講廣東話唔正嘅靓女導遊

冇尾飛陀

北方有個靓女導遊几咁搞笑.... 靚女導遊開始自我介紹：「咁多位道友你地好，我叫狐狸精」（其實佢想講，咁多位團友你地好，我叫胡麗貞...） 啲女團友一聽到就牛咁眼望住自己老公/男友... 第二日，導遊話：「好喇咁多位道友，今日我要帶你地去試下北京馳名既路邊狗屎，跟住帶你地上天堂」 （其實佢想講，好喇咁多位團友，今日我要帶你地去試下北京馳名既爐邊餃子，跟住帶你地上天壇...+_+） 團中有個阿婆一聽到直情激動到連鞋都飛出來. 阿婆好激動話：「我而家俾錢黎旅行呀!食咩狗屎?上咩天堂呀?」 食店入面:靓女導遊同頭先個阿婆笑笑口講:阿婆，你痴完未呀? （其實佢想講，你吃完未呀?） 阿婆心諗（...你又發咩顛呀?）好唔耐煩答:「未呀~」 導遊:「你快d死啦~你死完我地上天堂啦!你仲唔痴快d~」（其實佢想講，你哋快食啦~你食完我地上天壇啦!你仲唔吃快~） 之後個阿婆無再理過個導遊

Anl

呢篇嘢之前貼過啦。

rugal

搞嘢

加菲貓

笑到噴飯啊。 em2:

嶺南散人

根本就冇「廣東話」，又何來「 講廣東話唔正嘅靓女導遊」？

 

唔熟悉嶺南方言嘅朋友，往往會將粵語、廣府話、廣州話、「廣東話」混為一談，其實彳豦之間係有好大嘅區別，應該嚴格予以厘清。

 

粵語：即華語粵方言，包括廣府片、四邑片、羅廣片、高陽片、吳化片、邕潯片、梧州片、勾漏片、欽廉片等等，分布於嶺南即兩廣地區。

 

廣府話：即華語粵方言廣府片，包括廣州話、順德話、莞寶話、香山話等。

 

廣州話：即華語粵方言廣府片廣州話，包括城內音、西關音、番禺音等等。

 

所謂「廣東話」，學術上根本冇該個概念，係一乃人單純以行政規劃區分語言嘅體現，實際上語言分布同行政規劃倂唔重合，所謂「廣東話」該個講法有失科學性同合理性，一般唔提倡使用。