我係广州人

andrewsun

我係广州人，在天河区住了二十几年，最近搬到番禺。我平时唔惯用粤语打字，唔惯睇粤语嘅字。

我听广州老城区同学讲，以前以为天河区全部系捞佬，识咗我先知原来有广州人。其实我老窦就唔系广州人，佢系江苏省江阴市人，因此这也是我的籍贯（乡下）。我乡下仲有爷爷，大伯、叔叔、姑姑等亲戚，我隔几年番次乡下，唔识讲乡下话，近几年至少可以听得明，以前连听都听唔明。我妈系广州人，乡下系顺德大良。我响广州出世广州大。

虽然唔系全部但天河区的确有好多讲普通话嘅同学。我读小学、初中、高中每个班都会有相当一部分人系讲普通话。因为天河区机关大院多，佢地父母系从外地调嚟广州机关做嘢，讲普通话好正常。除咗呢个原因外，仲有D人父母嘅父母——即系爷爷嬷嬷果辈——去咗外地支边，在外地生咗佢地嘅爸爸（或妈妈）在当地结婚生子，所以父母虽有一方祖上系地道广州人，但系讲地道外地话，文革后知青回城先番广州做嘢，自然冇办法教到自己子女讲广州话。

以上原因的普通话人群人数基本上好稳定，因为佢地至少都已经定居广州，细路仔学讲讲广州好快，高中之后基本上已经变成地道「广州仔」。因为民工潮导致广州讲普通话嘅人口激增只系近年来嘅事，系以前冇嘅现象。呢批人唔响广州定居，永远有新鲜血液，所以先至令广州人觉得「粤语地位」受威胁。我觉得方言唔系靠政府强制就可以兴旺或者消灭嘅。如果连讲嘅人都冇，政府再提倡都冇用；同理如果成日有人讲，政府点消灭啫？我屋企晚晚临瞓都讲「早抖」，政府唔通要装监听器？所以，我认为以运动或者行政嘅形式「撑粤语」，不但冇用，反而俾外地人一个唔好嘅印象。你自己讲粤语，粤语就唔会消亡。

真正令人担心嘅现象反而系电视台揾唔到真正嘅广州人来做节目。G4出动几个主持人几乎冇一个粤语准确嘅。好多人用普通话先有嘅词语。有D广告嘅粤语版仲明显，舒肤佳沐浴液广告话「消除五种脏东西来源」，我真系想兜巴升。问题系，新闻业、广告业系有好强专业性嘅职业，会唔会系因为专业上合格嘅人之中，广州人太少？会唔会系广州嘅年轻人专业上唔努力呢？我估计做G4记者系又钱少又辛苦仲好挑战大脑嘅工作，会唔会因此揾唔到地道广州人去做？讲粤语嘅人始终少，如果要因为「掌粤语」嘅理由保持一个电视台一定要讲地道粤语，我估要请得郁地道广州年轻人做，价钱番几倍都唔知请唔请到，成个成本都贵晒，揾边个埋单。最后电视台只会有一班临时学识日常粤语嘅人来担当宣传粤语嘅任务，反而普及咗「五种脏东西」呢种骑呢粤语，以后我地小朋友挂住睇电视唔听父母讲嘢，咁就真系弊啦。