「埋」字嘅意思？

promethusewei

粵語中成日會講「行埋嚟」、「埋去」、「埋邊」、「 埋身（肉搏）」等。

可以睇到，喺呢幾個詞入邊「埋」嘅意思各有不同。譬如話「行埋嚟」嘅「埋」就係接近、距離拉近嘅「過」嘅意思。而「埋去」嘅「埋」就係距離變遠嘅「過」嘅意思。「埋邊」嘅「埋」有「裡」嘅意思。「埋身」嘅「埋」近似如「行埋嚟」，接近。

於是，我對呢個「埋」字好好奇，去查字典。發現「埋」字確有好多意思，但係就未見到上面講嘅任何一種。

埋，《唐韻》莫皆切。《集韻》《韻會》《正韻》謨皆切，從音霾。《釋名》葬不如禮曰埋痗也。趨使痗腐而已。　又藏也。《左傳·昭十三年》埋璧于太室之庭。《後漢·張綱傳》漢安元年，遣八使循行風俗，綱獨埋其車輪于洛陽亭。　又叶呂支切，音離。《左傳·萊人歌》景公死乎，不與埋。三軍之事乎，不與謀。師乎師乎，何黨之乎。　《說文》本作薶。俗作埋。《周禮》省作貍。

「埋」嘅幾種意思：

1、形声.从土,里声.字本作「薶」,甲骨文字形,象在坑中埋狗的形象,是向地神祭献的活动。本义:藏入土中。
2、讀「Maai4」，藏入土中之意。如：埋地雷;埋玉(比喻英才或美女之死);埋书(把盟书埋在地下。古代盟誓时的一种礼仪);埋狱(埋没在监狱屋基下的宝剑。比喻埋没人才)
3、古代特指简陋不依礼制而落葬。葬不如礼曰埋。(如:按照)——《释名·释葬制》
4、藏,掩盖之意。埋冤(含冤);埋情(昧心);埋忧(隐藏忧愁);埋身(埋名;隐居);埋匿(埋藏);埋翳(掩埋;掩盖);埋覆(掩蔽;覆盖)
5、低,低下去 。如:埋头顾影(形容矫饰者暗中窥察外界的反应);埋首(埋头)
6、犹暮或末 。如:埋年(方言。年老);埋暮(迟暮。喻年岁大)


想問下大家，「埋嚟」、「埋邊」、「埋去」裡面嘅「埋」嘅意思係點嚟嘅呢？抑或係呢尐意思另有他字？


譬如話「邁」，雖然讀「Maai6」，《說文》遠行也。又《正韻》往也。《註》過也。又老也。又與勵通，勇往力行之意。
會唔會「埋嚟」、「埋去」其實就係「邁嚟（邁來）」、「邁去」呢？即使係，依然解釋唔到「埋邊」。


大家應為如何？有咩見解呢？還望諸君不吝賜教。

Lucciora

或者另有本字，但未求得，而家係幾個意思都同用「埋」