緊、咗——現在分詞？過去分詞？

外外星人

有人認為，緊、咗分別代表粵語嘅現在分詞及過去分詞，呢個講法，可能冇錯：

 

做緊嘢——緊，現在分詞；

 

做咗喇——咗，過去分詞。

 

 

另一種情況係噉嘅：

 

將少塊膶講成少緊塊膶，係冇錯嘅，之但係，呢度嘅少緊塊膶查實係少咗塊膶嘅意思，噉講，你唔會反對啩？！

 

重有，爭zaang1緊啲，又係爭zaang1咗啲嘅意思。

 

噉，緊同咗咪分唔清？

 

今日就諗到咁多， 大家有乜補充？

sthh

 

我講少噉塊膶嘅

寶寶

咗 應該重可以表示祈使語氣或者假設語氣啩。。。譬如，

 

抌咗佢喇～

 

我係你啊，我就死咗佢。

 

 

 

唔知係唔係呢。。。

 

 

外外星人

原帖由 寶寶 於 2010-1-23 18:49 發表 咗 應該重可以表示祈使語氣或者假設語氣啩。。。譬如，   抌咗佢喇～   我係你啊，我就死咗佢。       唔知係唔係呢。。。     ...

呢度加咗兩個咗，好似係將來時多啲喎。

外外星人

我講少噉塊膶嘅
sthh 發表於 2010-1-12 04:04

    懶音？

EdwardWong

嚴格來說漢語祗有體沒有時，同一種形態理論上既可以表示過去，也可以表示將來。英語的分詞表現的也是體，不是時。
「緊」/「噉」的功能在《第八届國際粤方言大會論文集》有篇論文專門討論過，大致是表達缩小的趨勢，其對立面是「返」/「翻」

xiemo

點解尐人就鍾意攞外語來套中國字？唔可以調轉乜，真系唔明。好似而家好多人喜歡係中國動詞後面加個ing英文，比如工作中寫工作ing，對此極其反感。尐學生又反對學英語考級，但又學識幾個字母係度巴閉惡搞。中國邊有現唔現在式！各個字都系按照上下文整句意思來惗嗟。