語言粵語名命名問題

meallanfearghai

最近本人喺粵語維基百科上面同一班人爭論緊關於語言嘅粵語命名問題。粵語維基百科嘅管理員同埋部分用戶堅持要用「法國話」「西班牙話」之類嘅名，佢地嘅解釋係「話」係「最廣東話」嘅名稱。但係本人認為「話」祇能夠表示語言地位未定嘅「話」或者由幾種語言混成嘅混成話（pidgin）或者社區混成話(créole)，而且「話」會好主觀咁將唔同嘅語言擺喺唔同嘅地位（對比「英文」同埋「法國話」，好多人會感覺「英文」正經過「法國話」），有違語言平等嘅原則。另外，粵語維基百科嘅管理員主張維基百科係百科全書，唔係學術論文，所以唔應該按照學術界嘅命名規則命名；但係本人認為，維基百科係連通通俗文化同學術文化之間嘅橋梁，因此遵守學術界嘅命名規則係完全必要嘅。
由於喺維基百科上面已經係你有你講，我有我講，焉個都講唔服焉個，所以本人決定向粵語協會諸君請教：到底粵語應該點樣命名語言？

1. 「法語」「西班牙語」「義大利語」（好多人明白，但係會被人批評北方味太重）
2. 「法文」「西班牙文」「義大利文」（最多人用，但係會被人批評「語」「文」不分）
3. 「法國話」「西班牙話」「義大利話」（維基百科管理員認為最有廣東味，但係如果唔將「英文」改成「英國話」，就會違反語言平等原則）

香江白丁

樓主的問題是「語言嘅粵語命名」，如不才理解不差，是指一種用口講出來的語言，而非寫下來的文字。語文，便是此意。英文，狹義是書寫之英國文字，但當說「講英文」時，「英文」便是一廣義詞，指口講的英語。反之，你不會聽到「寫英語」，必然是「寫英文」，故「英語」是狹義詞，單指口講。

據此，若指口講的語言，「法語，西班牙語，義大利語」及「法國話，西班牙話，義大利話」是正確的。其中，「語」比「話」用法上較正統。不才同意，用「話」較具地方色彩，或稱通俗，如「上海話」、「北京話」。

樓主之「遵守學術界嘅命名規則」，請考慮以上。

文字，較難出現訛傳，而語言，則易因不同地域而產生差異，形成方言。將思想轉為文字，欲廣傳於大江南北，使懂普遍文字的人看懂，竊以為應盡量避免「口語化」，少用「嘅、唔」為妙。

此帖之單選投票，不才投第三項一票。

KinNg

白生似乎又啱，你可以話『講英文，寫英文』但唔可以話『寫英語』或『寫英話』！

香江白丁

回覆 5# mbingkwan
非常之多謝mbingkwan君意見。鄙人毫不諱言，思想是反糞減去米田，並明白求同存異的精神，憎恨以和諧之名，而行高壓的卑鄙手段。

兄台還記得在下於某帖，曾問過閣下：普通話比其他方言，包括粵語，優勝？不才又曾在xxkai君之帖：「本字、借字之我見」，內表白過一番話，現不厭其煩，重覆一遍：

「不才對粵語的看法是，他比普通話及其他方言為優，若以粵語為國語，我是舉腳讚成的。粵語之優點，不須我講，在此網站有很多文章討論帖介紹過。但，欲使粵語成為國語，有點不切實際，那麼，退一步，要讓操普通話的同胞接納粵語，多接觸粵語，從而領略到粵語的內涵，是有意義的。首先要做的，是減少溝通障礙，若人家一看到粵人寫的文字，古字多多，口語不解其意，還會有興趣看下去嗎！
香港的中文一向優良，而大陸之中文，正受「偉光正」的摧殘。禍之所及，兼受西方文化影響，香港固有之傳統中文也岌岌可危。當今之要務，不是去遙遠的古代為某某字找本源，而是盡力去捍衛現代中文（不才實不敢用純正中文，傳統中文，優良中文等詞）。皮之不存，毛將焉附。
故此，不才不揣魯鈍，上帖的內容，多環繞現代的中文文法及用字，少談古粵語。待粵語的地位提升了，其他的訓詁，再談不遲。」

〔保存方言，讓各地方言擁有發展權〕，不才是絕對讚成的。說不才是「大一統思維」，余絕不敢承認。就如回應此帖，不才亦謂：「用『話』較具地方色彩，或稱通俗，如『上海話』、『北京話』」，故投第三選項。

另外，對網友探討粵語之本字，時有參與。以上種種，不是對不才所講〔保存方言，讓各地方言擁有發展權〕的明證嗎？

KinNg

有時我都覺得，有哋人似乎尋本字去到走火入魔嘅地步！
一方面反對何文匯正音，另一方面又去復古本字！

贏旺生

也不可以這樣說，考本字根本是很有趣的，不是考了本字就一定要用，如果唔能夠流通人哋都唔會知你寫乜當然你用嚟都無用啦﹗考本字都係純粹覺得好有趣。

xxkai

有時我都覺得，有哋人似乎尋本字去到走火入魔嘅地步！
一方面反對何文匯正音，另一方面又去復古本字！ ...
KinNg 發表於 2012-11-17 11:36

「揾本字」同「借靚字」系為興趣，有好多「口語字」，根本唔揾就唔知㤐寫，就算某字已經畀報紙佬造咗或借咗（通常系好粗劣，例如隨便加個口等等），我都想知道佢嘅本字系㤐寫。至於揾捯後用唔用，就見仁見智，如魚飲水冷暖自知也。重有嗰尐連報紙佬都寫唔出嘅「口語字」，我更加想探討，㤐解報紙佬有權借字造字 ，我就唔可以？㤐解我一定要跟風？我選擇用嘅字分分鐘靚過佢哋嗰尐好多。至於系咪走火入魔，系兄台形容我哋尐班人對爾方面嘅堅持，我唔會介意。即系人哋考第一，你都可以話人哋讀書讀到走火入魔哩！

KinNg

「揾本字」同「借靚字」系為興趣，有好多「口語字」，根本唔揾就唔知怎寫，就算某字已經畀報紙佬造咗或借 ...
xxkai 發表於 17/11/2012 19:02

    我唔係反對用本字，但有時搵到個本字，有人又試圖去尋出更古老嘅本字，我哋兩千年文化，好多本字係被後來的借字淘汰咗，難道兩千後的今日，我哋又去用返秦朝雅言古字，個人意見而已！

香江白丁

有點奇怪，樓主此帖，語言之粵語命名，頗有意思，何解只得三人投票，平時參與討論帖咬文嚼字之網友，請踴躍支持啊！

KinNg

我發覺哋人唔鍾意投票！