探討之十七：衝擊

香江白丁

當身邊週圍的人不斷亂用字詞，自己能保持清醒而不受薰染者，鮮矣。上一帖下愚就一時胡塗，用了『嚴用抗議』，幸得同志提醒。今日跟諸位探討『衝擊』一詞。請看下列經常出現的句子：

1. 某市某縣地方政府機關，門前聚集了大批民眾示威抗議，企圖『衝擊政府』。
2. 本屆奧運會體操項目，我國健兒實力強勁，有望『衝擊』金牌。

以下一句祇偶聞，但就是出現於一享譽盛名的書法名家，為別人所出新書內所寫的序；和自己的書法講座裏，請看：

3. ．．．我熱愛書法．．．我將繼續『衝擊』書法。

諸位，以上『衝擊』的用法，你都同意嗎？若不然，應如何？

猫妖008

第一句嘅講法,係內地政府經常用嘅,我唔知應該用乜詞代替比較適合,但係,呢種句子中用'衝擊'二字,明顯就係以上壓下嘅講法~唔知表達得清唔清楚,嗻係,畀看者一種感覺係,'大批嘅群眾'係刁民~~嗰種感覺!

第二句,都係內地一向嘅用法,但係如果係我,我會用返'有望奪取'金牌~

第三句,我唔知揾咩詞換,因為我覺得呢句根本就唔通

馬萬千

①硬闖衙門
②爭奪冠軍
③醉心書法

香江白丁

很好很好，歡迎畀多啲意見．
睇嚟大家都同意〔衝擊〕一詞粗鄙，以上壓下用它，公平競爭又用它，連斯斯文文的書法都用，呵呵．
原文之用法，相信嚟自國內，香港傳媒，已經有樣學樣．
重有好多比〔衝擊〕文雅嘅詞可用喺以上句子，請各位繼續．

UngooChan

1、用咗「企圖」一詞經已表明立場，呢句嘢係官方講嘅。如果單係示威抗議，唔係「衝擊」，只係表達訴求。如果有人要衝入去破壞，「衝」完再「擊」，都可以叫「衝擊」嘅。
2、問鼎金牌
3、深造、鑽研      我諗唔會有人講「衝擊書法」咁白癡啩？

香江白丁

回覆 5# UngooChan


  2）尚可用：角逐、染指　－　金牌／獎牌
３）尚可用：進修書法
不是開玩笑的，說衝擊書法的老師，曾為名家范曾寫書序。但瑕不掩瑜，此君乃高人，在下景仰。

馬萬千

【染指】
春秋時，鄭靈公故意不讓大夫子公（公子宋）食黿魚美食。子公大怒，伸指於鼎中沾點湯，嘗了一下黿魚的味道即走。典出左傳˙宣公四年。後用以比喻沾取非分的利益。

香江白丁

回覆 7# 馬萬千


    多謝馬兄引典解說，如此說來，染指一詞，上句，於今宜用乎？

寶寶

回覆  馬萬千


    多謝馬兄引典解說，如此說來，染指一詞，上句，於今宜用乎？ ...
香江白丁 發表於 2011-4-14 23:19

   「染指」一詞有貶義，上句用法欠妥。

香江白丁

回覆 9# 寶寶


多謝馬兄及寶寶的意見。下愚略查了一下字典，確是貶詞。可小時老師沒說明詞性，並見一直以來一般用法不帶貶意。也好，就讓我深一層查看學者怎用。

上帖以來，獲得不少知識，有趣啊。

a_qi

每逢大型運動會, 內地好興講「沖金」, 應該就係「衝擊金牌」簡稱？
我仲以為要沖走金牌添

講開染指, 我忽然諗到有個相關詞──囊括
話說喺香港, 經常會見到電影宣傳海報有以下一句：
囊括幾多幾名項奧斯卡金像獎...... 原來最尾仲有「提名」兩個字
又一誤用詞語實例。

香江白丁

哈哈哈哈，笑話兩則．

UngooChan

「角逐」同「染指」都唔係咁啱。「染指」前面有人講過，「角逐」只係有份參與，只要係參賽者就可以叫「角逐」，「有望角逐金牌」只係有機會取得參賽資格。例如中國足球隊，每隔四年「角逐」過世界盃，不過莫講「衝擊」，連亞洲都未衝得出就被擊倒。