本帖最後由 sthh 於 2010-7-17 23:45 編輯
條題個底我估有啲人會愕然,係:冇0离紋味。  細説根由(呢層都係有斷估,冇痛苦)係緣自將「冇哩紋路」(申義後作精簡化)用喺食嘢上高。  需知「冇哩紋味」唔係單單解作食味過淡,更加唔係話「啲嘢食浸味唔好聞」,而係指啲嘢食過於甜酸苦澀鹹辣寡等等,總之就係「好唔窩眯」,即是「啲嘢食味冇哩紋路」。  「妖，啲嘢都冇哩紋味嘅。。」當「冇哩紋味」出現之時每多語帶不屑,其實貭係婉轉暗指不滿隻鑊(鏟)工夫唔到家又或做嘢好「拿篩」、求求祈祈將啲嘢食上檯。  舊底(譬如名家簡而清之類)啲食(雜)經豆腐潤裏頭周時都見用到「冇哩紋味」,現今若果留心多啲嗰類豆腐潤或飲食雜誌，睇怕都仲有尐多死淨種啩？  題外：勞煩星爺解解個「拿篩」點寫、點解，好嘛？  | 
發表於 2010-7-16 17:23:28