|
尋晚群度有人話去踢波，我就靈機一閃，不如組織全粵協去踢一次波啦，搞下活動，聯繫下感情，講真吖，我覺得去踢波比去飲茶更加好，因為熱鬧，而且有健康，O(∩_∩)O~如果有港燦嚟更加好，可以打一場民間嘅省港盃！今次揀洪德大球場係以為環境好，空氣好，氣氛好，點解咁講呢？洪德路球場雖然近馬路，但係係一個掘督位，入咗去就恍如隔世，外邊啲車聲咩都聽唔到嘎啦；空氣好係因為球場外對開嘅一段路仔綠樹成蔭有樹就梗係空氣好啦；入邊有一排有瓦遮頭嘅觀眾席，女仔或者其他唔想玩嘅協友可以盡情咁睇我哋踢波（O(∩_∩)O哈哈~好似世界杯吖，重可以識下女仔，交流心得添 ）交通方便唔使講啦，由芳村嚟嘅話就係酒吧街嗰個碼頭坐船到永興街，一落船，行幾百米即到，如果係天河嘅就直接去崗頂、體育中心坐248到洪德路站落車，一行入洪德市場就到。洪德大球場可以講係易守難攻，三面環海，得一條路出入嘅，有咩大project都唔使驚走漏風聲（天地會都係咁樣發家嘅 ），價錢都幾平下，5文一個鐘，沙地（冇計，如果想去草地就租燕子崗，不過可能畀人「一網打盡」，「反清複明」就要小心啲 ），暫定時間係星球六嘅十點開波，大家睇下點，商量下邊個星期六出嚟啦，有興趣者就跟帖，留低聯繫方式，睇完貼之後唔玩嘅都多多去其他粵語陣地都宣傳下啦，吖你卡托多沙你媽死！
注：本次比賽所得門票之款項全部捐畀粵協做發展基金。
[ 本帖最後由 紮那魯剛多 於 2009-6-19 16:19 編輯 ] | 
發表於 2009-6-19 16:05:07