係「琴日」，唔係「沉日」、「尋日」

芬1012

「沉日」、「尋日」嘅解釋都好低B，點低B法？自己諗，費事嘥氣。

 

「琴、今、聽」都唔係動詞，係一種狀態（好難講，自己mei埋眼諗）。

 

譬如個「聽」，有「聽衰」「聽打」「聽死（唔係等死）」

 

個「琴」呢？估計同個「kam[高降]」有啲微妙嘅naalang，即係「好kam等、kam得等、條路好kam行」個kam。(呢個「kam」唔係形容詞「耐」嚟嗰啵）

 

係唔係好奧妙呢[高降]，梗係[hai2]，你以為粵語食齋咖。呢啲咁古舊、咁基本嘅詞，人類一識講嘢就有嘅詞，點到我哋解釋啊？

atsang0303

我個人亦都同意「尋日」同「琴日」兩個讀法均可。其實無論個人習慣是用「尋」或「琴」，聼者都會理解為同一意思。
由於「尋日」同「琴日」是口語，根本就沒有「正確寫法」這問題。不過在實時聊天時，一般都用「尋日」同「琴日」來代表這兩句口語。

至於有人說比較少見的「沉日」，這個也不可以說是錯，只是「尋日」同「琴日」好像比較通用因此符合約定俗成的原則。

另外，最近看到有人說「沈日」和「尋物」，這兩説法，我個人就不敢苟同。
「沈」音「審」或「嬸」。大概是輸入時把「沉」寫作「沈」，可能是別字。
「尋物」中的「物」很可能是來自」懶音」或者「鄉音」誤傳。

以上個人見解，請各位賜教。

ozr303

「寻日」（昨日）的「寻」可追溯至东晋陶渊明的《归去来辞》「 寻程氏妹丧於武昌」中的「寻」，解作「不久前」。

外外星人

「不久前」就唔止琴日囉，前日，大前日，上個月都得喎！

myforum

歌仔都有的唱啦【尋晚響東急碰正個日本娃娃】，唔係琴晚

sthh

 

「琴」上「琴」落、「琴」高「琴」低---有無啦掕呢？

 

僆仔

原帖由 sthh 於 2009-8-14 12:26 發表   「琴」上「琴」落、「琴」高「琴」低---有無啦掕呢？  

擒上擒落

睇到哩個『擒』字後，宜家你話呢？？

芬1012

好多啱啱學識講嘢嘅啲細路會將「噉、咁」講成「dam」，「噉樣」講成「dam 樣」，「咁大」講成「dam 大」。

 

啊邊個喺齣電影度就特登學啲細路講嘢：「噉噉噉」講成「dam dam dam」。

 

[g]講成[d]，啱啱學講嘢係噉咖啦。

 

噉，[k]講成[c]呢？咪又係一樣囉。

 

咁多位不妨留意吓，多數有懶音嘅人，都會將「琴日」講成「尋日」嘅。

 

至於「層日」囉喎，就重衰多二錢重添，直情就係個北方朋友啱啱學講粵語，講唔「倒」個[m]音，「菜心」講成「菜生」。

317069851

这幾個詞，甘于恩跟李如龍都有論述的

ozr303

肯定係「尋日」，「琴日」係「尋日」嘅音變

資料來源：《廣東方言與文化探論》——中山大學出版社

攸固

兩個都有用又何必爭咬誰是最正確.

clpro

聽日係天光日啊鈍胎
沙頭角果頭d人咁講架..... 係音變
tin gwong .... ting1

kentsin

會不會 是侵?

侵早, 侵晨 ... 侵日

使君子

佛山西郊，三水高明等地，读「陷」(ham6)