“走”与“跑”

芬1012

走----(会意。金文字形象摆动两臂跑步的人形,下部象人脚。合起来表示人在跑。本义:跑) 跑----(形声。从足,包声。本义:兽用足刨地) 大家有何感想？

豬豬奶茶

個走字睇你解釋結合想象,好似好合理 要叫啲高人搞啲甲骨文出嚟解釋下

芬1012

其实呢两个字係好有意思咖。 本来粤语人从嚟就好少讲个“跑”字，因为“跑”字本嚟就同人无关，反而同野兽就有好大关系。 粤语人将个“跑”字用喺人类度嘅无非就係“跑步”，但係“跑步”呢个词并非粤语人嘅，而係满大人自创嘅。 从呢方面睇，粤语比满大人更有文化，更严谨。 大家以后如果睇到以下呢句话，唔好话人哋写错啊： “有只狗喺啲泥度 跑 咗个坑。”

dada

甲骨文冇「走」字。金文「走」有幾個字形﹕ 林義光《文源》﹕「象人走搖兩手形。从止﹐止象其足。」從止或從彳都係同埋意思。小篆好似金文。 《說文》﹕「走﹐趨也。」《段注》﹕「《釋名》曰﹕『徐行曰步﹐疾行曰趨﹐疾趨曰走。』此析言之﹐渾言不別也。」《戰國策．楚策》﹕「獸見之皆走。」。」《孟子．梁惠王上》﹕「棄甲曳兵而走。」 所以﹐古代所謂「行」﹐而家係「走」﹔古代所謂「走」﹐而家係「跑」。粵語重保留古義。 「跑」嘅古義﹐我諗而家寫「刨」。

H3

係啊. 就好似以前扁鹊见蔡桓公里面所写, "居十日，扁鹊望桓侯而还走。", 呢个走字咪指"跑"咁解啰. 而家我哋成日话人, "未学行先学走", 又或者"鸡咁脚咁走". 都係一样

Yucky豕

而家都好少人講[走]啦~個[走]字好似用於書面語多啲~ 從來都係聽人講[行快啲]同[跑快啲]~但就冇聽講過[走快啲]~除非撈~

Anl

行就行快啲，走就走遠啲。 走嚟走去。 走唔切。 嗱嗱聲走啦。 同我企喺度，咪走。 佢唔畀我走。 走咗去邊？ 以上都係廣州人經常用嘅帶有“走”字嘅句子。

NGF

anl讲咗我想讲嘅野。。。。

芬1012

芬1012在2005-10-08 02:50:01說道：[br]走----(会意。金文字形象摆动两臂跑步的人形,下部象人脚。合起来表示人在跑。本义:跑) 跑----(形声。从足,包声。本义:兽用足刨地) 大家有何感想？

简单啲： 行 —— walk 走 —— run 跑 —— 野兽用爪挖坑或窿

alf

走得快 好世界 走得"麼" 無鼻"哥" 再問"麼"字 正寫是什麼

dada

《廣州話方言詞典》用「嚤」（口摩）。unicode都接受呢個字 : http://www.unicode.org/cgi-bin/getunihandata.pl?codepoint=56a4

Anl

《廣州話詞典》都係用“嚤”，咁啱得咁巧？定係眞係呢個字？

superjill

因为两本书都系嗰三个人编嘅 《广州方言词典》用“摩”，有两个解释：1抚摩、摩弄、摩挲；2迟缓 对于第一个解释，我以为佢系用个“摸”字，点知“摸”读第二声，解为接触 到底应该系点？