“柴人哋”，有冇人噉讲？

highyun

“柴人哋”，本字可能系“踩人哋”，意思系“诋毁、喝倒彩”等。 我想知有冇人噉讲，或者有冇人听过呢种讲法？

雅风

em19:冇聴過有人噉讲喎...妳喺边度聴番嚟咖?

NGF

highyun在2005-12-06 14:48:30說道：[br]“柴人哋”，本字可能系“踩人哋”，意思系“诋毁、喝倒彩”等。 我想知有冇人噉讲，或者有冇人听过呢种讲法？

我以前有听过人讲“柴台”一词，意思即係“捣乱，喝倒彩“。都係读“柴台”呢个音。 但係就唔知係唔係呢个“柴”字。。。

Kathy

我聽過"柴台" 但"柴人地"就真係聞所未聞啦

highyun

就系“柴人哋”嘅“柴”就系“柴台”呢个意思喇，但正写唔知究竟系点。

余OK

聽電臺dj講過。。。

Yucky豕

有聽過~~我自己都有噉講~ 知道係[踩]噉解~但讀[柴]音~ 睇落好似都係用呢個字~ [踩(caai2)臺]本身都有意思個噃~ 我所知~係指model彩排試走位~ 如果[caai4 臺]又噉寫咪渾淆?~

Anl

我都知有“柴臺”呢個詞，指搗亂，踩場咁上下意思。 “柴人哋”即係話落人哋面噉解。都有聽過。

Kathy

柴台->踩台 我好似聽過"踩台" 源於"踩台板", 而"踩台板"即係以前做大戲既演員上台綵排,踏過舞台既意思~ 唔知啱唔啱呢?

外外星人

原帖由 highyun 於 2005-12-6 22:48 發表 「柴人哋」，本字可能系「踩人哋」，意思系「诋毁、喝倒彩」等。我想知有冇人噉讲，或者有冇人听过呢种讲法？

caai4，唔淨係踩嘅意思，兼且有拆嘅意思。caai4臺，就好明顯唔係踩臺啦，話拆臺重似啲。