落腳感受

現代古佬

大家好，我係香港一名小小配音員，有時撰下稿，但係深感廣東話傳承岌岌可危，有好多唔見左，有好多講得出寫唔出，d新人無稿唔會講，咁落去法，廣東話將會無晒d精彩枝葉，文化傳承就會失色。發現這個地方，唔知有無出路，最少可以解解渴丫。

馬萬千

回覆 1# 現代古佬

所言甚是。家陣後生嗰口廣東話實在不忍卒聽。
唔係話懶音嗰範噃，而係怨年青人講說話，字眼實在「蕃薯咁大隻都唔識得夠一擔」。
開口埋口「超低能」「勁搞笑」，梗冇第二句說話。

查實呢，舊陣時，呢庶都幾多文人墨客，可謂盛極一時。
殊不知，上高北京唔順超，落ORDER鏟絕廣東話，
於是乎，呢個網亦都劫數難逃，監梗閂埋咗度門。
卒之家下咪三九兩丁七，人跡罕至咯。

如若閣下想探討下廣東話之妙處呢，
不妨入SKYPE度傾下吖，
不才識得一棚人，奉旨禮拜五六日枕住喺SKYPE吹水。
米以為一隻二隻淨識「九噏」，實請呢，言談之間都有相當多得著。