睇報紙，學正字！

xiss

好多人或者都會以爲，睇大陸嘅報紙，來來去去都係喺道接受煲冬瓜文化熏陶，係絕對唔使指望能夠從中學到一尐粵語知識嘅，更唔使旨意話可以睇到一尐粵語「正字」呢類「高級」内容嘞。不過，真係世事無絕對，今日我睇《南方都市報》A23版時候，發現咗一個噉樣嘅題目：
「靚到丼一聲的代價」
呢篇報道具體係么嘢内容我呢道就唔展開嘞。
我初初見到呢個題目，重以爲係「靚到井一聲的代價」，搞到我一頭霧水，後來睇真尐，發覺原來中間多咗一點嘅，跟住就估下：「係即係靚到dum一聲嘅意思呢？而dum嘅正字就係「丼」呢？」。眼光稍微移過少少，即刻見到一個「圖解粵語」嘅小欄目，細心一睇，之前嘅猜想全中！！
再上去審音配字網一查，再中！
丼
粵：dam2  普：jǐng
解釋：(1)投物井中的聲音 (2)姓氏

最後都係要讚下負責呢版内容嘅編輯記者。希望能夠多尐噉樣嘅記者，多尐呢種報紙多尐呢類報道。

彼岸花

原帖由 xiss 於 2008-12-5 21:24 發表 好多人或者都會以爲，睇大陸嘅報紙，來來去去都係喺道接受煲冬瓜文化熏陶，係絕對唔使指望能夠從中學到一尐粵語知識嘅，更唔使旨意話可以睇到一尐粵語「正字」呢類「高級」内容嘞。不過，真係世事無絕對，今日我睇《南方都市報》 ...

哦~原嚟係咁寫嘅~不過你有冇查證過呀~

xiss

原帖由 彼岸花 於 2008-12-5 21:33 發表 哦~原嚟係咁寫嘅~不過你有冇查證過呀~

首先呢尐資料來自大陸嘅省級報社旗下嘅報紙《南方都市報》，其次，我上過審音配字網查過，確有此說，因此應該可信咖嘞！！

彼岸花

原帖由 xiss 於 2008-12-5 21:37 發表 首先呢尐資料來自大陸嘅省級報社旗下嘅報紙《南方都市報》，其次，我上過審音配字網查過，確有此說，因此應該可信咖嘞！！

哦~

馬萬千

爾個字好耐以前劉天賜就講過喇。

 

但係日文度。爾個字係常用字。読「どん」(don)。係一種好大既碗、餐牌成日出現、如「親子丼」。渠地個意思就係個「井」度擺「丶」就好似個碗度放Ｄ食物去甘。

思覺失調

理解為--向個井掟嚿石仔落去丼一聲?

xiss

原帖由 思覺失調 於 2008-12-5 23:24 發表 理解為--向個井掟嚿石仔落去丼一聲?

正解！！

外外星人

原帖由 xiss 於 2008-12-5 21:37 發表 首先呢尐資料來自大陸嘅省級報社旗下嘅報紙《南方都市報》，其次，我上過審音配字網查過，確有此說，因此應該可信咖嘞！！

 

攸固

此字正解可能系井水.
都唔知dam系邊來.
例如青字,從生從丼,意系植物之綠,井水之綠,佢地同處以表義.(青唔系從丹)
疑dam聲被人以字形引申.

在某程度,一個部首无一個鎖死定義,一定要知其理.
例如君,群.理在于,君只指一人,群是一眾人.
以我疑猜系,君不可无眾.君用在部首中,而且若只用意作君一人,工用會不廣.
因而多與群有連系.(當然我解唔到為可用羊配君啦)
[ 本帖最後由 攸固 於 2008-12-7 14:59 編輯 ]

朱利安

原帖由 攸固 於 2008-12-7 14:49 發表 此字正解可能系井水.都唔知dam系邊來.例如青字,從生從丼,意系植物之綠,井水之綠,佢地同處以表義.(青唔系從丹)疑dam聲被人以字形引申.在某程度,一個部首无一個鎖死定義,一定要知其理. 例如君,群.理在于,君只指一人,群 ...

 

你条傻佬查过字典未嘎

 

你作得就作，正一「仵作」

 

「丼」字【集韻】都感切，音黕。投物井中聲。

唔三唔四蠢魚

原帖由 馬萬千 於 2008-12-5 23:15 發表 爾個字好耐以前劉天賜就講過喇。   但係日文度。爾個字係常用字。読「どん」(don)。係一種好大既碗、餐牌成日出現、如「親子丼」。渠地個意思就係個「井」度擺「丶」就好似個碗度放Ｄ食物去甘。 ...

虽然你成日用日本嘅当用汉字，但睇来你对日语一知半解。
「丼」，源自「どんぶり鉢」，江户时代，日本出现一种只用一只碗就装齐饭同菜嘅店，当时嘅人就叫呢种店做「慳貪屋」（けんどんや），则「悭啬、小气嘅铺头」咁解，佢地用嘅碗就叫做「慳貪振り鉢（けんどんぶりばち）」，简称做「どんぶり鉢」，再简称就成咗「どん」，用「丼」（どん）只係因为佢地同音啫，所以，「丼」係「親子丼」度係作为只表音不表义嘅「真假名」存在，而唔係作为「汉字」存在，用汉字去解释佢就认真莫名其妙，就好似「寿司」（鮓，「寿司」係真假名）咁，你唔会将佢解释做「生日时食嘅饭团」啩！

馬萬千

原帖由 唔三唔四蠢魚 於 2008-12-9 17:45 發表 虽然你成日用日本嘅当用汉字，但睇来你对日语一知半解。「丼」，源自「どんぶり鉢」，江户时代，日本出现一种只用一只碗就装齐饭同菜嘅店，当时嘅人就叫呢种店做「慳貪屋」（けんどんや），则「悭啬、小气嘅铺头」咁解，佢地用嘅碗就叫 ...

 

某日本人親口同我甘講既。可能尓個講法係源本個意思。但係一般日本人脳裡辺都以為係我講甘解。

小狼

原帖由 馬萬千 於 2008-12-9 18:07 發表   某日本人親口同我甘講既。可能尓個講法係源本個意思。但係一般日本人脳裡辺都以為係我講甘解。

而且，從「丼」的日文有「don」音，已可作為「丼」古時已有「都感切」(dam2)這讀音的一個旁證。

小狼

再說，
古有落雁沉魚，言女子美也。
而「靚到丼一聲」亦以物落水中喻女子貌美。