佮份﹖合份﹖-highyun移-

dada

我無意中見粵語字小字典有個「佮」字﹐讀gap3﹐解釋﹕「佮份(合份)」。 我第一次見到呢個「佮」字﹐就去查字典﹐原來真係等於「合」。《說文》﹕「佮﹐合也」。 不過﹕①「合」都可以讀gap3﹔②「佮」字比較少見（大五碼冇呢個字）﹔③「佮」唔似係本字﹐就算係本字都冇所謂喇﹐因為「合」已經通用。 所以﹐除非否認「合」個gap3音﹐我覺得好似唔使用呢個「佮」字。

desmond

dada, 想問吓你寫嘅 /gap3/ 係讀 /gap3/ 定係 /gaap3/ 呢？ 怕混淆咗你指嘅讀音。

dada

我根據粵語字小字典同埋粵語審音配詞字庫﹐兩度都話係gap3。 我話大五碼冇呢個字﹐其實係《國語辭典》冇。

余OK

anl好似好推崇呢個「佮」字喎，噉「佮」同「夾」又點樣區分呢？？？

desmond

噉「合」/gap3/ 嘅讀音就唔係好啱「佮份／夾份」/gaap3/ 呢個音啦。

dada

根據粵語審音配詞字庫﹐「佮」都冇gaap3音噃。

Anl

佮份，啱音又啱義。其實“夾”字可能係誤讀。

dada

佮﹐人+合﹐意義真係好啱。但係「合份」都係啱音又啱義。「合」已經由「器蓋相合」引申為會合﹕「合群、合宅、合夥」都唔需要人字邊。

Anl

我話“佮份”個“佮”係讀gap8，讀gaap8係誤讀囉。 如果依照《粵語審音配詞字庫》，“合”讀gap8嘅時候，係容量單位，即係名詞，唔屬動詞。讀hap9先係動詞，不過唔啱音。 所以我採用“佮份”，形音義結合都啱粵語使用。

dada

原來gap3/gap8真係容量單位。不過《廣州話方言詞典》用「合」（合檔……）。

余OK

噉“夾雜”又可唔可以係“佮雜”呢？？？

highyun

dada在2005-08-18 04:42:54說道：[br]佮﹐人+合﹐意義真係好啱。但係「合份」都係啱音又啱義。「合」已經由「器蓋相合」引申為會合﹕「合群、合宅、合夥」都唔需要人字邊。

噉讲法，“夹”同样系音义都啱

Anl

highyun, 都講咗咯，係讀gap8份唔係讀gaap8份。 夾 喺《粵語審音配詞字庫》度唔祇一個音，但事實上好似冇乜人將“夾”讀gap8。 另外有“gip9”，例如“逼夾”可以發呢個音，又可以讀 gep9親隻手。 同樣應該屬 i - e 互轉嘅呢種關係。

highyun

点解话gap3啱，而gaap3唔啱呢？我觉得两个音都系啱嘅，我听到好多人都系讲gaap3