“托”：俗语耶？粗口耶？

highyun

“托”，本义系“乘托”。 但新兴代粤语入面，经常见到“托”字一个新颖嘅用法，如： 落咁大雨，出去托咩。 你买咁多部电脑托啊？ 可见，“托”字喺呢度有一种表示否定嘅意思，而且都系用于反问语气，相当于国语嘅“干嘛”“干什么”。 好多人认为“托”系来源于粗口“托cat6”或者“托diu2”，因此“托”亦系一个粗口。我唔否定来源于粗口呢种讲法，但系既然“托”已经脱离粗口而存在，并表达一种与粗口漫骂冇关嘅意思，大可以认为呢个字唔属于粗口，而只系增加咗一个表示反诘否定嘅义项。 其实类似嘅脱离粗口字而产生独立意义嘅字不乏例子，我一时未谂到，如果有人有例子就帮手举几个畀我。 关于呢个“托”字，其实可以写一篇论文，希望各位讨论吓，畀多啲材料我。

殺人王

古字入面托讀托cat6?? 平時好似唔多覺有呢個讀音

夢星羽

“托”是“托塔”的省稱， 意指辛苦得來又很無謂的事。

highyun

请问“托塔”呢个词大概几时开始呢？ 我认识“托”呢个字系从粗口开始嘅，到后屘睇《衰仔乐园》先听过“托塔”。

kathy

有無搞錯呀～ em14: em14:highyun~ 托塔你都未聽過??? 噉托塔天王呢??? 托塔天王，名靖，歷史上卻有其人。他是陜西人，是唐初名將，唐太宗時任兵部尚書，因為他戰功顯赫，故死後封為「衛國公」，又因死後經常顯靈，為百姓救危解厄，百姓為其建廟供奉，於是道晚唐時候，李靖漸漸被神化了。 在《封神演義》中，托塔李天王是陳塘關的總兵，生子哪吒，因哪吒鬧海，李靖為息事寧人，逼哪吒自殺。哪吒死後，以蓮花復生，尋李靖復仇，李靖不敵，幸遇燃燈古佛贈玲瓏寶塔，將哪吒罩在塔內，而被熊熊的佛光所攝。李靖有此寶塔，便成為「托塔李天王」。 在中國的佛門中，北方的多聞天王，就是「托塔李天王」的前身。 copy form : http://www.iyellowbus.com/search/getsearchitemlink.asp?searchitemid=342

highyun

哪咋老窦我当然听过啦，不过托塔天王入面“托塔”嘅意思斋系指托住座塔，并冇我呢个贴所讲嗰个意思。我话未听过“托塔”系指未听过“托塔”作为我讲嗰个意思啫。