[原創]陈果与冯文乐

highyun

经过番禺演唱会，我认识咗陈果，佢系以唱阿sam啲歌出名嘅，嗰晚听过佢唱歌，绝对系专业水准，好过香港而家任何一个当红女歌手。 又谂返起之前《残酷一叮》入面扮左麟右李嗰位叮王冯文乐，佢唔单止模仿能力一流，而且唱功都一流，一首歌落嚟，绝对唔会比佢所要模仿嘅谭校长、克勤，又或者哥哥唱得差。佢嘅水准亦唔会差过香港而家任何一个当红男歌手。 呢两个都系大陆人，佢哋都系靠唱粤语歌出名嘅。其实大陆，或者斋系广东，就有好多好多人才，但之前点解一直都出唔到一啲比港星出名嘅明星呢？我真系好希望广东可以出多啲好似呢两位歌手噉嘅人才。

samkong

大陆唔止有非常广阔嘅音乐市场，讲到流行音乐，甚至系粤语流行曲嘅创作、演奏、演唱方面嘅人才，绝对唔逊色于香港，关键系社会媒体及唱片发行商有无真正把握好正确导向，引领大众回到健康嘅轨道上嚟，而唔可以仅仅系追求市场，过于商业化，舍本逐末。

顺德水蛇粥

大陆响粤语歌创作方面太差啦，演绎就几好。

王明

最近才知道有陈果呢位歌手。

蟲子

聽歌都係聽返港台歌喇，大陸歌我唔咪幾鍾意！

如果有一天

冯文乐系寻晚既全球叮王争霸战攞左亚军。

打雀英雄

乐哥犀利，记得佢第一次响《残酷一叮》出现时，就係扮两把声唱左邻右李版《一生中最爱》，当时令我佩服得五体投地。连eason同克勤都走埋上去同佢合唱。

samkong

相当之佩服冯文乐！！睇佢模仿边个就似足边个，尤其系模仿许志安、学友、克勤，简直系惟妙惟肖！！