「嘅」箇本字應該係「箇」

嶺南散人

「幾何嘅」其實就係「幾何箇」，「嘅」應該就係「箇」箇轉音。

neolite

「嘅」本字唔係「忌」咩？「嗰」本字先係「箇」卦。

殺人王

有咩根據先?

唔三唔四蠢魚

根据？
我发现呢度好多人根本连珠三角都未行出过。
你只要到粤西或桂东嘅粤语区行一转，你就会发觉，大部分嘅粤语区都係用「个」而唔用「嘅」嘅！用「嘅」嘅基本上只有广府片粤语。
四邑片（开平）：红色个（红色的）
两阳片（阳江）：果个（这个）
高雷片（廉江）：食得个（可以吃的）
邕浔片（平南）：白个（白的）
此为内证。

再睇下周边省份嘅语言，如闽语、客语、赣语、吴语、湘语、徽语、平话，亦都係用「个」。
闽语（汕头）：买新个（买新的）
客语（梅州）：（亻厓）个笔（我的笔）
赣语（南昌）：佢个仔（他的儿子）
吴语（苏州）：搿是我个（这是我的）
湘语（娄底）：你个书（你的书）
徽语（歙县）：尔是我个书（这是我的书）
平话（南宁）：去欣个人好多（去玩的人很多）
此为外证。

最后，再睇下古书，亦都係用「个」嘅。
吕岩《真人行》：「道我醉来真个醉，不知愁是怎生愁。」
《琥珀匙》：「呸！瞎眼个识货，难道我有眼睛个倒是瞎子？」
《张协状元》：「肥个我不嫌，精个我最忺。」
此为古证。


汉语中嘅结构助词可以分成两大系统，
一係北方方言嘅「的」字系统，包括「仂」等变音（小胡同志嘅老家就用呢个「仂」）。
一係南方方言嘅「个」字系统，包括「嘅」等变音。
我唔认为广府片嘅粤语能够同南方方言，甚至与其他粤语进行割裂，而自创出一个结构助词系统。

殺人王

原帖由 唔三唔四蠢魚 於 2009-7-19 10:44 AM 發表 根据？我发现呢度好多人根本连珠三角都未行出过。你只要到粤西或桂东嘅粤语区行一转，你就会发觉，大部分嘅粤语区都係用「个」而唔用「嘅」嘅！用「嘅」嘅基本上只有广府片粤语。四邑片（开平）：红色个（红色的）两阳片（阳江）：果个（这个）高 ...

我要嘅根據就係要你列出以上例子.

唔係個個都係呢度發帖話乜就乜吖

唔三唔四蠢魚

如果我唔估错，岭南散人应该係四邑人（因为佢用「会宁开恩」做标志，唔係四邑人，大概唔会知个「宁」字係乜），
四邑亦係用「个」而唔用「嘅」嘅（从标题《「嘅」个本字……》就可以睇得出），
所以佢先至会断定「嘅」嘅本字係「个」，呢个，本身就係根据。

殺人王

原帖由 唔三唔四蠢魚 於 2009-7-19 11:30 AM 發表 如果我唔估错，岭南散人应该係四邑人（因为佢用「会宁开恩」做标志，唔係四邑人，大概唔会知个「宁」字係乜），四邑亦係用「个」而唔用「嘅」嘅（从标题《「嘅」个本字……》就可以睇得出），所以佢先至会断定「嘅」嘅本字係「个」，呢个 ...

咁所以咪要講出來畀大家聽囉

嶺南散人

原帖由 唔三唔四蠢魚 於 2009-7-19 11:30 發表 如果我唔估错，岭南散人应该係四邑人（因为佢用「会宁开恩」做标志，唔係四邑人，大概唔会知个「宁」字係乜），四邑亦係用「个」而唔用「嘅」嘅（从标题《「嘅」个本字……》就可以睇得出），所以佢先至会断定「嘅」嘅本字係「个」，呢个 ...

非也。四邑「嘅」「箇」兩箇都會使用，但係基本上同義，所以我先斷定「嘅」箇本字係「箇」。

EdwardWong

雖然上海梅州都用「个」字，但其實際讀音卻與廣州差不多。這個字溫州用gi，福州用ki，特別是保留了濁音的吳語都用g開頭（上海是geh），我疑是「其」字的變體。這是小弟的猜測：
http://hi.baidu.com/lernanto/blog/item/3063477bb0d87bff0bd187b6.html
個人意見，就正於方家。

使君子

藏语属格连词 「的」 就系读ge。

如「日本人」，藏语读 ཉི་ཧོང་གི་མི (nyi hong gi mi) ，nihong系「日本」音译，mi系「人」，gi相当于「嘅」「个」。

xxkai

「個」同「嘅」，普通話拼音都系 ge。系咪巧合？