生死帖——我哋有冇權「控制」自己嘅生命呢？

外外星人

呢個話題都幾大，唯有求教於大家：一個人嘅生命係咪由得自己決定？生死由自己話事？生可能唔得嘅，之但係，死係咪畀自己柬呢？除咗自然死亡，自己有冇權提早結束自己嘅生命呢？

話題可能涉及宗教同埋哲學，請畀多啲意見。冇假設，有嘅係真人真事，救人一命，勝造七級浮屠。急！

worldveg

控制自己嘅生命，即系生死自在啦，要修行到好高境界先做得到咖~

Jake_ct

基於對上座部佛教嘅認知，佛教並不鼓勵自殺。普通人自殺祇係逃避業力，而且殺害自己難免帶有嗔恨心（再造新業），又死時痛苦萬分可能又產生後悔或怨恨等不善心，到時新舊惡業下世一鋪過，會更加痛苦。

华广

如果人嘅命运真系由上天去安排嘅话咁嗰啲做尽坏事嘅人都只不过系上天安排佢哋做而已，凡人跟本就唔可以违抗！但系问题系既然系上天安排佢哋去做坏事咁点解最后所有嘅恶果都要由嗰啲嚟承当呢？

Jake_ct

宿命论同无因果论都属边见，与佛教观点无关。