|
《清遠雞，夠曬和味！》
清遠麻雞又叫做文武雞，蒸、燜、燉、焗、炒、烤，香足九條街，聞落食指鬱鬱。而家廣州人好難食到正宗原味清遠雞噶啦。
正宗上市清遠雞大約1000萬隻咁上下，某統計話就有4000萬隻上市雞。即系話，有2/3所謂「清遠雞」系流雞。
呢排，記者響首屆「清遠麻雞產業化發展研討會」度瞭解到，「鳳中凰」牌清遠雞，系清遠市ZF目前唯一認可既正宗清遠雞，2005年10月份響廣州上市。到時廣州人就吾使擔心食吾到正宗清遠雞啦。
清遠雞有成千幾年既歷史。清遠市副市長話：「為佐保護清遠麻雞的品牌和養殖戶的利益，從1996年開始，清遠市症苦就著手用了5年的時間在2001年成功註冊了『清遠雞』原產地注冊商標，這有效地保護了清遠麻雞這個品牌。」清遠市「鳳中凰」清遠麻雞發展有限公司就系經農業部批准既國家級原種場。
專家同記者講，通過科學合理利用品種資源，通過家系選育，培育核心群，建立原種場，做好提純工作，建立清遠麻雞良種繁殖體系。保留到清遠麻雞既品種特點，肉質嫩滑、皮脆、骨酥、啱愛來整「白切雞」，又可以將呢種優良品種推廣，等消費者都能食到正宗安全放心既清遠麻雞綠色食品。
專家仲話，除咗響科學技術上採取必要既措施同手段外，更緊要既，系依託清遠市既原種保種場，建立清遠麻雞良種繁育體系。
另外，專家組建議，清遠麻雞明確定位向高檔優質既消費市場來開發，走高端路線，以樹立清遠雞為「中華第一雞」既品牌地位為目標。
研討會度，專家向記者介紹，咩謂之正宗清遠雞。
清遠麻雞，俗稱清遠雞，雞乸背羽面點綴著無數芝麻樣斑點而得名。清遠麻雞屬小型優質肉用雞種，外貌特徵「一楔、二細、三麻身」。
「一楔」系指體形似楔形，前軀緊湊，後軀圓大；「二細」指頭細、腳細；「三麻身」指母雞背羽主要有黃麻、褐麻、棕麻三種顏色，頸長短適中。
雞公既胸羽、腹羽、尾羽同主翼羽大部分系黑色，肩羽、鞍羽棗紅色。雞乸既頭同頸前三分之一既羽毛系深黃色，背脊羽毛既黃麻、棕麻同褐麻分別占34.5%、11.5%和43.3%，有少量其他羽色，腳以黃色多。
出殼雞仔背羽兩側各有一條約4毫米寬既白色絨毛帶，保持到第一次換羽後即刻消失，俗稱「蛙背」，呢啲都系清遠麻雞雛雞既獨特標誌。
清遠北江盛產魚蝦蟹。其實，區區魚蝦蟹，邊及得上清遠雞出名。
魚蝦蟹，系清遠疍家人既主要營利手段。而清遠雞呢，一早已經響粵群網友當中富有盛名喇。相信各位粵群網友都想刷翻餐勁。
魚蝦蟹、清遠雞、魚蝦蟹、清遠雞、魚蝦蟹、清遠雞……好喇，大家咪再估來估去啦，系又點吾系又點，畀我寫埋落去先啦。
清遠雞肉質嫩滑、皮脆、骨酥，特別啱愛來整白切雞。將只雞洗乾淨，白水齋煮，間中拎出兩次，倒出雞肚積水，保持內外溫度一致。
浸大概十五分鐘至熟，用鐵鉤勾起，再放落凍滾水過冷河，洗走絨毛、黃衣，撈起。晾乾表皮，掃上熟油，斬成細舊，上碟，擺成雞形。食時佐以薑蓉、蔥絲，香味更濃。
金牌豉油雞：正宗清遠麻雞配以秘制豉油，用慢火煲1個幾鐘，保持原雞底味，食起身鮮嫩幼滑。
茶樹菇煲雞：茶樹菇雖然本身味道好重，但同只雞一齊煲出來就非常清淡爽口，而雞因吸收茶樹菇香味，味道更香濃。
咖喱薯仔炆雞：雞肉同咖喱汁融合得好好，吸收咖喱汁既雞肉香辣爽口，因為火候恰到好處，所以雞肉保持咗原本嫩滑既特點。
瓜炒雞勝：勝瓜炒雞腎，望似其貌不揚，但美味異香令食過既人終身難忘。雞腎配上切片勝瓜響清油鍋度爆炒兩下，起鍋後勝瓜脆、雞腎鮮，色澤誘人，爽啊！
| 
發表於 2008-10-11 23:24:57
