香港对大陆冇作出贡献？[討論]

顺德水蛇粥

问下霍老世系点发达嘅就得啦

kidchan

芬1012在2006-6-23 5:14:01說道： 我系广州人，我中意用简体！ em2:

啲水係邊個咖？係你咖？深圳攞啲水嚟賺人哋嘅錢你估賺得少啊？電廠嘅資源係你咖？啲電唔使交電費咖？啲雞唔使錢買咖？你送咖？香港佬雞貴抑或你買雞貴啊？ 你係廣州人同埋你用所謂嘅簡體字有關系嘅咩？ [/quote] 首先请你冷静d先，有道理又使乜咁激动呢？ 1 我想问下你系广州人定香港人？ 2 我想讲商品价格嘅高低同商品嘅质量唔一定有必然关系，商品价格高低首先系由供求曲线决定（请自己参阅供求理论），换言之，当供给少而需求大嘅时候，价格上升；反之价格下降。所以价格高并唔一定质量好，所以水费贵系水质就要好嘅必要非充分条件。其他亦然！ 3 其实我上面已经解释咗点解我要用简体 我反问一句我系广州人点解会同我用简体无关系啊？ 我自细学校就教简体，我就一直学简体用简体，点会冇关？我觉得出奇嘅就系既然你资料 度写你来自广州，点解你就专登用繁体（而且就我所见，你都只不过识用个繁体输入法啫），所以有1问！你系广州受教育咁多年，都宁愿曲去用繁体，未免畀人觉得你根本唔爱自己嘅地方，而崇尚另外一个地方嘞。我谂一个人起码要爱自己嘅地方。 如果你话繁体系你嘅兴趣，咁简体都系我兴趣，就咁简单～ 认真讲，繁体我都系自己写书法先用，平时我真系冇乜机会用繁体咯。 最后强调，我唔系讲繁体不是，繁体系我国嘅文化我承认，应该予以保存。同时，我唔会刻意使用繁体，而令他人肯定自己。毕竟文字同语言一样，目的系交流，相互明白就得，唔需要太过形式化。 多谢阅读并赐教，thx！！！ em2:

superjill

我觉得出奇嘅就系既然你资料度写你来自广州，点解你就专登用繁体（而且就我所见，你都只不过识用个繁体输入法啫），所以有1问！你系广州受教育咁多年，都宁愿曲去用繁体，未免畀人觉得你根本唔爱自己嘅地方，而崇尚另外一个地方嘞。我谂一个人起码要爱自己嘅地方。 如果你话繁体系你嘅兴趣，咁简体都系我兴趣，就咁简单～ 认真讲，繁体我都系自己写书法先用，平时我真系冇乜机会用繁体咯。 最后强调，我唔系讲繁体不是，繁体系我国嘅文化我承认，应该予以保存。同时，我唔会刻意使用繁体，而令他人肯定自己。毕竟文字同语言一样，目的系交流，相互明白就得，唔需要太过形式化。 多谢阅读并赐教，thx！！！ em2:

我都想問下樓上位靚仔，點解喺受廣州教育（唔單止喺學校）多年，用繁體你會覺得係“寧願”呢？同時其他人點會因爲你唔用簡體，就覺得你唔愛自己嘅地方呢？崇尚另一個地方，唔通就唔熱愛自己嘅地方？ 一般嘅常識同邏輯話畀我知，以上嗰幾個結論係無必然嘅關係，簡單啲來講：非黑係咪就即白呢？ 每個人喺某啲場合做或者唔做一樣嘢，背後都可能係有一種佢想表達嘅訊息 當年《教父》男主角馬龍白蘭度獲得奧斯卡最佳男主角嘅時候，特登唔出席，重要派一個印第安裔嘅女助手代表上臺領獎。白蘭度噉做，并唔係因爲唔尊重奧斯卡評獎委員會、都唔係因爲對獲獎唔在乎、更加唔會係同呢位女助手有路，其實佢係想表達對美國政府迫害印地安人嘅不滿。 唔知其他人係點樣諗，亦都唔可以同馬龍白蘭度相提幷論，亦都唔需要得到人哋嘅認同 不過，今日我喺呢個充斥住簡體漢字嘅神州網絡世界輸入傳統嘅繁體漢字 并唔會覺得係好勉强嘅“寧願” 亦唔係因爲討厭自己嘅地方 更加唔係因爲崇尚另一個更加好嘅地方 而係因爲“繁体系我国嘅文化”，“应该予以保存”。不過，現狀喺因爲某啲原因被簡體漢字所逐漸取代，所以更加要喺呢個便于輸入繁體漢字嘅地方留低繁體嘅痕迹，延長佢存在嘅時間，同時可以嘅話使佢向一個良性嘅方嚮發展……嘅啫 em19: 但係，我唔會干涉其他人用簡體字嘅自由 em8:

芬1012

kidchan在2006-6-23 16:06:55說道：[br] 啲水係邊個咖？係你咖？深圳攞啲水嚟賺人哋嘅錢你估賺得少啊？電廠嘅資源係你咖？啲電唔使交電費咖？啲雞唔使錢買咖？你送咖？香港佬雞貴抑或你買雞貴啊？ 你係廣州人同埋你用所謂嘅簡體字有關系嘅咩？

首先请你冷静d先，有道理又使乜咁激动呢？ 1 我想问下你系广州人定香港人？ 2 我想讲商品价格嘅高低同商品嘅质量唔一定有必然关系，商品价格高低首先系由供求曲线决定（请自己参阅供求理论），换言之，当供给少而需求大嘅时候，价格上升；反之价格下降。所以价格高并唔一定质量好，所以水费贵系水质就要好嘅必要非充分条件。其他亦然！ 3 其实我上面已经解释咗点解我要用简体 我反问一句我系广州人点解会同我用简体无关系啊？ 我自细学校就教简体，我就一直学简体用简体，点会冇关？我觉得出奇嘅就系既然你资料 度写你来自广州，点解你就专登用繁体（而且就我所见，你都只不过识用个繁体输入法啫），所以有1问！你系广州受教育咁多年，都宁愿曲去用繁体，未免畀人觉得你根本唔爱自己嘅地方，而崇尚另外一个地方嘞。我谂一个人起码要爱自己嘅地方。 如果你话繁体系你嘅兴趣，咁简体都系我兴趣，就咁简单～ 认真讲，繁体我都系自己写书法先用，平时我真系冇乜机会用繁体咯。 最后强调，我唔系讲繁体不是，繁体系我国嘅文化我承认，应该予以保存。同时，我唔会刻意使用繁体，而令他人肯定自己。毕竟文字同语言一样，目的系交流，相互明白就得，唔需要太过形式化。 多谢阅读并赐教，thx！！！ em2:[/quote] 我確實係廣州人，點解你要噉問？ 香港人一直係有一啲訴求嘅，如果你唔知係乜嘢，請虛心請教人哋，不過呢度唔方便講太多。香港人之所以最后都係軟化咗佢哋嘅訴求，係因為佢哋冇資源（冇水、唔夠電用、冇雞、冇十三億人嘅市場，好多嘢都冇），但係你要明白，呢啲所有嘅資源其實係屬于邊個咖？有啲嘢唔可以明講，打個比方，有人問你，你要瞓覺抑或要面包，你肯定會莫明其妙，兩樣都係必需嘅，兩樣都要。而且你肯定重會講，呢兩樣嘢根本就冇沖突嘅，點解一定要我兩樣嘢只可以揀一樣呢？最后你肯定重會講，你有乜嘢權力要我噉做？啲面包係你嘅咩？ 至于到底人哋睇唔起你乜嘢，再講一次，唔係你，而係你所處嘅環境嗟，而你只不過係受體而已。嗱，你話你係廣州人，所以用簡筆字，而家唔討論到底深筆字好抑或簡筆字好，只係想問你一樣嘢，有人要你用簡筆字嘅時候，你作為一個廣州嘅“人”，你有冇機會表達過你嘅意愿啊？當你只不過係一個俾人哋“為你安排下幸福的生活”嘅“人”嘅時候，你覺得你會俾人哋尊重咩？老實講，連我自己都睇唔起“我自己”啊。

顺德水蛇粥

查先生喺香港创作并发表嘅金庸武侠小说喺华人世界谁人不知？哪个不晓？

highyun

對于kidchan網友以下呢句說話，我非常唔同意： “我反问一句我系广州人点解会同我用简体无关系啊？ 我自细学校就教简体，我就一直学简体用简体，点会冇关？我觉得出奇嘅就系既然你资料 度写你来自广州，点解你就专登用繁体（而且就我所见，你都只不过识用个繁体输入法啫），所以有1问！你系广州受教育咁多年，都宁愿曲去用繁体，未免畀人觉得你根本唔爱自己嘅地方，而崇尚另外一个地方嘞。我谂一个人起码要爱自己嘅地方。” 首先，我想問，簡體字代表廣州或大陸，繁體字代表香港？錯喇，繁體字，或者講傳統字，係中國古已有之，由于某啲唔方便講嘅原因，而家大陸一律要求用簡體。繁體字同簡體字孰优孰劣，之前已經有好多討論，亦唔係我想講嘅論點。關鍵嘅係，點解一個廣州人用繁體字，你就話佢唔愛自己嘅地方呢？我諗你嘅思想畀一種錯誤嘅觀念左右住，就係“繁體字係港臺嘅嘢，簡體字係我哋國家嘅嘢，用繁體字就係崇尚港臺，用簡體字先叫做愛自己嘅地方”，可能或多或少受咗奴化教育嘅毒害。。。。 事實同你諗嘅正好相反，繁體字係中國嘅傳統文化，亦係中國漢字文化嘅精粹，愛繁體字嘅人往往係最熱愛傳統文化，最以中國文化自豪嘅人，而為咗書寫方便，而丟弃祖先文化嘅人，我哋應該稱佢為咩呢？ 最後要講嘅係，寫繁體字嘅廣州人（廣東人），並唔等于唔熱愛嘅地方，不過寧願講普通話都唔講返自己母語嘅人，就絕對係一等一嘅不肖之徒。 至于其他論點，我唔發表評論，亦覺得你討論得比較理智，即使大家觀點唔同，亦應該對事唔對人，呢樣嘢係非常重要嘅嘅。

superjill

相信睇完呢条片——高层睇法 大家都唔会再有咩声出啦啩？ em2: