"哥記"係乜？

neo

而家唔係先生小姐就係靚仔靚女，粵語應該重有好多親切稱謂啊？

jun2982804

「哥记」就系粤语当中对后生仔嘅一般称呼，既唔含贬义，亦唔含褒义

依家啲人，咸o棒o冷畀「煲冬瓜」同化晒，鬼识粤语啲亲切称谓咩！

neo

睇咗《廣州話方言詞典》對「哥記」嘅解釋：
對不相識嘅同齡男性嘅稱呼。

游人

重有「後生仔」「後生女」「哥仔」「阿女」個啲

李四

重有哥哥仔、姐姐仔．．．

neo

哥哥仔、姐姐仔一般係點樣用咖？

點解有時啲上咗年紀嘅婆婆叫我做哥哥仔嘅？

外外星人

睇咗《廣州話方言詞典》對「哥記」嘅解釋：
對不相識嘅同齡男性嘅稱呼。 ...
neo 發表於 2010-8-1 10:47

    呢啲詞典真係害死人！哥記，大致嚟講，都算係尊稱，未必係對同齡嘅，譬如，若果neo你係男性，我唔知你幾大，叫你哥記都得嘅——你可能大過我，又或者細過我，唔同輩都叫得哥記嘅。

嶺南散人

兄台

yanrikun

哥記定义有很多..有时2个很熟悉的人开玩笑时都可以补一句哥記

粤民

「哥記」在佛山話仲好常用，系對年青男性嘅禮貌稱呼。佛山話中，仲有「母（發第1聲）記」，系對年老女性嘅稱呼。

TsuNT(♂)

"大哥"----某D場合中表貶義, 本來身份應該掉轉嚟講嘅, 特意反稱"大哥",
  例: "(對屬下)爽手D啦, 我叫你一聲大哥好嫲"
  例: "(對方之前生意失敗) 大哥,今次又去咗邊度發達啊 (暗義:譏諷對方)"


  另:對於輩分嘅講, "哥"無疑比自己稍大, 但按地位嚟講, 高少少地位嘅可以稱"哥",某D單位中, 即使 個頭 年紀比自己細8歲, 亦不可直稱, 一係以職務稱呼, 一係以"X哥\X姐"嗌人, 等級差異唔係十分大時, 后者較普遍,             而家庭親戚關係中, 好多同輩人平稱, 但某D老人家為咗 分清輩分, 教陣時會叫D 后生\細路 稱人地 "X哥\X叔 (不以年紀論)",
      我所在嘅家族中, 某個有D疏嘅堂大佬(大我約10~15歲), 係都要佢仔女(細我約10歲) 叫我"亞叔",  佢仔女當時好唔憤氣, 當住我面講"佢大我10歲之嫲"

      我原單位中, 有個10+年嘅同事(大我約20歲,剛退休冇耐),  平時開工都係 以同輩稱, 我幾時都叫佢"X姐", 而佢個女(約細我8~10歲), 亦都可以叫做睇住佢大,  佢從細個到依家(差唔多結婚), 都係叫我"亞X哥哥",

TsuNT(♂)

粵語中仲有: 妹豬\妹掟

TsuNT(♂)

詳見: http://bbs.cantonese.asia/thread-24288-1-1.html dert112233之集貼 及 粵語資料上傳集貼
4.《實用廣州話分類詞典》圖片版轉word版和pdf版，歡迎下載



一、人物

一A泛稱
一A1人稱、指代

*哋1●《分類》【音】dei6 詞尾，表示人稱的複數。[普通話的「們」除用於人稱「我們、你們」等之外，也可用於其他一些名詞，如「同學們、工人們」，廣州話的「哋」只能用於人稱代詞「我哋、你哋」等]
我哋●《分類》【音】ngo5 dei6 我們；咱們。你哋去， ~ 唔去。（你們去，我們不去。）|你系廣州人，我又系廣州人， ~ 都系廣州人。（你是廣州人，我也是廣州人。咱們都是廣州人。）[普通話的「我們」不包括聽話的人，「咱們」包括在內，廣州話沒有這樣的區別]。
你哋●《分類》【音】nei5 dei6 你們。
佢●《分類》【音】keoi5。他；她。 ~ 系我嘅朋友。（他是我的朋友。）|我中意 ~ 。（我喜歡她。）
佢哋●《分類》【音】keoi5 dei6 他們；她們。
邊個●《分類》【音】bin1 go3 誰。佢系 ~ ？（他是誰？）|你中意叫 ~ 嚟都得。（你喜歡叫誰來都行。）
乜人●《分類》【音】mat1 jan4 誰。 ~ 將呢個桶躉響度？（誰把這個桶放在這兒？）
阿（亞）誰●《分類》【音】aa3 seoi4-2 【謔】誰。人哋邊識得你系 ~ ！（人家哪知道你是誰！）
人哋●《分類》【音】jan4 dei6人家；別人（有時泛指別的人，有時指特定的某個人，有時指說話者自己）。 ~ 都唔驚，你驚乜嘢噃！（別人都不怕，你怕什麽呀？）|快啲送翻去畀 ~ 啦！（快點送回去給人家吧！）|唔好啦， ~ 而家冇心機。（別這樣吧，人家現在沒心思。）
人●《分類》【音】jan4 同「人哋」，但一般不出現於句子開頭。咪淨識得話 ~ ！（不要只會說別人！）[其他許多用法同於普通話]
*第二個●《分類》【音】dai6 ji6 go3 別人；另外的人。呢件事唔好畀 ~ 知到。（這件事不要讓別人知道。）[重見八A8]
*第個●《分類》【音】dai6 go3 同「第二個」。除咗佢， ~ 都唔得。（除了他，別人都不行。）[重見八A8]

一A2一般指稱、尊稱

阿（亞）●《分類》【音】aa3 詞頭，用於對人的稱呼，一般是比較親切或隨便稱呼。 ~ 伯（大伯）| ~ 廣（對某個以「廣」爲名字的人的稱呼）| ~ 徐（對某個姓徐的人的稱呼）| ~ 駝（駝子）
*阿（亞）SIR●《分類》【音】aa3 soe4 【敬】【外】先生。嗰位 ~ ，唔該留留步。（那位先生，請留步。）[英語sir，進入廣州話後讀音有所改變。重見一F3、一F4]
阿（亞）生●《分類》【音】aa3 saang1 【敬】先生。 ~ ，你用啲乜嘢？（先生，您吃點兒什麽？）
*生1●《分類》【音】saang1 【敬】先生，前面加姓氏。劉 ~ （劉先生
咁多位●《分類》【音】gam3 do1 wai6-2 【敬】諸位；各位（對多人的總稱。咁：這麽）。 ~ ，早晨！（諸位，早上好！）
*大佬●《分類》【音】daai6 lou2 【敬】【謔】本義是哥哥，用於對男性的尊稱（不一定比自己年紀大；常用於陌生人；如用於熟人，則多帶玩笑口吻）。唔該問聲 ~ ，呢度去黃村仲有幾遠？（請問大哥，這兒到黃村還有多遠？）| ~ 啊，你話點嘞！（我的老哥呀，你說怎麽辦吧！）[重見一C3、一E3]
*夥記●《分類》【音】fo2 gei3 對人略帶親切的稱呼。 ~ ，有火嗎？[意義與普通話「夥計」相同，但廣州話「計」與「記」不同音。重見一E1]
姐1●《分類》【音】ze2-1 【敬】用於對平輩女性的稱呼，在前面加上其姓或名。洪 ~ |娥 ~ [注意必須讀第1聲。如讀本調第2聲，則是對女傭人的稱呼]
阿狗阿貓●《分類》【音】aa3 gau2 aa3 maau1 【貶】泛指不加選擇的任何人，帶輕視口吻。 ~ 都畀入嚟，噉點得㗎！（無論什麽人都讓進來，那怎麽行！）|唔通 ~ 你都嫁？（難道不管什麽亂七八糟的人你都嫁給他？）
阿保阿勝●《分類》aa3 bou2 aa3 sing3 【音】泛指不加選擇的任何人（「保」和「勝」是以前較常見的人名用字）。我唔理系 ~ ，總之畀多幾個人我。（我不管是張三李四，總之多給我幾個人。）
*鬼●《分類》【音】gwai2【喻】①用在句子中表示「只有鬼才…」，實際上是「任何人都不…」之意。咁低人工， ~ 去咩！（這麽低工資，鬼才去呢！）|佢唯水皮， ~ 怕佢啊！（他這麽差勁，誰怕他！）②在句子中表示「連鬼都…」，實際上是「任何人都…」之意。試過一次， ~ 都怕啦！（嘗試過一回，誰都會怕啊！）[重見三A19]
鬼人●《分類》【音】gwai2 jan4 【喻】同「鬼」①（用法上語氣更重）。有 ~ 制！（有誰願意！）
友仔●《分類》【音】jau5-2 zai2 【貶】【昵】對人含貶義，但有時又帶親昵口吻的指稱。條 ~ 唔靠得嘅。（這傢夥靠不住。）|條 ~ 都幾叻。（這傢夥還挺有能耐。）
友●《分類》【音】jau5-2 【貶】【昵】①同「友仔」。②詞尾，略帶貶義，有時帶親昵口吻。爲食 ~ （饞鬼）|浪蕩 ~ （浪蕩子）|鬍鬚 ~ （留鬍子的人）
生部人●《分類》【音】saang1 bou6-2 jan4 陌生人（生部：陌生）。
架基冷●《分類》【音】gaa3-4 gei1 laang5-1 【謔】自己人。[這是模仿潮汕方言的讀音]

一A3詈稱、貶稱

抽筋種●《分類》【音】cau1 gan1 zung2 【喻】【詈】對人辱駡的稱呼。
打靶鬼●《分類》【音】daa2 baa2 gwai2。【詈】對人辱駡的稱呼（打靶：槍斃）。
斬犯●《分類》【音】zaam2 faan6-2 【詈】要被砍頭的罪犯，用作罵人的稱呼。
發瘟雞●《分類》【音】faat3 wan1 gai1 【喻】【謔】對人笑駡的稱呼。
龜蛋●《分類》【音】gwai1 daan6-2 【喻】【詈】王八蛋，用作罵人的稱呼。
契弟●《分類》【音】kai3 dai6 【詈】【昵】本義是幹弟弟，指孌童，常用於辱駡人的稱呼，有時也用於親昵的稱呼（只用於男性）。
死鏟●《分類》【音】sei2 caan2 【詈】辱駡人的稱呼。
死人●《分類》【音】sei2 jan4 【詈】加在人名或稱呼之前，作輕微的或帶笑駡意味的罵人話（婦女多用）。 ~ 老楊，而家先嚟！（死你個老楊，現在才來！）
死人頭●《分類》【音】sei2 jan4 tau4 【詈】輕微的罵人的稱呼（婦女多用）。嗰個 ~ 去咗邊？（那個傢夥哪里去了？）
衰神●《分類》【音】seoi1 san4 【詈】輕微罵人的稱呼（衰：壞）。
衰人●《分類》【音】seoi1 jan4 同「衰神」。
衰鬼豆●《分類》【音】seoi1 gwai2 dau6-2 【詈】【謔】輕微罵人的稱呼，又作開玩笑的稱呼。
老階●《分類》【音】lou5 gaai1 【謔】本指「階級敵人」，後作罵人話，帶開玩笑的口吻。
*騎喱