"bat"湯？

promethusewei

本人早前發貼問「bei」湯嘅「bei」字，多謝大家嘅解答。今日再問一個同湯有關嘅動作，就係「bat」啦，「bat」湯即係指將湯用「殼/羹」等器皿裝出嚟嘅意思。大家知唔知呢個「bat」字點寫呢？另外，關於上面提到嘅「殼 hok」同「羹 gang」，本人亦唔太肯定其寫法，希望大家指正下。

광동왕국-08

呢個"bat"字講起嚟就好奇怪，時時喺TVB電視劇都見到，每當藝員講到【bat飯】，字幕就出現【舀飯】，每每如是。
但查字典顯示；【舀】係讀"Yiu"，並不是"bat"；如此睇嚟，可能是借來的字冠上"bat"呢個粵音，
因為呢種情形喺其他民族嚟講係平常之事，例如契丹(Kithan)及日本等；借來漢字，冠上自己民族雖要的發音。
再舉個例：呢個【泵】字，原本讀"流"，但今時今日就借來用作水泵(pump)個(pump)字。
殻(hok)字冇錯，外殻個【殻】，飯殻個【殻】；羹(gang)字亦冇錯，匙羹個【羹】字。
另外，羹(gang)字；粟米羹、豆腐羹 及 羊羹都係呢個【羹】字。

註：羊羹並不是羊的羮湯，而係日本一種啫喱狀甜糕

写真は黄金羊羹(ようかん)

.

香江白丁

無線劇集的中文字幕很多時是亂來一通的．今晚的〔洪武三十二〕，有：
身體髮膚，受之父母
唾手可得

promethusewei

回覆 3# 香江白丁


    弊啦。。。上面兩個詞我都睇唔出問題添。。。

香江白丁

是:
身體髮膚，[授]之父母
[垂]手可得

余本不好看電視劇集，惟每偶看都發現低級錯誤．

promethusewei

回覆 5# 香江白丁


    第一個確實係應該用「授」。    第二個，可能係受內地影響啩，皆因內地電視劇多見「唾手可得」一次，而普通話發音亦為「tuo shou ke de」，連輸入法裡面都可以打出呢個詞。    所以，我一開始都睇唔出咩問題。。。唔知究竟係真有此詞定係錯字啦。

香江白丁

回覆 6# promethusewei

經你一提，我醒起矣，原句可能真的是〔唾〕手可得，唾，即吐出，有成語〔唾面自乾〕．
唾手，也可解作很容易，像將口水吐在自己的手掌中．

垂手可得，是後人以訛傳訛用也說不定，但前文提及的電視劇，演員明明讀〔誰〕手可得，與字幕不符．

以上是下愚未經查正，隨即回應閣下，在錯請包涵．

promethusewei

回覆 7# 香江白丁


    講起TVB劇集，我又諗起一個問題，就係字幕。劇集明明係粵語嘅，字幕用字往往相距甚遠，實在讓在下費解。TVB劇集針對嘅主要就係粵語使用人群，字幕不對發音意欲何為？雖然話在下睇嘅時候無須睇字幕，但係睇到字幕時嘅感覺不能不說彆扭。

香江白丁

回覆 8# promethusewei

兄台提起劇集字幕，在下很有同感。這也可解釋為須照顧非講粵語的觀眾，一如英文台有些影片如動物紀錄片配上中文。

可是，若深入些探索字幕跟對白或讀稿內容不符，在下則有些批評了。不知兄台有否留意無線電視台之新聞報導，水平之低劣，每況愈下，口語用詞欠嚴謹兼低俗，例如：

字幕用『拘捕某疑匪』，口語講『拉咗某疑匪』，
字幕用『建築物倒塌』，口語講『建築物冧咗』等等。

這也算了，討厭的是，引述重要人物的語，用詞不當：

溫家寶總理『話』．．．
曾特首『話』．．．
奧巴馬總統『話』．．．

這點，字幕的顯示就好得多了，用『表示』。 重要之言，不應用『話』，這有欠莊重，好像不經意隨口而出，須按不同語境用『表示』 『表明』『聲稱』 『聲明』 『伸述』等較嚴謹之詞。

兄台以為如何？

promethusewei

回覆 9# 香江白丁


    關於字幕，在下覺得，既然係粵語節目，首先要滿足嘅喺粵語使用人群嘅發音用詞習慣。在此基礎上，根據節目內容之類別配以相應用語用詞。譬如電視劇，字幕應該可以完全貼近劇目嘅口語，至於話照顧非粵語嘅中文使用人群呢個問題，入鄉隨俗最重要，就好似去到國外一樣，唔能夠期待樣樣嘢到同你配上你所使用嘅語言標識。另外，我認識嘅好多睇TVB劇集嘅朋友，佢哋有自己嘅途徑睇，好多內地嘅網絡電視觀看軟件到有港劇，配國語字幕。所以完全無須擔心。至於新聞等需要嚴謹嘅節目，當然就要用比較正規嘅用詞啦。

fattolee

這裡的討論風氣好好 一片樂土~