關於良好嘅發帖段落格式

Yucky豕

余生只係提出一啲我哋都應該注意嘅嘢啫~~

唔係話大家一定要按佢嘅方式去做~

Wai

? 係啦，點解中文段落格式要空兩格先開始寫嘅？

余OK

　　曾經睇過一個書名叫做《風格的要素》嘅英文文法書，簡而精噉闡述咗英文嘅行文規範，但關於中文類似嘅書籍卻鮮見於市。緣於自身對寫字打字嘅嚴謹性，我對發帖段落格式一向都好注重。好嘅版式使睇帖人視線唔會產生太大困擾，睇起帖嚟就比較舒服且順暢。但有時喺論壇編輯框寫好嘅格式一發帖就變晒樣，用記事本編輯後copy或撳鍵盤Shift+Enter換行又比較麻煩。所以希望技術大佬們可以set到最為發帖人編輯方便嘅框架。

　　我諗我自己使用嘅發帖段落格式甚為清晰，一目了然，大家不妨參考一下：每段開頭空兩字（符合返中文行文規則，多數人鍾意好似英文頂格嚟寫，當然一個原因係懶唔想打多幾個空格，不過若然篇幅長咗，成篇文睇落睇仍感混亂）；意思過渡唔大嘅段落就唔使空一行，尤其係一啲次觀點要support主觀點之處，但段落開頭依然空返兩個字距；意思過渡較大嘅段落就空一行再寫。

　　我重有一個「壞習慣」就係時常喺發帖結尾處加三個句號，大家就唔使學我，皆因呢個係我嘅「特色」目的係想區別於人。希望大家都形成自己良好嘅發帖版式「特色」，自己寫得規範之餘，人哋又睇得舒暢，何樂而不為。。。

desmond

唔應該用三個句號代表省略號噃。正確嘅省略號係六點，即「……」

[em06][em06]

余OK

　　樓上有冇睇到我最後一段所講嘅？莫非我中文表達有問題？！要省略嘅地方我自然會用「……」啦，但我用三個句號作結束並非係表達省略嘅意思，係形成自己嘅「特色」，當然按標點規則嚟講係錯嘅，但又如何呢？最緊要冇人睇我啲帖會覺得版面混亂噉我就達到咗目的。。。

[此帖子已經被作者於2006-9-29 11:34:49編輯過]

Yucky豕

我属懶嗰啲人~所以總係冇空格~而且好多時~有啲BBS唔支持開頭空格~打嚟都冇用~

我習慣用“~”表示講嘢時嘅停頓~越長就停得越耐~~~

但~如果係好~~~~~~~~~~~~~~~~~~~~~~~~~~~~~~~~~~~~~長~就即係嗰個字拉長讀~

眞係我手打我講啊~~~~[em29]

余OK

　　有啲論壇都set定自動喺帖子嘅每一段前面空兩個字距，發帖人懶都唔使怕嘞。。。

desmond

QUOTE:

以下是引用余OK在2006-9-29 11:17:52的發言：
　　樓上有冇睇到我最後一段所講嘅？莫非我中文表達有問題？！要省略嘅地方我自然會用「……」啦，但我用三個句號作結束並非係表達省略嘅意思，係形成自己嘅「特色」，當然按標點規則嚟講係錯嘅，但又如何呢？最緊要冇人睇我啲帖會覺得版面混亂噉我就達到咗目的。。。

雖然三個句號嘅標點符號錯用，但我就好buy余ok用「」單引號。十卜！

monfan

基本上,好多论坛发帖嘅嘢,都唔会系学术探讨或者咩新闻发布之类,主要系为咗吹水,同埋交谈而已,唔会有太多人注重格式问题

当然,长篇大论嘅要另外处理,呢个系一个好自然嘅问题,论坛有论坛嘅特色,每个论坛设置又有唔同,或者你编辑嘅帖子性质(带图,带音频,视频,连接,等等),你嘅格式冇可能一成不变,我觉得你写嘅嘢都系就一篇中文文字帖内容而论.

讲格式,点解要分得咁清楚呢?我知道呢度系叫"粤语协会",个个都系对粤语,粤语文化有兴趣嘅,对于文法呢啲嘢当然好重视.但好似我呢篇嘢噉,就标点符号都绝对唔规范(为方便唔会随便转全角或者使用中文标点,就网页编辑有时候中文标点/全角对格式都有影响,甚至影响程序)

所谓规范系人为嘅,只要出帖嘅作者有一定上论坛水平(或者文档软件使用经验),利用论坛给予嘅排版功能可能比你就噉话自己打两个空格来得容易(发生全角,半角嘅空格对齐问题嘅时候,你先最鬼烦)


总结一句,规范要睇人睇场合时间嚟讲,唔可以话规范就规范,个个人都有自己嘅使用习惯,而且上网冇话指定嘅发帖规范,与懒无关.都系嗰句,要畀想睇嘅人睇明白,就系语言文字嘅作用了(传达唔到意思嘅,你咪要改你帖啰)

PS:某啲论坛嘅自动段落(<></P>)缩进两空格嘅功能会令到你更加烦!十分郁闷!(好似以前喺唱好广州论坛发嘢噉~~~~)

余OK

　　管中窺豹，可見一斑，從樓上一番話可知當今點解會有咁多唔規範嘅用字、格式出現，因為大多數人都抱住噉嘅態度：求祈係啦。時代唔同咗，做人可以更隨便啲，呢啲就更符合普羅大眾嘅心理。

　　咁多人冇睇清楚樓頂帖，我冇強求人哋點點，祇係建議大家做好啲啫，況且而家啲人重邊可以強求佢哋做乜做物吖，唯有自己做好咗我就算心安理得囉。

　　粵協要做到比一般論壇pro嘅地方，從發帖者嘅態度亦可以睇出一啲嘢，正如我哋倡導用字規範噉。。。

外外星人

原帖由 Wai 於 2006-9-30 02:52 發表 ? 係啦，點解中文段落格式要空兩格先開始寫嘅？

 

而家喺论坛都冇得畀你噉用，留返执字粒嗰时啦！

Jean

我嘅特色係：。。。。。。結尾，或者係~~~~~~~~結尾~~~

幾方便，幾好用，習慣啦~~

外外星人

原帖由 Jean 於 2008-4-28 10:33 發表 我嘅特色係：。。。。。。結尾，或者係~~~~~~~~結尾~~~ 幾方便，幾好用，習慣啦~~

 

无招胜有招？高啊！