[求助][下昼]同[晏晝]有无区别?

joey

求助][下昼]同[晏晝]有无区别?系指几点至几点?

highyun

“晏晝”包括中午，而“下晝”只係指下午。 “食晏”係食中午飯。

Yucky豕

[昼]即係[晝]嘅简体 昼本身指日头或白天~ [晏昼]故明思意指白天的下半部分~应该大概指中午12到日落~ [下昼]就应该约从2点计起到日落~不过[下昼]好似捞话[下午]~应该无咩人讲啩?~

highyun

yucky豕在2005-12-05 18:30:03說道：[br][昼]即係[晝]嘅简体 昼本身指日头或白天~ [晏昼]故明思意指白天的下半部分~应该大概指中午12到日落~ [下昼]就应该约从2点计起到日落~不过[下昼]好似捞话[下午]~应该无咩人讲啩?~

喂，呢个唔关捞话事喎，我都成日讲“下午”架。

dada

我覺得「晏晝」有兩個意思﹕①中午﹔②下午（較早時候）。我自己嘅「晏晝」係中午（12點至1點左右）。

jumpsey

諗落細個嗰陣好似的確冇乜點講「下晝」，係讀咗書之後先至噉講嘅，之前都係講「晏晝」咖。睇嚟都係受普通話影響嘅結果喇。

NGF

我个人认为【下昼】同【晏昼】嘅区别在于时间跨度唔同， 【下昼】係2点后到5点 【晏昼】係中午12点到旁晚5点 而且好多人将“食午餐”称之为“食晏”

superjill

晏昼应该系指中午、下午 正午12点又叫做“晏昼心”，而家应该无咩人讲 下昼，旧底又讲“下晏”，净系指下午

Anl

係，超級蕉講起“下晏”呢個詞，我都有聽過，確實係專指下午。 即係晏到下午都係“晏”嘅時段，噉“晏晝”咪即係指12點到6點嗰段嘅“日晝”時間，“晏”同“下”應該同一意思。

阿松

jumpsey在2005-12-06 00:57:58說道：[br]諗落細個嗰陣好似的確冇乜點講「下晝」，係讀咗書之後先至噉講嘅，之前都係講「晏晝」咖。睇嚟都係受普通話影響嘅結果喇。

可能係, 我細個時兩種都有講。 好似「上午」叫朝早、或係朝頭早, 要叫上晝都可以, 但就有啲唔順咁..

顺德水蛇粥

ngf在2005-12-06 01:19:20說道：[br]我个人认为【下昼】同【晏昼】嘅区别在于时间跨度唔同， 【下昼】係2点后到5点 【晏昼】係中午12点到旁晚5点 而且好多人将“食午餐”称之为“食晏”

呢位兄弟嘅讲法比较正解。

芬1012

highyun在2005-12-05 18:33:58說道：[br][quote]yucky豕在2005-12-05 18:30:03說道：[br][昼]即係[晝]嘅简体 昼本身指日头或白天~ [晏昼]故明思意指白天的下半部分~应该大概指中午12到日落~ [下昼]就应该约从2点计起到日落~不过[下昼]好似捞话[下午]~应该无咩人讲啩?~

喂，呢个唔关捞话事喎，我都成日讲“下午”架。[/quote] 其实用个“午”係错嘅。“午”字指嘅係时辰，,即十一时至十三时。 “昼”字至係准确嘅。佢指嘅係日照时间，即日头。“上昼”即上半部份嘅日照时间，“下昼”即下半部份嘅日照时间。

superjill

其实用个“午”係错嘅。“午”字指嘅係时辰，,即十一时至十三时。 “昼”字至係准确嘅。佢指嘅係日照时间，即日头。“上昼”即上半部份嘅日照时间，“下昼”即下半部份嘅日照时间。

用个“午”无咩唔妥，因为词唔止一个午字 上午——上昼，午时之前（日文有个词“午前”表示上午） 下午——下昼，午时之后（日文又有词“午后”表示下午） 中午——即系正午，午