隔牆有耳：肥彭(前港督)讚煲呔(曾蔭權)做得啱！！

丹尼王子@HK

14-9-2010

香港《蘋果日報》

隔牆有耳：肥彭讚煲呔做得啱

末代港督肥彭日前低調訪港，上星期六下晝同太太喺中環行街，十分悠閒。遠道而來，肥彭當然唔係嚟購物咁簡單，原來當日中午肥彭出席由香港牛津劍橋校友喺中國會舉行嘅午餐會，以"My World since 1997"(我の世界自1997)為題發表演說。雖則肥彭不在其位，不過佢都有講到香港時事，仲讚舊部曾蔭權處理菲律賓人質事件做得啱。

當日午餐會收費每位 500蚊(500元)，坐滿十幾圍枱，三個月前已預訂爆棚，可見肥彭號召力。

據在場人士稱，肥彭演講雖然不至於風花雪月，但就真係頗為全球化，主要講佢卸任港督後從政嘅事。後來答問環節，有人提及近日城中熱話菲律賓人質事件，問肥彭對特首曾蔭權打電話畀菲律賓總統不獲接聽，寫信又被指冇禮貌事件點睇。

撐致電菲總統冇錯

呢單慘劇係國際大新聞，肥彭似乎都幾留意，快人快語咁話，如果佢做港督時發生同樣緊急事件，佢都會第一時間急 call菲律賓總統，要求安全拯救香港人質，仲會打電話返倫敦，搵埋外交部長交涉，事關人命關天，不能掉以輕心，因此佢好同意曾蔭權做法，力撐曾蔭權冇做錯。

肥彭曾任歐盟對外關係專員，係國際級外交高手，據稱肥彭呢次嚟香港，有同煲呔私下敍舊，煲呔得佢稱讚，睇嚟「政治家」呢個稱號當之無愧了。舊時殖民地時代，港英官員似乎好能幹，被指係因為有英國政府一班「教車師傅」在身後教路，否則一班「學神」斷無如此英明神武，今次獲師傅大讚，徒弟終於吐氣揚眉啦。



避重就輕唔提北京

立法會向菲律賓國會提出，旁聽調查慘劇嘅聆訊，肥彭話贊成香港議員咁做，又指菲律賓方面應該配合，因為可以令香港人更清楚事件。雖然肥彭讚煲呔同菲律賓交涉冇錯，不過佢冇觸及令好多人神經敏感嘅「次主權」問題。家陣係牛津大學校監嘅肥彭，訪港前在北京出席首屆牛津中國經濟論壇，評論環球經濟復蘇情況時，佢話會有好多困難，亦有機會見到曙光，果然係非一般外交家。

pf_lee@appledaily.com





http://hk.apple.nextmedia.com/te ... at_id=45&coln_id=20  (有片)

丹尼王子@HK

文明人会以人の生命安全作為第一優先考慮！！

専制人卻会以人の階級尊卑作為優先考慮！！