【原创】边个最亲

gzshuzha

【原创】边个最亲
 
    桥王黎文卓响电台节目中讲过一件事情，令人印象深刻。佢话：成日有人话唔知乜嘢系幸福，我就亲眼见过。我返工好多时要穿过一条后巷，经过一间茶餐厅嘅「后栏」，有个洗碗嘅阿婶每日要对住永远洗唔完嘅碗碟，就算天寒地冻，只手爆晒拆都系咁做，但系从嚟未见过佢有一啲忧愁嘅表情，反而时时有一丝幸福嘅微笑响脸上。令人好生奇怪。有次忍唔住停低问佢点解：「你咁大年纪仲做啲粗重嘅嘢，睇见都辛苦，点解你仲成日笑呢？」阿婶话：「我个仔仲有两年就毕业嘞！」原嚟佢咁辛苦系供个仔去英国读书，仲有两年就毕业。佢一谂起就从心入面笑出嚟。我相信呢啲就系幸福嘞。呢个故事可能冇乜特别，好多母亲都系咁，但系呢个绝对系一个伟大嘅母亲。
    以前有人话：「唱支山歌给党听，我把党来比母亲。」我唔会反对，好闲嗟。依家有人话要冲杯奶粉畀党饮，我都冇意见。
    以前有人话：「爹亲娘亲不如毛主席亲。」我好细胆，就算心入面话佢戇居，都唔敢出声。依家就算你揸条藤条，打句问句，我都系咁话：「我净系识唱《世上只有妈妈好》，边个都唔够我阿妈亲！」
 

普君南拆遷居民

所以，我只會講自己最親嘅人教我講嘅語言。

外外星人

原帖由 普君南拆遷居民 於 2008-10-23 17:34 發表 所以，我只會講自己最親嘅人教我講嘅語言。

 

母乳、母语最亲。

黄百万

天大地大不如党的恩情大,爹亲娘亲不如毛主席亲。

使君子

原帖由 黄百万 於 2008-10-23 22:47 發表 天大地大不如党的恩情大,爹亲娘亲不如毛主席亲。

典型的唠人思维，湖南头黑杰克之最爱~~