探討之二十一：『book』『keep』『for』『send』

香江白丁

連日主題都是中文，今日轉轉口味，講講幾個英文字。

在下不否認，已往與人交談，粵語間中夾雜一些英文詞。例如求學時期，有時須將功課或『project』，在課堂裏『present』。 『project』 『present』這兩字，下愚到而今還想不出相關且適當的中文詞，非故作姿態，是我到現在也未去查字之過。而今，我非不得矣，盡量避免講話時中英文夾雜，聽到人家講也不以為然，這反感是愈來愈濃的。

香港華洋雜處，商業蓬勃，日常生活工作，無可避免須接觸甚或講一兩個英文單詞，要是術語，也還罷了，可近年來連一些很簡單的意思，不少人也要說一兩個英文單字，就使我覺得討厭，例如『book』『keep』『for』：

甲、book，最早被濫用，如：
1. 今晚食飯，你book咗枱未？
2. 去打波，book咗場未？
3. 後天去打牌，我book咗你戛喇。
4. 我今日好忙，幫我推哂所有booking。

乙、keep ：
5. 你近來身形keep 得好喎。
6. 啲錢我唔等用，你keep 住佢啦。
7. 佢係做keeper戛。


丙、for，近來有迎頭趕上之勢：
8. 伊個餐，係for兩個人戛。
9. 伊個型號嘅暖風機，係for浴室戛。
10. 我煮伊餐飯，係for成班人戛。

丁、send，這個也是熱門：
11. 我send個醫貓畀你
12. 我send個sms畀佢
13. 職員send啲邋遢制服去洗


內地情況又如何？

UngooChan

1、2  訂
3、預
4、約會
5、保持 或成句：保養得宜
6、留返自己用 、揸住
7、唔知何謂keeper
8、呢個餐係兩個人食嘅   呢個係兩人餐
9、係浴室用嘅
10、呢餐飯係煮畀成班人食嘅

已往？以往？

香江白丁

回覆 2# UngooChan


１－  〔keeper〕， 係〔keep〕住〔架步〕之人，〔架步〕乃香港煙花地的暱稱，沿自英文 club．
２－　已往，解作〔已經〕過去，跟〔以往〕，可通用．

３－剛加了〔丁〕項，請也給予意見．

內地有〔中英夾雜〕的情況嗎？

余OK

　　大陸粵語唔好得幾多，甚至乎衰多幾錢重添，啲後生整到粵語五勞七傷，皆因溝咗太多北方胡語講法，冇幾句講得正，英文都叫做有貴族血統，溝埋粵語係就係突兀些少，不過唔會見得俗骨，之北胡掕埋垬鏟葾夾臭朕o隨，侵落粵語處講，你只會覺得「卜」、「娘」、「撈」……

猫妖008

宜家內地中英夾雜完全係受香港嘅影響,我豆丁嗰陣甚少,但係,某啲用詞其實係英文直用過嚟,辟如,單車嗰個坐,我哋講'坐SIT',打籃球投籃呢,會講'恤籃',後來我問爸爸先知應該係英文嘅'shoot'~~可能49年前好多音譯嘅用法,但係之後就好少啦~

a_qi

我唔係好介意中英夾雜, 尤其喺香港呢種語言環境裡面
不過我覺得, 要講就麻煩你講正啲, 唔好講錯晒, 不倫不類
例如fit講成feet, friend講成fan之類

billyswong

回覆 6# a_qi

應將之視作外語詞漢(粵)化，不必全拒。

香江白丁

有〔些少〕崇洋味．
唔知人家講英文會唔會夾雜一些中文雅詞呢？

猫妖008

回覆 8# 香江白丁


      其實book ,send等呢唔係雅詞啩?不過,英文的確有直譯中文嘅詞,你知道嘎,嶺南嘅佳果呢~~重有~~好有益嘅'豆腐'呢,李小龍教詠春時,都會直譯佢嘅動作啦~~~語言係相互影響嘅~~

寶寶

『project』 『present』這兩字，下愚到而今還想不出相關且適當的中文詞，非故作姿態，是我到現在也未去查字之過。香江白丁 發表於 2011-4-18 10:35

    我都覺得搵唔到啱嘅中文對應。。。拙見project譯成「課題」，present譯成「展示」。。。

    內地中英夾雜都係越嚟越多喇～我之前同英文系班同學都係咁，搵唔到啱嘅中文詞就用英文代替。。。

香江白丁

回覆 9# 猫妖008


貓妖兄，我意思是，外國人之間對話，會否出現以下惰況：

I have 約了John to join Mahjong game today
I don』t need the money, you 拿着
This menu is two person 用的
I 發了 a E-mail to you.

人家會否覺得夾一兩個中文字是高人一等？

香江白丁

回覆 10# 寶寶

寶寶，當遇到一些英文術語時，一時難將之中譯，照英文講，我是接受的，但若果是像拙文所舉的字例，是否過份了？有尊重中文母語嗎？

在下今日參觀了香港科學館的『愛恩斯坦展覽』，最令我感動的，是介紹他在醫院臨終時的遺言，是用母語德文說的(當時他已移民美國，在彼邦生活工作多時）。

〔present譯成「展示」〕，感覺不很貼切，有更好的嗎？

UngooChan

丁
11、我發/寄封email畀你（我唔會講「醫貓」，寧願講返email）
12、我發個短信畀佢
13、職員嗌人攞/送啲邋遢制服去洗（呢個send擇使啲，搵唔到單一一個詞代替）

寶寶

當遇到一些英文術語時，一時難將之中譯，照英文講，我是接受的，但若果是像拙文所舉的字例，是否過份了？有尊重中文母語嗎？
〔present譯成「展示」〕，展示感覺不很貼切，有更好的嗎？
香江白丁 發表於 2011-4-20 19:45

    上文所舉係過份咗啲。。。

    請恕在下才疏學淺。。。「展示」一詞係我能力範圍內可以諗到嘅冇咁怪雞嘅譯法。。。

香江白丁

回覆 14# 寶寶


〔講解〕，帶點權威．
〔講述〕，稍欠解釋之意．
〔演繹〕，好似是作品．
〔展述〕，好似冇這詞．

唉，還望其他網友意見．

猫妖008

回覆 11# 香江白丁


        中英夾雜其實一來係受英文嘅影響,二來係講明自己嘅語言喺度退化.雖然香港人鍾意中英夾雜,但係,以前TVB拍嘅電視劇,如果唔係現代嘅,包括民國時期在內嘅,都唔會有啲咁嘅情況,而且,嗰啲電視劇用詞亦都好豐富,根本唔需要用到其它嘅語言表達.大陸會出現中英夾雜呢,完全係受香港嘅影響~~其實有啲拍得出色嘅北方戲,當然唔係現代嘅,又係民國嘅,佢哋嘅詞語都好豐富嘅,一樣係一啲都唔需要用到其他語言去表達,純北話.

       所以, 細時,啱啱接觸外語,就會覺得中英夾雜好好玩,當自己都識英文時,就冇呢種感覺,反而覺得,做乜好好一句說話要加插啲他人嘅語言.

香江白丁

回覆 16# 猫妖008


引述兄台之句〔大陸會出現中英夾雜呢,完全係受香港嘅影響〕
閣下太睇得起香港人在這方面的影響力矣。『進行、首席執行官、進行、版／板塊、質量、衝擊、開幕式』等等，一系列拙文曾提及的劣式用法，已『搶佔』香港人的說話『空間』（搶佔、空間－怪用濫用來自內地）。

在下是想講，香港中文愈來愈受內地影響了。香港人要怪責誰，可以全賴在內地身上嗎？至於說內地中英夾雜完全係受香港嘅影響，你沒聽過『物必先腐而後蟲生』的道理嗎？

欣賞兄台最後的一段話：做乜好好一句說話要加插啲他人嘅語言。

alfrend

我地深圳呢邊就慘囖...同啲北佬傾計多...成日都畀佢地影響..搞到讀錯嗮..