|
|
精文一篇，言簡意賅！！
寻日，有個女仔叫我幫佢介紹男朋友。以下係對話：
MM：幫我介紹個男朋友啦。
ME：你之前嗰個呢？對你幾好咖，散咗咩？
MM：對我係好好，不過無錢，份工無前途！我同佢分咗啦。
ME：咁你想搵點樣咖？咩條件吖？
MM：唔使好靚仔，要人好，最重要係有錢！
ME：咁幾錢先叫有錢？幾錢符合你要求？
MM：肯定有車有樓啦，有公司，要寶馬或者BENZ
ME：哦，我識得好多，我地D車主基本上個個都開公司，而且我哋D車唔差得過寶馬同BENZ。
MM：咁你唔介紹俾我識？？？
ME：介紹俾你吖？嗰D人要求好高，要夠靚要夠高仲要有氣質。我見到人地D女朋友都係模特兒吖、明星仔吖或者好有氣質嘅OL咁喔。
MM：我自問都係靚女吖。
ME：但你企埋人地嗰個圈子呢？？？
MM：咁你即係踩我嗟？係咁啦，唔想同你講！
。。。。。。
其實唔係我想踩你，係你唔踩唔得。
我要踩你，都要你瞓喺度得咖，你企得高企得直嘅話，試問我又點起到腳呢？
呢個世界，好多女人中意扮上菜，或者妄想自己係上菜。
一直嘆穩唔到好條件嘅男人。 關鍵係，你為咗得到你想要嘅你做咗幾多準備？你有幾多資本？你遇上一個好男人，你憑乜嘢去獲得對方讚賞？
你想搵找個身家一千萬，你自己至少也該有一百萬去襯翻人哋咖。當然，我嘅意思唔係指確切嘅錢，而係資本。
你嘅才華、學歷、職業、品格、樣貌身材、氣質談吐、知識閱歷仲有你嘅家底!
唔好著重處女，但保持純潔！等等都係做上菜嘅資本。 呢D，都要靠自己
有男人對你好嘅時候你，你挑三揀四，吊高來賣。當你覺得你個男人無前途嘅時候，
係咪都檢討下自己有無資本呢？
當你自己有資本嘅時候，更有資本嘅男人自然會搵上門，使咩你自己搵得咁辛苦啫。 記住，上菜通常都唔外賣咖！
好似我呢個女性朋友咁，覺得自己係上菜，要金盤玉盞先配得起，咁嘅話，只能慢慢等，等到變隔夜菜咯。
一個自身唔努力，旨意哂個男人嘅女人，就算幾靚，都只能得到男人嘅歡心同錢，永遠得唔到愛同尊重。
呢個社會無論男女，個個都好現實， 無人唔想過更好嘅生活，搵到條件更好嘅伴侶。
只不過男人無女人咁幸福。 男人知道，我要得到呢一切，必須要自己去努力搵錢去實現。
----------------------------------------------------------------------------------
同樣道理,
好多男人都話要搵個樣靚身材正,條件好嘅女人做老婆, 但係你又有幾多斤兩??
同緊自己女友時, 又嫌三嫌四!
嫌人波唔夠大! 腿唔夠修長! 樣唔夠靚! 學歷唔夠高!工資唔夠多!
見到第個條件好嘅靚女嗰陣, 又朝三暮四, 搞曖昧關係!
多次約會靚女出來吃飯, 吃完就係兄弟面前嗮命 :
"琴日,我同咗XX靚女去咗邊度邊度吃飯"
"上星期,我同咗XX靚女去咗邊度邊度睇戲"
係兄弟面前,或者你會好有面子!
但係你咁做又有咩用?有咩用???你估佢地會同你過世咩???? 會同你挨？
咪傻拉!!!!!係度浪費時間,浪費金錢,浪費青春!
正一傻佬!多做D對你事業有幫助的事好過拉!
你憑咩去追嗰D條件好嘅靚女?而掉低你嘅正牌女朋友? 你有咩資本去追人哋?
你供得起人地每日一樽S&K Ⅱ ? 你供得起人哋所有名牌衫?
男人吖! 男人! 對住面鏡,打開銀包睇下,自己有幾多斤兩,
無? 咁就腳踏實地,安守本分做人啦! 多D關心下你身邊嘅佢,多D愛錫你身邊嘅佢算罷啦!
其實揀伴侶同揀車一樣!當我哋開住部小車係條路飛緊嘅時候,
不時咁有好多法拉利、保時捷咁嘅靚車擦身而過,直至消失遠去......
貪靚嘅我哋不時咁回望同幻想! 黯然回過神來,睇下自己嗰部小車,其實我部小車都唔錯,
一直以嚟安穩、舒適咁車住我哋上山下海!不離不棄!直到永遠!
好多嘢都係可遇不可求嘅!望下就好啦! 千其唔好為咗試著件晚裝,而放棄咗件溫暖牌,
晚裝雖華麗 ，但最多只能著出嚟,係眾人面前嗮一嗮命,過眼雲煙,一迅即逝!
而且著起身會好大壓力"因為佢太貴重" !!
溫暖牌雖平凡 但只有溫暖牌先可以俾倒舒服、柔軟、溫暖嘅感覺你,
係永遠嘅,唔變嘅,無壓力嘅!只因平凡先可以帶俾你純淨舒服嘅感覺!! |
|
發表於 2010-4-28 19:24:04