋嘅噃!”?

ANDREW嗰边回复：”佢行开咗喎。不过我又真系几钟意去佢屋企嘅喎。哈哈……”?呢句原来唔系ANDREW讲。系嗰女上咗佢QQ同我讲嘅嘢。?

我：”系咩？二个有路咖？”?

ANDREW：”一向嘅喇,乜你唔知道佢系我个诽闻男友咩??咩事??“

我：”GOOD。?好，记得请饮啊!”?

ANDREW：”好,?噉你记得做人情喎。”?

我：”好吖!”?

ANDREW：”好,噉请饮嗰日就预你一份喇!”?我已经开始嬲爆爆。我唔知道我点解好紧张佢。要问清楚佢。?

我就畀咗个电话佢。原来我真系对佢异常紧张。?

ANDREW：“咩事啊？哈哈~~~~~~”?

我：“边个嚟嘅佢系？诽闻男友？”?

ANDREW：“系吖，系咗好耐吖。”不过我记得之前佢同我讲过，佢有个男嘅朋友话,有个女系ANDREW嘅女朋友。不过ANDREW话唔系，佢话好烦下啰。我谂：唔通佢讲嘅,就系呢个女？?

我：“你同呢个女嘅识咗几耐啊？”?

ANDREW：“初一嗰时开始识嘅啦。”?我喺度谂：识得重耐过我？?

我：“诽闻男友？得吖，噉以后我饮醉咗有啲咩事,我都唔会再揾你嘅啦，你唔好再畀电话我啰。”

ANDREW：“哈~~~~~，你去休息啦，你返工咁辛苦，重唔瞓，你早啲去休息啦。”?

我：“好，系噉先。”我跟住就CUT咗电话。我当时真系好嬲好嬲。嬲到瞓唔到觉。唔知道我瞓着嗰时已经系早上几点了。

我后屘同我个朋友阿TATA?提起呢件事，?

TATA：“你信唔信啊？个女早上5、6点嘅时候去佢屋企打机？你信佢？我怀疑个女一早就系度瞓嘅啦。”?

我：“唔系啩?不过我信佢吖，佢之前同都同我讲过,佢有啲女同事都去过佢屋企度瞓嘅。佢话真系瞓觉咋喎，冇做乜嘢嘅。佢之前同啲女做过啲乜,我都算啰。不过依家我喺度嘅话，嗰啲女再去佢屋度,就唔可以啰。”?

TATA：“其实,一个男同一个女可以识得咁耐嘅话，肯定有一定嘅关系嘅。”呢句话我都同意TATA嘅讲法。。?

TATA：“噉你有冇去过佢屋企啊？”?

我：“冇吖，因为我同佢讲过，我唔会随便去人哋屋嘅。”
TATA：“哦哦。”

superjill

引述[辛宜文]嘅話：

作者写到呢度就停咗。原本佢讲好会继续写落去，但一直唔见下文。若有续集，会接住转载。

相信睇完嘅人，都会对广州人，有多一啲嘅了解。