乜野新鮮蘿蔔皮

台山靚仔

呢句俗語已經少人講，有無高人知道呢句野點黎？

ca637

應該係新絲蘿蔔皮，即係話一些比較低下既人，充當高貴，亦可以解做不自量力。

關鍵在於「蘿蔔皮」三個字，唔係成日食到既蘿蔔皮，而係一種老羊皮，用黎做皮草既老羊皮。呢種羊皮毛質長，是上等貨，因為佢似切得細既蘿蔔絲，故此以形象為名。佢係名貴皮草，一旦著冇品味、或行為語言不配套既人身上，馬上覺得錯配喇。如是暴發戶著上貴格調既新絲蘿蔔皮草，更覺核突了。

例句：
睇你乜野新絲蘿蔔皮，居然學人品法國紅酒？

台山靚仔

多謝樓上，而家後生一輩真係無咩人講呢句啦。