雷氣，点解？

佛山霍先生

如题请教

Lucciora

義氣噉解

佛山霍先生

此解何来？

外外星人

黑社會用語「之、雷、汪、扇、乍、龍、吉、絲、色」依次代表「一、二、三、四、五、六、七、八、九」等九個數目字，其中「雷」代表「二」，義氣嘅「義」字與「二」同音，故此，「義氣」又叫「雷氣」。

 

舊底好多行業都有用各種代詞代表數目字，傾生意時，唔想畀外行人知價，以掩飾佢哋所賺嘅利錢。黑社會都有自己嘅一套用語，呢啲代詞有個俗名，叫做「焙語」。

「焙語」又寫作「背語」，或「隱語」，「焙」字喺廣州話有「閉塞」之意，常用者有「住得焙」，意指消息唔靈通，用呢個字形容嗰啲非同道中人所講嘅詞語，就係「焙語」。
 
數目字嘅代詞引伸為非數目字嘅代詞都幾多下，將「雷」字代「義」字，只係其中一例。

佛山霍先生

80年代港产片常出现，近日发现60年代粤语残片已有使用。