係“夜浦”定係“夜浮”

Hugo_030

就是夜晚去消遣嘅意思，究竟係用“浦”定係“浮”。 按音嘅话应该“浦”接近啲，而且香港啲报纸多数都係写浦。 但系粤语学堂嗰度有话係“浮”。

dada

《粵語審音配詞字庫》話「浮」讀fau4﹐但我讀pou4。 《國語辭典》第二個意思係「顯現。如：浮現、臉上浮著微笑。」 有人話可能係「酺」﹐不過「酺」淨係「會聚飲酒。史記．卷四十三．趙世家：行賞大赦，置酒酺五日。南朝梁．宗懍．荊楚歲時記．正月：元日至於月晦，並為酺聚飲食。」

Anl

f音係由古時p/b音轉變而來。 粵語當中保留古音。 即“浮”讀“蒲”：今日去咗邊度浮？

Hugo_030

噉點解啲香港報紙全部都係寫“浦”呢？

余OK

“浮”字絕對冇異議㗎嘞，順德話日常講話至今仍保留pou4呢個音，如dada所述，至於其他浦或蒲字，係因爲冇經過考究而求其搵個同音字代替。。。

Anl

噉點解啲香港報紙全部都係寫“浦”呢？ 『本文僅代表作者[hugo_030]的觀點，版權屬作者與粵語協會論壇共同所有』 anl回應：香港報紙全部寫“浦”？你咁肯定？我睇未必，有啲報紙係寫“蒲”。況且報紙寫嘅都唔一定啱，佢哋有啲係貪方便，根本冇考證個字係點得嚟嘅，正寫係乜，就作一個同音字代替。 “浮”先係最正確嘅寫法。

h3

anl在2006-2-15 20:07:02說道：[br]f音係由古時p/b音轉變而來。 粵語當中保留古音。 即“浮”讀“蒲”：今日去咗邊度浮？

你啱， 古代汉语并冇"f"音， 以呢个“缹”为例。 其实先係我哋所讲嘅“煲”。后尾啲捞就读成“fou"

夢星羽

我認為這個“蒲”音字可能並不是單單一個字。 “蒲”出水面的“蒲”其本字可能是“浮”字。 而出去玩樂的“蒲”的本字則可能有兩個， 一是“酺”，飲酒作樂； 一是“蒲”，樗蒲，亦稱蒲戲或蒲弈，古代的一種賭博性游戲。 至於黑社會在刮人時常說的“蒲頭”一詞， 也許出自“逋”，指逃亡或逃亡者。 不過具體沒怎麼考究過，不好說， 僅供諸君參考。

highyun

夢星羽在2006-4-8 1:47:53說道：[br]我認為這個“蒲”音字可能並不是單單一個字。 “蒲”出水面的“蒲”其本字可能是“浮”字。 而出去玩樂的“蒲”的本字則可能有兩個， 一是“酺”，飲酒作樂； 一是“蒲”，樗蒲，亦稱蒲戲或蒲弈，古代的一種賭博性游戲。 至於黑社會在刮人時常說的“蒲頭”一詞， 也許出自“逋”，指逃亡或逃亡者。 不過具體沒怎麼考究過，不好說， 僅供諸君參考。

pou4头 就应该系“浮头”，系指“出现”嘅意思，即系“浮出水面”嘅引伸义，而唔系指逃亡，例如“最近好少见你pou4头喎”呢句根本冇“逃亡”嘅意思。至于去边度pou4系咪另有其字就值得讨论吓。

夢星羽

你說的對，“蒲頭”一詞我解釋得不對。

夢星羽

我修正一下前文： “逋”的本意是逃亡或逃亡者， 而逃亡的人大多都是罪犯， 也許就此引申指黑社會生涯。 所以加入黑社會稱之為“出來蒲（逋）”。 不知如此解釋可否？

highyun

夢星羽在2006-4-10 20:56:25說道：[br]我修正一下前文： “逋”的本意是逃亡或逃亡者， 而逃亡的人大多都是罪犯， 也許就此引申指黑社會生涯。 所以加入黑社會稱之為“出來蒲（逋）”。 不知如此解釋可否？

我始终觉得无论“出嚟pou4”定系“pou4头”，都系用“浮”。你所讲嘅“逋”由“逃亡”转义到“混”，未免有啲牵强。反而用“浮”就好合适，首先“浮”有pou4音，此外，“浮”有“漂泊”或“露面”嘅意思，同“出嚟pou4”意思都吻合。

Anl

我支持上面highyun所言。

夢星羽

我始终觉得无论“出嚟pou4”定系“pou4头”，都系用“浮”。你所讲嘅“逋”由“逃亡”转义到“混”，未免有啲牵强。反而用“浮”就好合适，首先“浮”有pou4音，此外，“浮”有“漂泊”或“露面”嘅意思，同“出嚟pou4”意思都吻合。[/quote] 我同意“pou4头”的“蒲”是“浮”， 不過，對於出來行蠱惑的“蒲”字，我持保留意見。 “出來蒲”似乎是黑社會專用的， 雖然居無定所的流浪者更加“漂泊”，可沒人說他們是“出來蒲”的， 可見此“蒲”並非“漂泊”之意。 而加入黑社會，一生都與警察作對，不管是大哥大還是蠱惑仔，都要時時提防被捉，這種提心吊膽的心情與“逋”之意景相符。

highyun

pou4 唔一定系黑社会用语。例如“最近你去咗边度pou4啊？”呢个pou4，同“浮头”嘅“浮”有啲唔同，而同“出嚟pou4”嘅pou4基本相同，都系国语“混”嘅意思。 首先，将pou4同黑社会扯上关系，就系第一个牵强之处。 第二，即使系黑社会嘅人出嚟pou4，亦有好多种“pou4法”，点解一定要提心吊胆，一定要同“逃亡”扯上关系呢？呢个系第二个牵强之处。

夢星羽

highyun在2006-4-11 23:00:18說道：[br]pou4 唔一定系黑社会用语。例如“最近你去咗边度pou4啊？”呢个pou4，同“浮头”嘅“浮”有啲唔同，而同“出嚟pou4”嘅pou4基本相同，都系国语“混”嘅意思。 首先，将pou4同黑社会扯上关系，就系第一个牵强之处。 第二，即使系黑社会嘅人出嚟pou4，亦有好多种“pou4法”，点解一定要提心吊胆，一定要同“逃亡”扯上关系呢？呢个系第二个牵强之处。

那我就舉兩個很不牽強的例子： 《聊齋誌異·長亭》：公子數逋蕩，家庭頗不相安。 《漢書·丙吉傳》：吉馭耆酒，數逋蕩。 此兩處的“逋荡”都已經不是“逃亡”之意，而是引申指“不務正業而到處遊玩”。 這不比你的“浮”字更準確嗎？有何牽強之處？

highyun

我对古籍比较少了解，喺正字方面远不如梦兄同埋dada等几位高手。 如果“逋”喺古文入面如你所举例子噉出现过，噉佢有可能系“出嚟pou4”嘅正字。 我之前所讲嘅牵强系针对梦兄你将佢同黑社会扯上关系呢点嚟讲嘅。

Hugo_030

点解dada兄重唔出嚟解释?

west

hugo_030在2006-2-15 22:54:38說道：[br]噉點解啲香港報紙全部都係寫“浦”呢？

香港的報紙用字唔可以盡信，因爲我哋喺呢邊唔可能用廣東話嚟出報紙，所以就覺得香港報紙嘅用字就是啱嘅，但是我覺得佢哋好多時候都喺亂嚟咖，好似“俾”同“畀”噉，佢哋同一份報紙中兩個字都會出現，所以佢哋根本上是冇乜去深究，而且好多時候的字都唔是字庫入邊的字，而是用圖片嘅形式嚟排版。