半世台灣人

steventan

十三歲離鄉, 住响台北五十年, 自稱半世台灣人, 實不為過. 上網多年, 今日先致搵倒呢個網站, 同聲相應, 同氣相求, 快何如之.

a_qi

歡迎你！

史堤芬陳？我哋係同宗。

余OK

兄台原籍新會人士？

外外星人

tan，點解估係陳？
又知係新會嘅？
個個轉行睇相？

a_qi

白話似乎冇Tan呢個姓, 最近係Tam(潭、談)
所以我估佢喺台灣, 用閩南話, Tan就係陳
估咋!

steventan

在下譚姓, 新會上淩沖人氏. 英文姓氏叫Tan, 係俾台灣外交部強制執行嘅. 多年前申請護照時, 我填英文姓氏, 照正鄉音寫作Tam, 收件個位大姐, 一定要我改為Tan. 理由話係要照"國語"發音. 我當堂同佢爭執, 佢話除非我能提出証明我歷來都係老Tam, 否則一定要姓Tan. 俗語話, "唔怕官, 只怕管", 俾佢執住條頸, 想唔認低威都唔得. 我有兄妹散居海外, 佢哋人人姓Tam, 官仔唔知變通, 搞到我手足化成異姓, 可笑.

多謝各位嘅關懷, 特將原因奉告, 並博諸君一笑.

再多講一句, 我嘅頭像借用同宗先賢譚嗣同嘅畫像, 就係暗示姓譚啦.

a_qi

噉又真係有啲搞笑

估唔到你僑居異地半生，白話仲噉好，難得！

余OK

「俾佢執住條頸」——呢句說話好到肉，好歡喜兄台仲保留咁純正嘅鄉音，有另一講法係「揸頸就命」。

UngooChan

譚兄話搵到呢個網站「快如何之」，呢個網站好多人同樣亦因爲多咗一位同聲同氣嘅知音人而「快如何之」。

外外星人

執住條頸——「鏈」住條頸、叉住條頸...
揸頸就命——條頸揸到燈芯咁幼\細

外外星人

在下譚姓, 新會上淩沖人氏. 英文姓氏叫Tan, 係俾台灣外交部強制執行嘅. 多年前申請護照時, 我填英文姓氏,  ...
steventan 發表於 2010-7-3 10:30

    新會好呀！我鍾意。 新會話我聽得出七、八程； 好多親戚朋友都係新會咖； 新會柑好嘢，陳皮！

brittanyche

前辈好！！

zxzbbxz

在下新会三江官田人仕，千几年前由河南颖川迁至广东鶴山官田，四百几年前再分支到新会，请多多指教呀乡里

brittanyche

在下新会三江官田人仕，千几年前由河南颖川迁至广东鶴山官田，四百几年前再分支到新会，请多多指教呀乡里 ...
zxzbbxz 發表於 2010-7-6 00:07

    好悠久嘅历史。。。

加州阳光

在下譚姓, 新會上淩沖人氏. 英文姓氏叫Tan, 係俾台灣外交部強制執行嘅. 多年前申請護照時, 我填英文姓氏,  ...
steventan 發表於 2010-7-3 10:30

四邑话譚应读 ham.

我有个朋友在加拿大将姓从 mei 改成 moy，跟乡音. 他姓梅，台山人。