bok1字，好明顯應該係「攴」啦

Jake_ct

我以前曾經寫過一篇嘢，提出好多粵語正字方面嘅異議，不過粵協冇人睬我。今次唔知有冇人理嘞。

 

粵協大大隻字咁寫住「卜卜齋」，「白白（baak6 baak6）齋」？咩嚟嘅呢？ 點解唔係「攴」呢？ 有人笑我用金山詞霸呢啲落后嘢，唔怕畀大家笑多次，我喺金山詞霸查倒嘅嘢：

 

攴：（1）轻轻地击打。（2）古同「扑」，戒尺。「戒尺」，bok1 bok1齋，「攴」同「蘿卜（蔔）」個「卜」，有腦嘅都知道應該用邊個字。「扌暴」係造字。我唔反對粵語造字，但前提應該係源漢字讀音、意思上唔夠好用先造。

 

 重有，點解「seot1 衫」個seot1居然唔係「裇」，而係「體恤」個「恤」？我真係ngaau1嗮頭。粵協方面可唔可以解釋下？重有好多有異議嘅字，我唔講住。睇下粵協有冇人睬我先。

 

 

 

[ 本帖最後由 Jake_ct 於 2009-1-25 12:38 編輯 ]

包詏颈

        在回帖时首先说明，一、在下不是楼主所说的「粵協方面」的人；二、本帖只是对楼主「‘扌暴’係造字」的观点作出回应，而非赞同或反对主帖的其他观点。

 

——并非是现代人造的字，更非粤语造字。以下是摘自《康熙字典》462页。

Jake_ct

睇唔倒你貼嘅圖。

Jake_ct

包詏颈：

 

睇倒嘞。多謝你嘅資料。原來「扌暴」同「攴」或「扌攴」係同一個字。我話「扌暴」係造字呢句收返，如有得罪，敬請包涵。

 

但其他問題仍未解決。

 

點解用「卜」呢？真係奇怪。重有「裇」字。

 

係咪我嘅語氣似挑戰呢？我都係就事論事嗻。冇粵協版主回復嘅？

xiss

既然宜家嘅電腦「扌暴」輸入唔到，就應該用輸入得到嘅本字「攴」。

highyun

「扌暴」、「攴暴」喺論壇首頁顯示有問題，而「攴」生僻到冇人睇得明，所以唯有用個「卜」，因為以前有種食品叫「卜卜星」。

至於個「恤」，係錯嘅，而家做緊嘅新版打字法大全已經改咗。

 

歡迎你哋喺度繼續提出有建設性嘅意見：http://bbs.cantonese.asia/viewthread.php?tid=4134

Jake_ct

多謝網友回復，特別多謝管理員重視。

 

將自己嘅見解寫出嚟，目的係想多啲人注意，多啲人思考。并非有意挑剔粵協網站嘅正字工作。

 

「「攴」生僻到冇人睇得明，所以唯有用個「卜」，因為以前有種食品叫「卜卜星」。」

 

---我覺得呢個道理係非常荒謬嘅。粵語正字關一間冇粵語文化知識嘅食品廠商咩事呢？關流行但錯誤嘅見解咩事呢？好多人都流行用錯誤嘅字，咁係咪唔使執正呢？攴呢個字唔難寫，古代解釋為「戒尺」，因此亦不難讓人接受就係bok1 bok1齋嘅本字。你講生僻，幾時夠「僆」字生僻！「僆」字都畀粵協發掘倒出嚟并為好多人接受啦。

 

正如xiss網友講，「既然宜家嘅電腦「扌暴」輸入唔到，就應該用輸入得到嘅本字「攴」」。

[ 本帖最後由 Jake_ct 於 2009-1-27 14:15 編輯 ]

Barbecue5354

原帖由 highyun 於 2009-1-26 20:22 發表 而「攴」生僻到冇人睇得明，所以唯有用個「卜」

查實,如果換個角度去思考,如果用返正字"攴"係變相教緊人呢個"生僻字".



粵協教曉人咁多"生僻"嘅正字,點解唔教埋呢個呢?

Lucciora

原帖由 Jake_ct 於 2009-1-27 14:09 發表 多謝網友回復，特別多謝管理員重視。   將自己嘅見解寫出嚟，目的係想多啲人注意，多啲人思考。并非有意挑剔粵協網站嘅正字工作。     ---我覺得呢個道理係非常荒謬嘅。粵語正字關一間冇粵語文化知識嘅 ...

可以有能力挑剔粵協錯字就最好啦

小狼

如果「扌暴」字輸入唔到，「攴」字又怕人唔識，
用另一個異體「扑」又得唔得呢？

central

新嚟嘅,請多多關照!

邊個話「扌暴」打唔出,請睇附件!

雲艾法比

點解我打到「㩧」呢個字？=.=
p.s.我用政府嗰個增補字庫集。

ckm3000

用倉頡可以打出來，不過 要裝香港的字符增補集

雲艾法比

原帖由 ckm3000 於 2009-3-9 10:38 發表 用倉頡可以打出來，不過 要裝香港的字符增補集

我原本以為研究粵語嘅人應該都有安裝增補字庫集。
話時話，粵協邊度用咗「恤衫」？
[ 本帖最後由 雲艾法比 於 2009-3-9 11:10 編輯 ]

亂棍歐死越南仔

攴就攴喇。。钟意点卜就点攴