直到最近，我对粤语及「煲冬瓜」嘅了解多咗，先知道「麻烦」其实係满语音译过嚟嘅，所以从汉字意思嘅角度考虑，佢至多只有半
个意思啱咗，就係个「烦」字，因为「麻烦」嘅事必然会引起人嘅心烦与烦燥。
讲咗咁耐，係时候应该讲讲广东话当中可以与「麻烦」互换嘅词语喇。其实广东话究竟係咪存在咁样嘅词语呢？答案係无，否则广东
人都唔会係喱个词入咗广东人视线后，咁钟意用佢喇。其实就算英文中「trouble」可以几乎都译成「麻烦」嘅，但「trouble」都係唔可
以同「麻烦」划上等号。首先必须了解「麻烦」嘅意思。诚如普君兄所言，佢可作动词、形容词（下面意思源自www.zdic.net）：
动词：即打扰,导致不便。常指做某事所引起的；如麻烦你把门关上
形容词：烦杂琐碎;费事；如服务周到,不怕麻烦
当然，普君兄分得更详细，係形容词上，佢重细分到形容人同形容事物上。下文将按普君嘅分法详细分析粤式词汇与「麻烦」嘅对应情况
。
首先係动词。作喱个解嘅可以有滚搅、唔该。例如
今日滚搅咗你成日，真係唔该晒。（今天麻烦了你一整天，真的很谢谢你。）
唔该你过嚟帮帮眼。（麻烦你过来帮忙看一看。）
大家好易得出，同係「唔该」，係上面两个句中，分别译作唔同意思，所以话，粤式词汇要译成「麻烦」，必须按语境嚟译，唔可以当公
式套。
形容人嘅时候，可以有词语姿整、柯個，但喱个词间又互有区别，前者一般形容女子係出门口之前係化妆、衣着上用好多时间，后者
指人做嘢唔干脆利落。例如
你啊妈真係够晒姿整啊，一个钟头之前经书话畀佢知要出门口喇，居然化咗大半个钟妆，而家先衬紧衫。
（你妈真是麻烦，一小时前就告诉她要外出了，她竟然花了大半个小时化妆，现在才想怎么搭配衣服。）
人哋话你认真，我话你就係柯個，又无人check你。（别人说你认真，可我就觉得你是自找麻烦，那么认真干吗。）
形容事嘅时候，可以对应嘅词语就好多咯，有啰嗦、责使、甩质、多功夫、lai2 gai6、棘手、濿淅、恶搞，下面先嚟解释一下我知道
嘅词语，我唔熟嘅，大家就自己「估估吓」喇，我都无计咯。
啰嗦：由老人家长气，钟意经常重复一句话而引申为手续琐碎、复杂，之后再係喱个基础上引申为事情复杂。例如
要上报药好啰嗦噶，所以只药重未上报上去。（上报药品的手续很麻烦，所以这种药还没有上报。喱句话係我有一次睇病个阵听
一个粤籍老医生讲嘅）
责使：喱个词就係上面嘅「择使」，只係我觉得係发音上讲，「责」比「择」更适合。该词只係我好细个阵听过，现在除咗电视剧，我从
未係现实中听人讲过，所以我只知道佢就係麻烦嘅意思，无法畀出详细解释。例句
同女朋友同居好责使噶，喱样唔做得，噜样又唔做得。（跟女友同居很麻烦，这做不得，那做不得。喱句话係我先个排係电视上
听番嚟嘅。）
甩质：喱个词我只知道由细就听父母讲，知道係事情麻烦嘅意思，但我都无法畀出具体解释，更加唔知本字点写。例句
咁样做都几甩质咁哦，你要整壁柜，而且壁柜本身又要当半幅墙，上面唔到顶嘅地方重要补砌墙，好似唔稳阵。
（你这样做挺麻烦的，你要做一个壁柜，它本身要当墙用，上面不到顶的地方还要补砌墙砖，真不靠谱。）
多功夫：喱个词重可以倒序「功夫多」，佢字面意够晒清楚，所以我直接讲例句
喱道菜虽然功夫多，但食过你就会返寻味噶。（这道菜虽然工序很多，但实在是好吃。）
lai2 gai6：意为唔顺，例如我地细时学抓筷子如果觉得唔好，大人就会话我地抓得好「lai2 gai6」，唔易出力，当然我知道而家好多成
年人抓筷子都係手势唔啱，係好「lai2 gai6」噶。喱个词可由前意转为事情麻烦，例如
人人都做得啲事咁好，係你做得咁lai2 gai6，你真係到蠢。（别人都把事情做得那么好，偏偏你最麻烦，真笨。）
棘手：喱个词「煲冬瓜」当中都有，就係比喻事情难办。例如
喱件事好棘手，唔知点搞落去。（这事挺麻烦的，真不知道如何解决。）
濿淅：读若「湿滞」，如果喱个词仅睇正字，我睇无几多个人知道佢係咩词，网上早有解释，就係来自古书中形容着湿衫水中行嘅声。例
句
喱运真係濿淅喇，啲货冚baang6唥落晒水。（这下可麻烦了，货都丢进水里了。）
恶搞：相当于「煲冬瓜」中的难做、难搞，因为广东话中嘅「恶」字，有「难以完成」、「难以达到」嘅意思，唔无同网上流行语「恶搞
」混为一谈。例如
喱到啲嘢好恶搞，不如嗌技术人员过嚟睇吓。（这些东西弄起来很麻烦的，不如让技术人员过来帮忙吧。）
了解上面词语粤式词汇后，就会发现有啲词係有啲情况下可以互换，承如楼上各位所讲，粤语係更清晰，但佢係要用复杂繁多嘅词汇嚟换得嘅，因为对于普罗大众嚟讲，人嘅思维一般都係懒惰嘅，所以无怪乎「麻烦」一出现，即轻易占领广东话嘅以上众多词汇喇。所以你话，广东话见到「麻烦」，係咪好麻烦呢！
發表於 2009-1-2 01:38:49
發表於 2009-1-3 18:04:31
