|
粵語語氣助詞詳解 一、用在句末表示敘述、肯定等的語氣詞 *㗎1：gaa3。表示肯定（口氣較重）。我唔知〜！（我不知道呀！） *嘅1：ge3。①表示敘述。梁小姐係三點度到〜。（梁小姐是三點左右到的。）②表示肯定。就係噉〜。（就是這樣的。） *嘅2：ge2。表示肯定，又帶有解釋或同意的口氣。呢單嘢唔關佢事〜。（這事兒跟他無關的。）|噉都好〜。（這樣也好。） 咧（哩）：le5表示情況確實如此，用於希望對方相信或敦促對方接受自己的意見。我唔係呃你〜。（我不是騙你呀。）|噉樣唔好〜！（這樣不好的!） 嚟：lei4。表示命令對方保持某一狀態。坐好〜！（坐好！）|企住〜。（站住！） 吖：aa1、aa3，語氣詞。①的；啊，表示同意或強調：好〜，一於噉做（好的，就這樣做）|係〜，噉做唔得（是啊，這樣做不成）。②嘛，表示申辯，陳述理由：我冇應承過佢〜，冇理由催我去做（我沒答應過他嘛，沒理由催我去做）。③呢，表示追問：你買唔買〜（你買不買呀）|有乜好笑〜（有什麼好笑呢）。 *啊1：aa1。①表示同意對方的意見（有讓步、放棄自己原有意見的意思）。噉又得〜！（這也行嘛！）②表示所說的事實非常顯然（有反駁對方的意思）。佢亦都冇話到你乜嘢〜！(他也沒說你什麼嘛！）③表示對對方的言行不以為然。呢啲嘢你使乜咁咁志在〜！（這些東西你何必那麼在乎呢！） 嘞1：laak3。表示事情發生了、情況出現了，大致相當於普通的「了（le）」。大家都嚟齊〜。（大家都來齊了。）|我食咗飯〜。（我吃過飯了。） 喇（嘑）1：laa3。大體同「嘞」，而口氣略重一些。啲書冧曬落嚟〜！（那些書全掉下來了！） 咯：lo1。大體同「嘞」，而帶有提醒對方注意的口氣。琴日都搦曬去〜（昨天都全部拿去了。） 囉1：①大體同「咯」，而口氣略重。落雨〜，快啲收衫！（下雨了，快點收衣服！）②表示建議、邀約。呢個禮拜去東郊公園玩〜。（這個星期天到東郊公園玩吧。）③表示勸阻或催促（口氣較婉轉）。噉嘅話就唔好再講〜！（這樣的話就不要再說了！）|行〜！(走吧！） 囉喂：表示催促對方與自己一起行動。喐手〜！(動手幹起來吧！）[其中「囉」是「囉1③」] 囉2：lo4表示情況就是如此，帶理所當然、肯定無疑的口氣（往往用於回答別人的提問）。邊個好啲——呢個好〜！（哪個好一些，當然是這個好！） 噃：bo3。①表示希望對方注意自己所說的內容，有告知、提醒、叮嚀、催促、警告等作用。冇曬〜。（全都沒有了。）|好走囉〜。（該走了。）|你要記住〜。呢堂梯唔係幾穩陣〜。（你要記住，這把梯子不太牢靠。）|佢梗得啦，有人幫佢〜！（他當然行啦，有人幫他嘛！）②表示說話人自己突然意識到某種情況，表示醒悟或原來沒估計到等意思。係〜！佢講得啱〜！(可也是！他說的對呀！）|你都幾得〜！(原來你還挺行！） *喎1：wo3。同「噃」。[這是「噃」的語音弱化形式] 個噃：相當於「嘅1」加上「噃」，衹是「嘅」字受「噃」字音影響讀成了「個」。噉唔得〜。（這樣不行的。）|啊，都幾好〜！(喲，還挺好的！）[又作「個㖞」] *喎2：wo5。①表示轉告別人所說的話。經理話就噉得喇〜。（經理說就這樣行了。）|嗰度好難行〜。（據說那兒很難走。）②表示對某一出乎意料的事情表示不滿。畀佢攞曬走〜|(被他全拿走了！） 咊：wo4。表示出乎意料，帶吃驚、驚奇或不以為然等口氣。阿珍成個人變曬〜！（阿珍整個人全變了！）|整出咗咁多〜。（居然弄出這麼多來。）|佢噉都唔制〜。（這樣他都不幹。） *嗄1：haa2、aa2。表示提醒對方注意。你睇真啲〜！（你看清楚啊！）|因住〜！（小心哪！） 啦：laa1。①表示命令、請求、提議、制止等，帶有無奈或哀求的口氣。快啲去〜！(快點去吧！)②表示勉強的同意、認可。好〜，你話點就點〜！(好吧，你說怎麼樣就怎麼樣吧！）③表示已經如此或當然如此。都係噉〜。（就是這樣了。）|使乜講〜！(哪用得著多說呢！）④表示認定某事，帶責備的口吻。一日都係你〜，唔係都唔會噉！（全都是你，要不也不會這樣！）⑤表示列舉。阿哥一家〜，細妹佢哋〜，你呢度〜，㪉埋都有八九個人㗎。（哥哥一家吧，味妹她們吧，你這兒吧，合起來也有八九個人的。） 嗻：ze1，音遮。①表示事情不過如此而已（常用於對某種說法的否定）。好細雨〜，唔使擔遮。（衹是很小的雨，不用打傘。）②表示反駁別人的說法。你做得人哋又做〜！（你幹得了人家也幹得了嘛！）③表示某種看法為自己所獨有、內容為自己所獨知等。實係佢〜。(一定是他了！）|我就知道〜。（我就知道呢。） *啫1：zek1。①表示衹不過如此（口氣比較強烈）。係得咁多〜。（這衹有那麼多。）|先話佢一句〜，就喊囉咊。(纔說了他一句，就哭了。）②表示所說的內容為對方所不知道。我阿哥有好多好靚嘅郵票〜。（我哥哥有許多很漂亮的郵票呢。）③表示鼓動或建議（往往是提出同對方意見不同的建議）。我話噉樣好〜！（我說這樣纔好呢！） 咋1：zaa3。表示僅限於此（指出數量或範圍較小）。—個月三百緡〜。（一個月纔三百塊。）|係我先咁好講話〜。(衹有我纔這麼好講話。） 之嘛：①表示不過如此，有「沒什麼大不了」的意思。十幾緡〜，濕濕碎啦！(不過是十幾塊錢，小意思！）②表示僅僅因為某個原因（而導致事情沒辦好），帶有遺憾的口氣。小謝手腳慢得滯〜！（都是因為小謝手腳太情!） 至噃：表示僅僅如此，有提醒對方注意的口氣。呢度得二十個〜。（這裡衹有二十個呢。）[參見「噃」] 罷啦：表示作罷，不再計較。冇呢種就要嗰種〜。（沒有這種就要那種算了。） 係啦：①表示斷然如此，不必猶豫和懷疑。你放心〜，我實得嘅。（你放心吧，我一定行。）②表示衹好如此，有無奈的口氣。人人都唔肯去，噉我去〜。(人人都不願意去，那麼我去就是了！） 二、用在句末表示問話的語氣詞
*啊2：aa1。①表示追問（帶不耐煩的口氣）。你講你去唔去〜？(你說你去不去吧？)②表示反問。點會唔得〜？(怎麼會不行呢？）③表示驚訝或疑問。你想點〜？ *啊3：aa4。①表示要證實某一情況。張生話佢實嚟〜？(張先生說他一定來嗎?）|係胡小姐〜？(是胡小姐嗎?)②表示反問，口氣較重。你估你大曬〜？(你以為你有無上權威嗎？） *㗎2：gaa4。相當於「嘅」加上「啊2」。係胡小姐〜？（是胡小姐的嗎？）|唔畀搦出嚟〜？（不讓拿出來的嗎？）[參見「嘅1」] *㗎3：①表示某種疑問。點解唔見咗〜？（怎麼不見了呢？）②表示某種反問。噉點得〜？（這怎麼行呢？） 囗：音he2，（囗表示有音卻沒考正到的字）。表示希望對方同意自己的說法。都幾抵〜？(還挺值的是吧？）|大翻啲就好喇〜？（再大點兒就好了，對不對？） 喇（嘑）2：laa4。表示詢問某種情況是否發生。王伯制〜(王大伯願意了？）|啲人走曬〜？（人都走了？） 咧（哩）2：le5。用於反問句，表示不出所料（多是不好的事），帶有責怪對方不聽勸告的口氣。呢勻撞板〜？(這問碰釘子了不是？）|你而家知唔得〜？(你現在知迫不行了吧？） 咧（哩）3：le4。表示商量，帶有希望對方同意的意思，有時有懇求或催促的口氣。我試下〜？（我試一試吧？）|帶埋小華去〜？（把小華也帶上好嗎？）|做多半個鐘頭〜？(多幹半個小時吧？) *喎3：wo5。用於反問句，表示所說的內容應予以否定。有啲噉嘅好事〜！（哪有這樣的好事！）|畀曬你〜！（難道全給你不成！） *嗄1：haa2、aa2。①表示帶商量口氣的請求。我搦走喇〜！(我拿走了啊？）②表示心有疑惑而期待對方答覆。咁惡搞嘅〜？（怎麼這麼難弄，啊？） *嘅3：ge2。①加強疑問語氣。點解唔得〜？(這怎麼會不行呢？）②加強反問語氣。噉都通〜？(這樣做說得過去嗎？） *啫2：zek1。表示催促對方答覆。你去定係唔去〜？（你到底去還是不去？） 咋2：zaa4。表示對事態僅僅如此心存疑惑或不滿等。咁耐整好兩條〜？(這麼久纔弄好兩條？）|全市就得呢度有呢種布〜？(全市就衹有這裡有這種布啊？） 咩：me1。表示疑問、設問或反問。老楊仲未到(老楊還沒到嗎？）|佢唔制〜，我都有計。（他不肯嗎，我也有辦法。）|唔通噉都得嘅〜？（難道可以這樣的嗎？） 啩：表示半信半疑（常與否定詞一起使用）。唔會〜？（不會吧？）|冇咁快〜？（沒那麼快吧？） 吔：jaa1。語氣詞，表示驚異或感歎。哎〜〜、我的媽〜。 三、單獨使用的表語氣詞語(嘆詞)
嘩：waa1、waa4。表示驚歎。〜!真好嘢！（謔！真好！）|〜!啲風好大！（謔！這風多大呀！） 哈：haa1。①表示憤慨。〜!你咁大膽！（嘿！你這麼大膽！）②表示疑惑。〜，點解唔得呢？（咦，怎麼不行呢？）③表示驚奇。〜，原來佢都識。（嘿，原來他也會。）④表示無奈。〜，噉都唔掂！(嗨，這樣也還是弄不好！） *嗄2：haa2、aa2。用於問話，表示：①要求對方目答，有追問、質問、探詢、懇求等含義(總是用在句子後面)。噉我點啊？〜?（那我怎麼辦？啊？）|呢啲畀曬我啦，〜？(這些全給我了，啊？）②對別人的話感到意外或沒聽清，要求對方說清楚。〜？架車走咗？（什麼？車子走了？）|〜？你講乜話？(啊？你說什麼？）③對別人的呼喚一時反應不過來，以反問作應答。〜？我喺度。（啊？我在這兒。）[發aa2時同可用「啊」] 唓：ce1。表示不滿、反對等。〜！噉邊個肯啊！（嗨！這樣誰肯幹哪！）|〜！咪亂講！（呸！別胡說！） 啋：coi1表示厭惡、斥責等，一般是針對別人所說的不好、不吉利的話而發。〜！唔聽你噏噏呢啲嘢！（呸！不聽你說這些東西！）[此一般為婦女所用。按舊時迷信的說法，口中喊「〜」可以祛除不吉利] 呢：ne1。提醒對方注意自己所指示的事物。〜，嗰個就係嘞。（喏，那個就是了。）[參見「嗱」] 呣：①m2，表示疑問。〜？好似唔係喎！（啊？好像不是吧！）②m6，表示肯定。〜！我知啦！（好，我知道了。） 嗱：naa4。同「呢」。〜，就喺度。（喏，就在這兒。[一般來說，用「呢」或用「〜」是一樣的，但如果有明顯的遠近之別時，「呢」指遠處的，「〜」指近處的] 呢嗱：同「呢」而口氣較重。〜！噉都睇唔見！我挖咗你對眼！（喏！這樣都看不見，我挖了你的眼睛！） | 
發表於 2010-6-18 16:39:16