再谈mui2字——赠「余OK」

zzuz

以前本论坛有过「mui2」的探讨（highyun 发表于 2006-12-6 的

无齿只能「燘mui2」），今天再来做点补充。

 

本论坛的「余OK」说「好似冇乜点听过添。」，后来他「返归问过老窦，果眞有噉讲。好一个mui2字！」。欣赏「余OK」这样的求学精神，我估计「余OK」年纪应该在三十岁以下（因为他「好似冇乜点听过」mui2字），难得有这种学习精神，很好！

 

今天补充的，是广州以前有钱人家教育家里小孩「餐桌礼仪」用到的mui2字。这个字我用紫光打不出，不过也没关系，大家知道就行。

 

小孩子吃饭，见到好吃的就拼命往嘴里塞，「慌死泄底」（老怕吃亏）。于是就「mui2腮唔转」（腮帮子撑得满满的，食物转不过来）。于是老人家就说，慢慢吃，「食有食相，唔好mui2腮唔转」。

highyun

係蝕底，唔係泄底。

 

「mui2」腮唔轉，問長輩都冇人聽過，我都想知有冇其他人知道呢個詞。

余OK

　　多謝樓主嘅經驗之談。樓主果真係有過豐富生活體驗嘅長者，且能夠於欠缺情感嘅網路文字處觀察入微，此等功力現時後生已難獲。

　　在下自細即對民間傳統雜項風土人物興趣甚濃，此興趣絕非源自學堂或長輩口授相傳。究其因由，前代文化歷經浩劫蹂躪，學堂先生學養無多，長輩講說話驚孭鑊亦有所保留，而細時（八九十年代）在下雜書閒書睇得比同齡人多，略曉些少唔等使嘅「江湖異說」，平添課外一絲樂趣，由是或許與舊人多咗神交。

　　近年益發對各種文化現象「有鋪癮」，素喜與老人家交談。有過大半生人世浮沉嘅每位長者，其口述過去即為生動嘅第一手歷史，娓娓道來勝於任何刻板書面記載，從而了解我輩無法親歷嘅人和物，悟出更多洞悉世情嘅道理，開拓笑傲人生嘅坦蕩胸襟，裨益無盡也！

　　尚祈樓主繼續不吝賜教、唔慳口水！

羊城客

mui2读音似「妹」，粤语有佄讲法：「阿婆无牙，食野只好妹下妹下。」果个样，的确系食物满腮嘅样。

肥腯腯

慢慢食，慢慢燘。

小狼

我父母都講過啲飯喺個口度慢慢「妹」同慢慢「leon2」

外外星人

mui2係咪讀妹妹嘅第二個妹字呢個音呢？

若果係嘅話，mui2就好多時都有人講，冇牙就要mui2飯。我嫲嫲好早就「未出齊牙」， 但唔多鍾意mui2，鍾意掂喉吞多啲。

家陣啲人自細受北話影響（書讀得越多越係噉），好多粵語動詞、名詞都唔識得用，你問佢，佢話未聽過，激死。

故此，我鍾意聽啲唔識字嘅人講嘢，你話佢冇「文化」都得嘅，之但係，佢哋會記實啲母語，唔受書面語（點睇都唔似粵語）影響。 母語都冇埋，睇你重有幾多「文化」？！