【原创】《荒诞都市》系列--巴士小景（粤语版）

gzshuzha

【原创】《荒诞都市》系列--巴士小景（粤语版）
（作者：阿展）

（本系列故事纯属虚构，如有雷同，实属不幸。）

   人民路，一部2号巴士向住儿童医院方向行紧，唔算好逼。
   「哗！咁都得？」后门附近一个靓女叫咗一声。一车人望晒过去，原来有个妈咪响后门梯口勒个BB屙尿，地下湿咗一哒。差啲射中靓女对脚。
   「啲人真系离晒普嘅，冇啲公德心。」有人闹佢。
   「咁唔讲卫生嘎，你估你度系你乡下咩？」车上一人一句指责个妈咪。
   妈咪好似听唔明，不过应该都知乜嘢事。佢用乡下话叽里咕噜闹番几句，又冇人明佢讲乜，不过估都估到系为自己辩驳，巴士又冇厕所，细路仔屙尿好闲嗟，我都唔想之类。
   「好心你哋唔好咁话佢啦，唔系个个BB都有尿屙嘎！」大家一齐望过去，原来系一个阿婆手抱BB，坐响个位度，加把嘴埋嚟。
   「我个孙女今朝饮咗啲奶，到依家都冇尿屙，搞到依家要去儿童医院照肺啊。」阿婆话。
   「唔系照肺，系照B超呀，阿婆。」有人提醒阿婆。
   「唉，照乜Q都好啦，至紧要唔好有事。」阿婆好担心。
   「唔系啵，你个孙女赖咗尿啵。」一个乘客发现问题，阿婆个胸湿咗一大哒。挂住讲嘢，BB几时赖咗尿都唔多觉，阿婆模下BB个老友，又模下自己个胸。
   「哎呀，好囖，好囖，卒之有尿屙囖，一天光晒，司机，有落，有落呀！」阿婆一阵狂喜。
   「都要埋站先停得畀你嘎，阿婆。」司机话。
   「唔该你吖，司机，我赶住嘎，你停畀我啦。」阿婆好急。
   「都唔使睇医生啦，仲赶乜嘢嗟。」司机唔明。
   「唔使睇医生嗟，我要赶住还神嘎嘛！」阿婆话。
[ 本帖最後由 gzshuzha 於 2008-10-18 01:08 編輯 ]

普君南拆遷居民

好搞嘢。

 

攋尿、摸